الصفحات

الخميس، 23 يونيو 2016

عبد الله بن زويبن الحربي رحمه الله / سيرة ذاتية

رحل إلى جوار ربه أمير الشعر الشعبي في "نجد" في العصر الحديث "عبد الله بن زويبن الحربي" وسيصلى
عليه بعد عصر الغد في مسجد الراجحي في الرياض، رحمه الله وغفر له وأسكنه فسيح جناته، وأحسن عزاء ذويه ومحبيه" إنا لله وإنا له راجعون"

وفاة الشاعر عبدالله بن زويبن الحربي .. عبدالله بن زويبن بذمة الله موعد صلاة الجنازة اليوم 18 رمضان 1437 ومكان تشييع الجنازة من جامع الراجحي بالرياض


الهلال – وفاة الشاعر عبدالله بن زويبن ، وفاة الشاعر عبدالله بن زويبن اليوم 23/6/2016 ،فقدت الساحة الشعرية في المملكة اليوم الشاعر عبدالله بن زويبن الحربي، الذي لقي ربه في أحد المستشفيات بعد معاناة طويلة مع المرض، وقررت أسرة الراحل الصلاة على الفقيد عصر غد في جامع الراجحي بمدينة الرياض.
ويعتبر “بن زويبن” أحد أضلاع الشعر ، حيث أبدع في جميع أغراضه من الحكمة والوصف والرثاء والغزل والمدح ، ويحفظ متذوقو الشعر قصائد وأبياتا منفردة له في الحكمة .
وقد ورث الشاعر موهبة النظم من والده منذ أن كان في الخامسة عشرة من عمره ، وفي خبر مفجع تداوله نشطاء تويتر وبعض شعراء المملكة ، انتقل الى رحمة الله تعالى الشاعر السعودي الكبير عبدالله بن زويبن عن عمر يناهز ال 65 عاماً يوم السابع عشر من رمضان 1437 هجري الموافق 23 مايو 2016 في مشفى العاصمة الرياض بعد صراع طويل ومرير مع مرض سرطان الغدد ما سبب حالة من الحزن والالم التي انعكست على السعوديين وظهرت في مواقع التواصل الإجتماعي.
وفاة الشاعر السعودي عبدالله بن زويبن كان لها اصداء كبيرة وواسعة في الوسط الادبي والشعري والشعبي في السعودية والخليج خيث دشن نشطاء على موقع التواصل الاجتماعي تويتر هاشتاق بعنوان “وفاة الشاعر عبدالله بن زويبن” نعوا فيه الفقيد الشاعر بكلمات مؤثرة وحزينة عكست ما يتمتع به الفقيد عبدالله بن زويبن من شعبية واحترام في اوساط السعوديين الذين استذكروا اجمل قصائده الشعريه وكلماته الراسخة والتي صدحت بالحق والأخلاق والوطنية.
كما غرد على الهاشتاق عدد من نجوم الإعلام والشعراء السعوديين الكبار كالشاعر ياسر التويجري الذي غرد ناعياً الشاعر الفقيد عبر حسابه الرسمي على تويتر بالقول “اللهم إنّا نسألك باسمك الجليل وفي شهرك الفضيل ان ترحمه وتكرم نزله”.
كما انتشرت على الهاشتاق العديد من القصائد والكلمات للشاعر عبدالله بين زويبن واخر اشعاره داعين له بان يتغمده الله برحمته وان يسكنه فسيح جناته في هذا الشهر الفضيل والذي اوسطه مغفرة وان يلهم اهله الصبر والسلوان وانا لله وانا اليه راجعون.
ويعتبر الشاعر السعودي عبدالله بن زويبن الحربي من قبيلة الحربي الكبيرة في المملكة حيث تناقل المغردون ان صلاة الجنازة وموعد الدفن سيكون غداً بإذن الله انطلاقاً من مسجد الراجحي بمدينة الرياض حيث سيوارى الثرى في احدى مقابر المدينة.
