الكـبة الشّـامـيـة خمس انواع خطوة بخطوة وبالصور

الكبة لها نواع كتيرة بتتجاوز 150 نوع
وهي مشهورة بمنطقة بسوريا تسمى

حلب

وبالشام نعمل هالانواع أكثر شي رح اقدم لكم اياها هنا

وهي الكبة المقلية طبعا الكل عارفها

والكبة المشوية
الكبة اللبنية
الكبة المبرومة
الكبة على السيخ

رح ابدأ اليوم بعجينة الكبة الخارجية وهي رح نعتمدها بكل الانواع




ملاحظة:    اللحمة الهبرة  هي لحمة ما فيها دهن ابدا
وهي سر نجاح الكبة وعدم تفككها وخصوصا بالقلي
.........
لاحظو لونها بالصورة





بالنسبة للبرغل الاحسن انه يكون ناعم حتى ما يحتاج   طحن كثير
يغسل ولا ينقع

اطحني البرغل بماكينة الكبة على انعم شفرة







اطحني بالمرة الثانية اللحمة والبرغل والبصل معا

وارجعي مرة تانية اطحنيهم على شان ينعموا زين

وكذا  ستكون العجينة




الان بللي يديك بالماء واعجني واضيفي الملح والفلفل /// فيه ناس تضيف النعنع الناشف

((ملاحظة: العجينة رح تاخد كمية من الماء لان البرغل بيشرب الماء
كل ما حسيتي العجينة ناشفة وانتي بتعجني بللي يديك مرة اخرى بالماء))

وهيك بتكون العجينة جاهزة لتشكيل الكبة بانواعها


انتظروني لتقديم انواع الكبة

الكبة المقلية








اول شي  نقلي البصل بشوية زيت



بعدين نضيف اللحمة ونقليها مضبوط ونحط لها الملح والفلفل والبهارات
  و حطيت جوز مفروم  ممكن تستبدلينه بالصنوبر




وخليها لتبرد على شان نحشي فيها الكبة




طريقة الحشي :

جيبي قطعة من عجينة الكبة خليها مثل الكورة
فرغي وسطها باصبعك وخليها رقيقة
 انا أستعمل ماكينة الكبة لانها اسرع

بتكون معها قطعة خاصة للكبة المقلية ...


سكريها من تحت وحطي بداخلها اللحمة المفرومة



لملمي اطرافها .... شوي شوي وسكريها لتاخذ شكل الكبة




يمكن يطلع بالحبة تشققات
  امسحيها بقليل من النشا المذوب بالماء

  ايضا يمسكها على شان ما تفرط بالقلي ..
(وهذا سر من اسرار الكبة )





وهنا بعد التشكيل
  وممكن تعمليها وتحطيها بالفريزر لوقت القلي



واقليها بالزيت .....




وهذي الصورة من الداخل  لاحظو سماكتها
كل ما كانت ارق كل ماكانت احلى




وهذي هي طريقة الكبة المقلية
,,,,,,,,,,,,,
بالتفصيل الممل


-----
الكبة المشوية




  هذي طريقة الكبة المشوية

وهي اكثر نوع أفضله من انواع الكبة كلها.....
لاتستغربوا من الحشوة ترى الطعم خطير

بسم الله نبدأ




بالنسبة للحمة هي تقليها مع البصل والبهارات
(كمية قليلةيعني كل كيلو دهنة وشحمة ربع كيلو لحمة)
وفي هذه الصورة الدهنة الى اليمين والشحمة على اليسار


الخلطة المشوية  يكون شكلها  كذا .....
ممكن تضيفي لها حب الرمان الحامض


((توضع الدهنة والشحمة نيئة))

طريقة التشكيل
ناخذ قطعة من عجين الكبة نعملها دائرة ....
بعدين نضعها بين طبقتين من النايلون ونضغط عليها بشكل دائري ....
على شان تعطينا دائرة
بهذا الشكل



نضع عليها قليل من الحشوة


ونقوم باغلاقها بقطعة ثانية

ونضغط على الاطراف لتتماسك مع بعضها


نمسح عليها بقليل من ذرات الماء
((على شان التشققات اللي بالبرغل تروح ))

طريقة الشوي تحضري قطعة حديد وتحطيها على الغاز
و   على شان النار ما تحرق اقراص الكبة ..
حطي فوقه الشبك وصفي الاقراص وقلبيها بهدوء الى ان تنضج



والاطيب اذا كانت مشوية على الفحم
ممممممممممممم
مارح تنسوا طعمها

وهنا  بعد ما استوت



وهي القرص قسمتو عشان تشوفوا الحشوة كيف ناضجة وما أحلاها




شو رأيكم بهالنوع يمكن تستغربوا كثرة الدهنة
بس هيك اصولها تنقط دهن
ومع انها دسمة بس رح تاكلي اكثر من 3 اقراص
لانها صغيرة   ولا أظن   فيه ناس بتعملها
  بيجي القرص لوحده نص كيلو
هههه
  يعني وجبة وزيادة.

