دجاج كنتاكى وهخرب بيت عم كنتاكى بالصور

وليه اكلف نفسى 150 جنيه اقل وجبة ومتشبعش عيّل فى محلات كنتاكى ؟؟
والكنتكى اهوه بالصور نبدا بسم الله
اولا المقادير

كيلو من أفخاذ الفراخ او الاجنحة او فرخة مقطعة على 12 قطعة
ونفتح فيها فتحات بسكينة كما في الصورة



نتبل الفراخ بى بصل بهارات فراخ ملح فلفل شطة للى يحبه حار لمدة ساعة

بعد ساعة نضيف على الفراخ 3 بيض ونصف كوب لبن تابع الصور



هنا البهارت التي سنخلطها مع الدقيق وهى:
معلقة كبيرة جنزبيل ناعم
معلقة كبيرة زعتر جاف
معلقة كبيرةبقدونس جاف
معلقة كبيرة ببركا
معلقة كبيرة ثوم بودر
معلقة كبيرة بصل بودر
معلقة كبيرة بهارت فراخ
معلقة صغيرة كركم
معلقة صغيرة ملح
معلقة صغيرة فلفل
2 معلقة كبيرة بيكنج بودر

تابع الصور



الدقيق بعد ما اتخلط مع البهارات تابع الصور



الفراخ على الدقيق ولازم الدقيق يمسك على الفراخ كويس جدا
تابع الصور




الفراخ بعد ما تتبل فى الدقيق 



نترك الفرخ بعد ذلك لمدة 10 دقائق الى 20 دقيقه  بالثلاجة  قبل القلى 




بنحط زيت غزير فى حله غويطة ويتسخّن كثير وبعدها
ننزل الفراخ فى الزيت وبعد ما يصير لونها كده
نهدى النار جدا ونغطى الحلة 



الحلة متغطية لمدة 10دقائق ثم نشيل الغطاء ونعلى النار تانى لحد الفراخ ما تحمر وتقرمش


الفراخ بعد التحمير نحطها بمصفايه تكون خرومها رفيعه عشان تصفى الزيت بالشكل هذا


وهذا شكل الدبابيس النهائى و الاجنحة





الكنتاكى مع ارز الريزو وسلطة الكلو سلو وبطاطس محمرة
وبالف هنا على اللى كلو واللى يتفراج ويعمل زيه



ودى ياقمرات طريقه الكول سلو وارز الريزو والبطاطس لكل اللى طلبوهم



المقادير

*كوب مايونيز أي نوع.
*كوب كرنب أحمر مقطع شرايح.
*كوب خس كابوتشا مقطع شرايح.
*1/2 كوب جزر مبشور.

* 1/4 كوب لبن.
*معلقة صغيرة سكر.
* ملح وفلفل حسب الرغبة.

طريقة التحضير


اقسمي الكرنب والخس نصين وبعدين قطعيهم شرايح رفيعه
وشيلي راس الكرنب والخس وقشري الجزر وابشريه
وبعد كده اخلطيهم كلهم مع بعض
وحطي المايونيز واللبن والسكر والملح والفلفل
وقلبي لغاية ما المكونات تتشرب التتبيلة

وحطي السلطة في علبه مقفولة كويس لمدة ساعتين بالثلاجة
وبعد كده طلعيها من الثلاجة وقديميها

طريقه عمل رز الريزو
اولا الشوربة :
2 معلقة ملح
- معلقة فلفل اسمر حب
- 3 بصلات مدبس فيهم قرنفل وورق لورا
- معلقة حبهان
فاكرين طبعا الجزء اللى هنعمل منه الشوربة اللى هو الرقبة والهيكل والكبد والقوانص 



عملنا الشوربة تعالو على الرز ومكوناته

1. 1/4 فيليه من اللى كان منقوع فى اللبن الرايب.
2. معلقة شطة حارة .
3. معلقة بابريكا.
4. 3 بصلات متوسطين الحجم مقطعين قطع صغيرة .
5. 2 فص ثوم متوسط مقطع قطع صغيرة .
6. ملعقة صغيرة ملح.
7. 1/2 كيلو رز.
8. 2 ملعقة زبدة.
9. 2 ملعقة صلصة حمراء مدوبين فى شوية ماية.

اليكم الطريقة
نحمر قطع اللحم فى الزبدة


ننشل قطع اللحم ونضع البصل لحد ما يدبل ونحط التوم

اول ما ريحة التوم تظهر حطى قطع الفراخ تانى وقلبى

وبعدين نحط الرز والتوابل ونقلب

وبعدين نحط الصلصة

وبعدين نحط الشوربة ونغطى ونسيبها على نار عالية لمدة دقيقتين ونهدى النار خالص لمدة 12 دقيقة

يالله ناكل ريزو مع صوص باربكيو

منقوليين للامانه بس جربتهم كانوا روووووعه

_______
مواضيع مشابهة أو ذات علاقة بالموضوع :