وكان الشاعر السعودي عبدالله بن زويبن والذي يعتبر احد اعمدة الشعر في المملكة قد انتشرت له قصيدة كانت اخر ما كتبه قبل فاته حيث عبر عن شوقه لعائلته واولاده خاصة ابنته الصغيرة ذات السبع اعوام.
واشتهر الشاعر الفقيد عبدالله بن زويبن في قصائده في الحكمة والوصف والرثاء والغزل والمدح حيث يعتبر ملهم الشعراء الصغار الذين يحفظون ابيات له خاصة في قصائد الحكمة الشهيرة التي دونها في دوواينه الشعرية.
الشاعر عبدالله بن زويبن كان قد ورث موهبة النظم والشعر من والده الراحل والشاعر الكبير المعروف منذ أن كان في الخامسة عشرة من عمره !.
جدير بالذكر ان حسابات غير رسمية ناطقة باسم الشاعر عبدالله بن زويبن على تويتر قد غردت مفيدة بأن الشاعر عبدالله بن زويبن وصل الى مراحل متقدمة من المرض داعية محبيه وجماهيره الدعاء له بالشفاء والرحمة والمغفرة.
رحم الله الشاعر الفقيد السعودي عبدالله بن زويبن سائلين المولى عز وجل له بان يتغمده الله برحمته وان يسكنه فسيح جناته في هذا الشهر الفضيل والذي اوسطه مغفرة وان يلهم اهله الصبر والسلوان وانا لله وانا اليه راجعون.
وحتى ساعة متأخرة من الليلة الماضية، مازال تويتر لا يتحدث إلا عن وفاة الشاعر الرائع عبدالله بن زويبن، وقد نشر الكثير منهم رسائل العزاء لعائلة الفقيد بن زويبن، داعين الله أن يعفو عنه، وأن يسكنه فسيح جناته، وأن يجمعه بمحبيه في الجنة، ومن المنتظر أن تتم صلاة الجنازة على الفقيد غدا في مسجد الراجحي.
حيث اطلق بعض مغردي تويتر هاشتاق باسمه ، تداولوا خلاله كل اشعار الشاعر، وتنالوا عن بعض من حياته الشخصية، وقالوا أنه واحد من أهم من أنجبت المملكة في الشعر، وقد كشف مغردين أخرين عن موعد صلاة الجنازة على روح بن زويبن، وقالوا أنه ستكون غدا الأربعاء بعد صلاة العصر في مسجد الراجحي.
وقد انتشرت حالة من الحزن بين مستخدمي تويتر في السعودية عقب تأكيد صحة الخبر، وقالوا أنه واحد من أفضل الشعراء في المملكة.
وقد دعى المغردين لعبدالله بن زويبن أن يغفر الله له، وأن يزرقه الجنة، يذكر أن الحساب غير الرسمي للشاعر قد نشر رسالة في أبريل الماضي يكشف فيها أنه مريض، وطلب فيها من المتابعين أنه يدعوا له الله أن يرزقه الشفاء التام، ولكن لم يتم الكشف عن هوية مرض الشاعر الرائع عبدالله بن زويبن.
والحزن لم يتوقف على مغردي السعودية فقط، بل أن هناك عدد كبير من مغردي باقي الدول المحيطة مثل قطر والإمارات عبروا عن حزنهم الشديد لوفاة هذا الشاعر الرائع، وفقد قال أحد المغردين أن عبدالله بن زويبن مات، ومات الشعر معه.
وقد قام الآن المغردين بنشر صور فيها قصائد، وأيبات شعر للشاعر الرائع بن زويبن، ومنها مثلا “لو قال بي شذاب الأعراض ما قلت .. قصرت عنه الشين شيمة، وتقوى”، ” إن كان لي حيلة صبرت، وتحملت، وإن قلت الحيلات، حيل الله أقوى”.