وصحتين وهنا



---------الكبة اللبنية


هذا النوع من الكبة  ممكن يؤكل دافي اوبارد ,,,
نبدأ فيها على طول



نطبخ اللحمة مع البصل , وبنحط معها جوز او صنوبر
اذا حبيتي تحطي بهارات ممكن وطبعا ملح وفلفل


نشكل العجينة بنفس طريقة المقلية ولكن حجمها اصغر
انا عملتها وحطيتها بالفريزر ,,
ممكن تحفظي الكبة المقلية ايضا وتخليها لوقت الاستعمال ,,
اما اذا حبيتي تحفظي المشوية ممكن تشويها نصف شوي
وتحطيها بالفريزر وبس تطلعيها تكملي شويها



طريقة طبخ اللبن

انا بستعمل لبن نادك هو احسن نوع للطبخ ......
نضربه بالخلاط
بعدين نضعه على النار ونضيف له نشأ  مذوب

ونستمر بالتحريك لغاية ما يغلي

نحضر حبات الكبة ونقوم بعمل 3ثقوب بعود الاسنان




اتركيها مدة ربع ساعة ....

في ناس بتحط مع ا للبن ثوم ونعناع ....
وهي الصور





تقدم مع الارز بالشعيرية.....

اتمنى تجربوهاااا ...
وثقوا انكم مارح تندموا


---------
الكبة المبرومة




  نبدأ  بالطريقة على طول




اللحمة : تقليها بالطريقة العادية مع البصل والمكسرات والبهارات يلي بتحبيها


طريقة اللف

تحضري قطعة من عجينة الكبة

تضعيها بين قطعتين من النايلون وتفرديها بالنشابة



نضع الحشوة على عرض قطعة العجين المفرودة




ثم نلفها بمساعدة النايلون ((لانها تلتصق باليد))



بعد ماتخلصي لف اضغطي عليها قليلا لكي تتماسك
وقطعيها وصفيها بالصينية



ادهنيها بالزيت وادخليها الفرن...

((طريقة الكبة بالصينية مشابهة لهذه الطريقة ...
نفرد العجينة بواسطة النايلون
ونضع طبقة من العجين بالصينية
ثم طبقة لحمة مفرومة مقلاية ثم طبقة ثانية من العجين المفرود
ونرصها قليلا لتتماسك وندخلها الفرن))


وهذا شكل الكبة المبرومة بالاخير



ان شاء الله تعجبكم ....
تحياتي لكم


---
كبة على السيخ



اليوم رح اقدم لكم اخر مالدي من انواع الكبة
يالله نبدأ



اللحمة لازم تكون كتيرة والنسبة للي حطيتها بالاول زينة
وهي النسبة الممتازة
واللي نقصتها لازم تزيدها بهالنوع
((يعني الزيادة المكتوبة بالمقادير هي للي نقصت كمية اللحمة))

تجيبو العجينة مع المقادير اللي مكتوبة بالاعلى وتعجنوها من بعض



بعدين تجيبي اسياخ ::::
طبعا اذا رح تشويها على الفحم لازم اسياخ حديد ..
ورح تطلع احلى من ناحية الطعم
واذا رح تشويها بالفرن مثلي جيبي اسياخ الخشب لانها اسهل بالاستخدام

بعدين شكليها على السيخ ممكن تعمليها متل شكل الكبة المقلية وبعدين تشكيها يالسيخ
انا عملت شكلها متل الكباب ...
وكمان عشان تكون رقيقة وتستوي زين



ادهنيها بالزيت وادخليها الفرن (لازم تقلبيها من وقت لاخر)
يعني ممكن تاخد من نصف ساعة الى الساعة

وهذا شكلها بعد الشوي




ممكن تقدميها مع شوربة العدس
اللي هي مرافقة عندنا لاغلب انواع الكبة ...
او اذا حبيت صحن سلطة او تبولة

تم بعون الله

_______

مواضيع مشابهة أو ذات علاقة بالموضوع :