من روائع شعره رحمه الله في ابنته

وراك  يا بنتي من الـصـبح تبكين
تـرى دموع العين ماهي خـفـيــه
تبكين وأبكيتي صغــاراً بـريئـين
وأنا بعد دنيتـهــا  هاشــمــيــة
مير البكا والحزن ماهو بها الحين
فـرقـى بنات الناس ماهي قضيـه
اليا تعدت عشرة  أيـام  تـنـسين
أنـتي وهن كلٍاً يـسـليه حـــيـــه
لكن إليـا حطو على راسي الطين
هاك النهــار إليا بكـيـتـي عـلـيــه
ومادام أنا وأنتي على الأرض حيين
ياسعد عينك لو بكيتي شــويــه
والله لا أنسيك الزعل لين ترضين
وأمهد لك الدنيا فجوجٍ فضيــه
وأحماك مـثل حمايـة الجفن للعين
وكلش فداك اليا بغيتـي شــريــة
يفـداك ماشافت عيونك من الزين
لـوان متر الـثـوب من خمس مـيه
لـو أنــي أسجل على ذمتي دين
زودٍ على ما يـملكنـه  يــديــــــه


-------------------------
ياعـلـي قــول ولا لـــواردك مـلـطـوم
يـاراعـي الخـرمـة حـديــد البـقـومـي
عنـدي علـوم وخـابـر عـنـدك عـلـوم
وتـبــي تعلـمـنـي وتـاخــذ عـلـومــي
لا كـن انـا مـانـي رفـيـق لــك الـيـوم
أنـــا رفـيــق لـلـشـقـاء والـهـمـومـي
الـبـارحـة والـيــوم مـاجـانـي الـنــوم
بينـي وبينـه مـثـل حــرب النجـومـي
سهران طول الليـل لا أرقـد ولا أقـوم
أقـالــب الجنـبـيـن تـقــل مـحـمـومـي
وأن نمت صحانـي مـن النـوم جاثـوم
الـلـي يصـحـي غـارقـيـن الحـلـومـي
الله علـى اللـي مقـدمـه تـقـل مـبـروم
شــد الخـواجـه مــا ببـديـه هشـومـي
ماجِـيـب عــن السمكريـيـن مـصـدوم
ولا قـيـل هــو مسـيـوم ولا نسـومـي
مـقـوس الـصـدام وجـنـوطـه كـــروم
فكـسـار مـنـوة كــل راعــي لـزومـي
إلــى مـشـى بالـخـط ولـخـط مـزحـوم
يـروج مـثـل السـيـل بـيـن العقـومـي
بالوصـف كنـه فــارس يمـنـع الـقـوم
يرخـي العـنـان ولا يـحـزم الكمـومـي
فــارس وشـيـخٍ للمـغـاويـر زيـــزوم
قــدام شـيـخـان الـعـبـي والخـتـومـي
شيـخ بكفـه رمـح مسـقـى ومسـمـوم
أمــا مــن الـدوشـان وإلا الـفـرومـي
وإلى أعترض خطه لشعبـان وحـزوم
يشـبـه لـسـبـاحٍ يـغــوص ويـعـومـي
ما قص له لوحـات بحـروف وأرقـوم
إلا سـنـد جـمـرك بـدفــع الـرسـومـي
أبيـه عــن دارٍ بـهـا الـصـدر مكـتـوم
يبـعـد مسـايـه قـبـل أمــزع هـدومــي
لأرضٍ يساقيهـا مـن الشـبـط ديـمـوم
ومـن أول الوسـمـي عليـهـا قـدومـي
فيـاض وجبـالٍ لـهـن طــور ورجــوم
ملـس المـراقـي مكنـعـات الخشـومـي
مـا فقسـت بلجوفـهـن بيـضـة الـبـوم
مرفـا الحـرار مخاشـرات السهـومـي
مـاكـنـي إلا عـايــشٍ دايــــم الــــدوم
إلـــى رقـيــت منـاطـحـات الغـيـومـي
أرتـاح وألقـى متـعـة الطـيـر بالـحـوم
يوم الهـوى ينفـض شماغـي وتومـي
وياعلي أنا قبلك عن الشعر أبا أصوم
زيـنـه وشيـنـه مبـعـدٍ عـنـه حـومــي
وش عاد ابا بالشعر والشعـر مظلـوم
وإلـى سمعـت النـاس ردوا عـزومـي
اللـي لـيـا سمـعـوا شـريـط أم كلـثـوم
مــن الـطـرب كــل ٍ يـطـق البهـومـي
هيضتنـي يـا ذخـر مـن يذبـح الـكـوم
فـي ساعـةٍ فيـهـا البخـيـل مهـزومـي
يقلـط وهـو كنـه علـى الوجـه مرثـوم
يطيـح وجهـه مـع وجـيـه الرخـومـي
وأصل البخيل خمـام معطـى ومحـروم
وكفـه لـيـا جــات الـلـزوم محـزومـي
والـنـاس بـالأفـعـال فـايــز ومـذمــوم
وإلـى النواصـي مـا عليهـا وسـومـي
وأنته مع أهل الطيب لك حـظ وقسـوم
وعن الردى فـي كـل حـال محشومـي
لـك مسهـمٍ بالطيـب مـا هـوب مثلـوم
ياطـيـب الرفـقـة شـريـف السـلـومـي
وتم الكـلام اللـي مـن الـراس منظـوم
وعسـى حياتـك ( يازميلـي ) تدومـي
وإن مت جعلك من سنا النار معصوم
فـي جـاه غـفـار الـذنـوب الرحـومـي



==========================


وعندما سمعها صديقه رد عليه بقصيدة ولا كنها ليست موجودة لدي للأسف الشديد ووجد أبن زويبن بقصيدة صديقه سوء فهم فأراد أن يردف له بقصيده اخرى يبين له سلامة منهجه وهي كما قال :قصيدة تشره ما بها شجب وأستنكار = نظيفه عفيفه ما بها ما يعيبها

==========================


واردف الشاعر عبدالله ابن ازويبن هذه القصيده










عسـى الله ينجينـي مـن المـدفـع الـلـي ثــار
بعيـد الـمـدى الـلـي كــل الأهــداف يعطبـهـا
يـخــوف ويـرعــب كـــل مـاثــار يـاسـتــار
يــهــد الـمـبـانـي والــرواســي يـشـطـبـهـا
حـديـث المـديـل الـلـي عـلـى كـهـربـا وزار
عـسـى الله يعـيـن الـقـوة الـلــي يحـاربـهـا
رمانـي وجانـي مـن سهومـه مطـر وغـبـار
ولـغــات الـمـدافـع بالـصـواريـخ أخاطـبـهـا
ألا يــاهــلا يـامـرحـبـا والـكـبــار صــغـــار
وتــرى الـنــاس تـهـديـد الـعــدا مايهيـبـهـا
عزمنـا علـى عـسـف النـظـا نـسـع الأزوار
وجزمنـا علـى مـس الكـتـب فــي غواربـهـا
وكربنـا الأشـدة فوقهـن فـي حقـب وخصـار
ونـسـفـنـا مـواركـهــا وشـلـنــا مـزاهـبـهــا
ونويـنـا عـلــى رد الـنـقـا للعـمـيـل جـهــار
عـلـى شــان صعـبـات الـمـواقـف يجـربـهـا
تـــدور الـمـعـارك والجـنـايـز لــهــا قــبــار
لـهــا مــــن يكـفـنـهـا ويــركــز نصـايـبـهـا
حصـل ماحـصـل والمبـتـدي ماعلـيـه حـيـار
وتــرى الـلـي تـقـدم لحيـتـه عـنـد شاربـهـا
وتـرا الشـك ودى لــه رياجـيـل يــم شـهـار
تـربــع بـلـيـس بـروسـهـم لــيــن خـربـهــا
مع الدرب الأيمن رح وخـل الشكـوك يسـار
تـراهــا بـعـيــدة عــنــك وأنــتــه تـقـربـهـا
عطيـنـاك بـشـتٍ ماتخـالـف بـهــا الأنـظــار
نقيـنـا المشـالـح لـيـن جبـنـا لـــك أطيـبـهـا
وقبلـت الهديـة ثـم مـدري وش اللـي صــار
لـقـيـنـاك يــــوم تـصـلــي الـعـيــد قـالـبـهـا
وأنــا يـاعـلـي مـانــي مـــراوغ ولا غـــدار
أقـــدر خـويــي والمحـابـيـل مـــا أنصـبـهـا
وأجنـب عـن الشينـة ونفـسـي لـهـا مـقـدار
مــع الطـيـب تمـشـي والــردا مــا يناسبـهـا
وأنـا مـانـي الـلـي يعـتـرض سـكـة الـمـرار
أنــا لــي طـريـق وبـاقـي الـطـرق أجنـبـهـا
أخل العـرب وأسرارهـا مـا أبحـث الأسـرار
أجـنــب ولالـــي فـــي خـطـاهـا وصـايـبـهـا
أعـرف أن لـو أنــه يـطـق الحـجـار حـجـار
تـقــوم الـسـبـاع إلـهــا سـبــاعٍ تـجـاوبـهـا
وتصيـر القضيـة مسألـة بحـث واستفـسـار
وعـلــى راس منشـيـهـا تـعــود عـواقـبـهـا
وتراك انـت راع الرميـة اللـي بـدون عيـار
طـريـقـة خـطــا مـــدري عـلـيـه مصـوبـهـا
تبـجـح وتنـظـر لــي بتصـغـيـر واستـهـتـار
كبيـرة علـيـك ولا أعــرف ويــش واجبـهـا
وتقـول أنـك انـت الشاعـر الماهـر البيـطـار
جـمـيـع المـثـايـل مـفــردٍ فــــي غـرايـبـهـا
وأنـا خابـر انــك لــك بضـايـع مــع التـجـار
عـلـى كــل ســوقٍ يـشـري الـزيـن تجلبـهـا
وبالأسـهـم تسـاهـم بالجنـيـهـات والـــدولار
مـع أرقـى البنـوك اللـي تضاعـف مكاسبهـا
وتـرى كـل ديــرة غـيـر ديــرة بـهـا خـبـار
أهـــل مـعـرفـة بسبـاعـهـا مــــن ثعـالـبـهـا
وتـرى كـل ديـرة غـيـر ديــرة بـهـا صـقـار
يعـرف الصقـور الرقـش ويعـرف أ رانبـهـا
وأنـا يـوم سـويـت القصـيـدة خـبـر وانــذار
وأنـا مـا أحسـب انـك تشتـبـه فــي مآربـهـا
وتعبـت وتعبنـا والنتيجـة مـا غـيـر أصـفـار
والأصـفـار بالأصـفـار وشـلــون نضـربـهـا
وأنـا مسهمـي ماهـو بنـاقـص مــع الشـعـار
أروض صـعـيـبــات الـمـثـايــل وأرتــبــهــا
وأسـوق القوافـي ليـن تمشـي مـع المعـبـار
كـمـا ســوق هـجـنٍ حـنــوة الـعــود تـدبـهـا
عـلـى درب شـيـخٍ كـــل يـــومٍ يـصـبـح دار
يـسـج النشـيـط مــن النـظـا لـيــن يتعـبـهـا
وأجيـب البيـوت المـفـردة وأتــرك التـكـرار
نـقـيــض الــفــوا رغ بـنـدقــي ماتـزهـبـهـا
وأطـب الفيـاض المخضـرة واقطـف النـوار
اقــص الـزهــور النـاعـمـة مـــن ذوايـبـهـا
واطــب الـمـزارع واتـنـقـى مـــن الأثـمــار
أنـقــي نـبــات اثـمـارهـا مــــن شـوايـبـهـا
وأغوص البحور اللي بهـا الحـص والمحـار
وأخـلــص عمـيـلـي ديـنـتـه قـبــل يطلـبـهـا
وأعرف البضايع واعرف السوق والأسعار
واثـمــن واقـــدر سلـعـتـي قــبــل أطـبـبـهـا
وتـرى اللـي سـواك نشيمـه شيمـة الخطـار
وفــاء والنـفـوس الطـيـبـة لـيــه نغضـبـهـا
لاكـنـا عـلـى الـلـي فـيـه زودة لغـانـا حـــار
مـشـاهـيــب ســـنـــاء ويــــــل نـجـذبــهــا
تواهـج توهـج شقـر الأسيـاخ وسـط الـنـار
لــوانـــا نـمـثـنـيـهـا صـــفـــاتٍ تــذوبــهــا
وترى الشعر فتل ونقض ماهو بخبط أشجار
وتـرى الفـرق بعـقـول الـرجـال ومواهبـهـا
وتـرى الحكمـة البلغـة وبـاق الـكـلام بـخـار
يـمــر الـحـلـوق الـنـاشـفـة مــــا يـرطـبـهـا
والايــام والدنـيـا تـــرى مـالـهـا اسـتـقـرار
عـلــى نجـومـهـا تـطـلـع نــجــومٍ تغـيـبـهـا
الأيــــام تـخـفــي غـيـبـهـا والــزمــن دوار
بـطـش بالمـلـوك وحالـهـا عــن مناصـبـهـا
على عروشهـا مثـل النـوادر علـى الأوكـار
وتـصــف العـسـاكـر بالـطـريـق لمـواكـبـهـا
تلاشـوا مثـل نبـتٍ بـروض وطــاه عـصـار
عـواصــف ريـــاحٍ طـيــرت بـــه هبايـبـهـا
نواعـم غصونـه طـار فيهـا الـهـوى التـيـار
وبقـايـا عـروقـة جـــارح الـسـيـل سالـبـهـا
تـعـيـش الأوادم بـالأمــل والـعـمـار قـصــار
وراهـــا مـحـاسـب والله الـلــي يحـاسـبـهـا
رجـانــا وملـجـانـا هـــو الـواحــد الـقـهــار
ولـــي الـعـبــاد الــلــي يـحـقــق مطـالـبـهـا
وقرينـا الكتـاب اللـي نـزل لأولـي الأبـصـار
بـشـيــر ونــذيــر ولابــــه آيــــه نـكـذبـهـا
قـريـنــاه بـالـغـنـة والأخــفــا وبـالأظــهــار
وبـالإدغــام والـلــي بـالـحـركـات نـعـربـهـا
وتبعنـا طريـق اللـي كسـر شكـوكـة الكـفـار
ونقـيـم الـصــلاة الـواجـبـة مـــع رواتـبـهـا
وتركـت المـجـال لصاحـبـي لـجـل مايحـتـار
تـقـصـرت ولـــى لـــو تقـصـيـت أشـيـبـهـا
وأنـا خـابـر انــه صـقـر مايـاكـل االاســوار
وطـعـام الصـقـور الجـارحـة مــن مخالبـهـا
وتـقـبـل تحـيـاتـي وهـــذا اخـــر الـمـشـوار
قصـيـدة جـديــدة بـــأزرق الـحـبـر كاتـبـهـا
قصـيـدة تـشـره مابـهـا شـجـب واستـنـكـار
نـظـيـفـه عـفـيـفـة مـابـهــا مــــا يـعـيـبـهـا
عـلــى مبـتـداهـا رايــــةٍ لـلـســلام شــعــار
وعـلـى منتـهـاهـا الـعــود الأزرق يطيـبـهـا
وصــلاة الله الـبـاري عـلـى سـيـد الأبــرار
شفـيـع الخـلايـق يـــوم تـكـشـف حقايـبـهـا
نـبـيٍ أوحــي لــه بالرسـالـة وهــو بـالـغـار
بـهـا خـصـه الله مــن عـبـاده وفــاز ابـهــا



========================

وهذي أيضا ًمن روائع الشاعـــــــــر :








سمعـت لـي كلمـة مـدري وش اقصاهـا
حـزت بنفـسـي وأنــا مـانـي بهارجـهـا
لـوكــل كـلـمـة إلـــى جـتـنـا طـردنـاهـا
بـعـنـا الثمـيـنـة بـسـعــر مايـخـارجـهـا
لــو مــرت الـسـمـع مـاكـنـا سمعـنـاهـا
ونقـفـل الـــراس عـنـهـا لا يبرمـجـهـا
ومـــن يـــم هــــذا لــهــذا مانقـلـنـاهـا
والنـاس واجــد وتلـقـى مــن يروجـهـا
مــن جابـهـا بـيــن خـلــق الله وداهـــا
لـو بـه مراجـل تـرى نفـسـه يسمجـهـا
ومن عامل الناس فـي سابـق خطاياهـا
يـقـعـد بـــدار خـــلا مـــاداج دايـجـهــا
فـي كنـة تـشـوي الجـربـوع رمضـاهـا
وتابس غصون الشجر من حر واهجها
والناس بالحق حكم الشيخ مـا أرضاهـا
ماتقـنـع الـنـاس لـــو انـــك تحجـجـهـا
يالـلـي تـبـا الطيـبـة خـذهـا وعطـنـاهـا
وخـــل الطـريـفـة طـريــة لا تثـلـجـهـا
وأقضب طريق الأوادم وامش ممشاهـا
أتـبـع دروب الـعـرب وأدرج مدارجـهـا
وأرســم لنـفـسـك حـــدود ولا تـعـداهـا
من حط نفسه بـدرب الضيـق يحرجهـا
وان كـان نفسـك هـواهـا قــام ينحـاهـا
حـط الأعنـة بـروس الخيـل وأسرجـهـا
وفــكــر بمنـكـافـهـا قـــــدام مـغــزاهــا
واضـرب حساباتهـا وتـشـوف ناتجـهـا
وكــل بعـضـده يـمـوح الـدلـو برشـاهـا
وتلقـى كبـود الضوامـي مـن يبرهجهـا
وان كـان تـوك علـى صـدرك تهجـاهـا
حـنـا تـرانــا نـــدرس فـــي مناهـجـهـا
مــن يــم مصبـاحـهـا نـبـعـد معـشـاهـا
إلــى قـعـد راعـــي الـضـلـع يـدرجـهـا
لـو هـي صعيبـة إلـى انعاجـت عدلناهـا
واللـي تجـي مستقيـمـة مــا نعروجـهـا
نهـتـم فــي وزنـهــا وابـــرام معـنـاهـا
ومــن الكـرسـتـال والـلـولـو نتـوجـهـا
مـثـل الجـواهـر لـيــا مـنــا نضمـنـاهـا
وسلوكهـا مـن جديـد الـزري ننسجـهـا
مـخـايـل تـردتــدم والـصــدر منـشـاهـا
لا دك بـالــبــال داكــــــوك يـهـيـجـهــا
وليا أمطرت ضاقـت الوديـان فـي ماهـا
تاخـذ إلـى الحـول مـا يبسـت مدالجـهـا
وان صدت الناس عنـا مـا أعترضناهـا
مــا تقـفـي الـنــاس عـنــا ونتولـجـهـا
وإن جاتـنـا الطيـبـة بالطـيـب زدنـاهــا
الطيـبـة بالـعـسـل والـسـمـن نمـزجـهـا
وان جاتـنـا الثانـيـة نصـبـر ونـرفـاهـا
يمـكـن إلــى فــاق راعـيـهـا يعالـجـهـا
وان عـادهـا عـــودة مـاعــاد ينـسـاهـا
مـن حربـة فـي صميـم الصـدر نولجهـا
مسـمـومـة يـبـلـش الـدكـتـور بـدواهــا
مايقـنـع الخـبـل لـيــن أنـــه يلامـجـهـا


=====================






وإليكم ايضاً درّه من درر ابن زويبن :







ياسعـود عسـى داركــم عمـهـا السـيـل
عقـب البـروق اللـي تكـاشـف جهتـهـا
عطـنـي جمـيـع اخـبـارهـا بالتفـاصـيـل
عـســى الـرجــوع الـتـالـيـة سيـلـتـهـا
لـعـلـهـا دايــــم تــصـــب الهـمـالـلـيـل
عـلــى الـفــروع جبـالـهـا واوديـتـهــا
دار ربـــو فـيـهـا الـرجــال المشـاكـيـل
مـن مـاضـي الايــام مــا احــد شمتـهـا
حـمـايـة الـخـايـف وصـبـابــة الـهـيــل
وعـوق السميـن الللـي تـمـوح ذنبتـهـا
لو كان ما رجـي مـن وراهـا محاصيـل
مـيـر الـرجـال تـحـب مـــن سامعـتـهـا
وفــي ضفـهـم راع العـيـون المكاحـيـل
الـلـي يــذوب القـلـب مـــن سلهمـتـهـا
إلـى اقبلـت قــام يتكفـكـف دجــا اللـيـل
كــــل الــديــار الـمـظـلـمـة نـورتــهــا
وإلى ادبـرت غطـت جسدهـا المجاديـل
بـيـن الخـلايـق لـــو تـعــرى كسـتـهـا
أن كفـتـه مـثـل الـغـصـون المحـامـيـل
وان فـلـتــه قـــــام يـتـثـنــى تـحـتـهــا
كنـه سبـيـب الـلـي لـيـا مـاحـت الـذيـل
راســـه تـعــدى راســهــا وارقـبـتـهـا
صفـرا وهـي بعذارهـا سمـعـت الخـيـل
اشـد مــن ضــرب الـدفـوف أرجفتـهـا
وقامـت تشيـل بنفسهـا بالسمـاء شـيـل
وصـاح النـذيـر وسـبـق الخـيـل جتـهـا
خيالـهـا دايــم عـلـى خـصـمـه الـمـيـل
إلــى فـــرق رجـلـيـه عـــن معرقـتـهـا
شـيــخ مضـريـهـا لـنـطــح المـقـابـيـل
صـــوب الـخــلا بعـنـانـهـا ماعـفـتـهـا
تـفـرح بــه الـلـي مـاروراهـا رياجـيـل
وصـكـت عليـهـا خـيـل قــوم وخذتـهـا
قــــوم تـقـفــوا جـلــهــا والـمـخـالـيـل
أقـفــوا عــلــى خلـفـاتـهـا واجنـبـتـهـا
وابـطـت فــزوع مسحبـيـن الشمـالـيـل
وجـاء مـن يـرد الـبـل عـلـى راعيتـهـا
عـن كبدهـا يجـلـى الـصـدا والبهـاذيـل
إلـى لفـت فـيـه الـصـدف مــن بختـهـا
ونــادى لـهـا يــام الحـلـق والخلاخـيـل
ويـــن اتـجــاه الـقــوم يـــوم اقتفـتـهـا
وقـامـت بـذرعــان زهـتـهـا المفـاتـيـل
تـنـعـت وراهـــم لـيــن وكـــد نـعـتـهـا
وقـامـت تـزغـرد بالغـنـاء والمـواويـل
وجـاه الدهـاش وشـاش مـن غطرفتهـا
ولحـق بسـيـفٍ لمعـتـه مـثـل الأستـيـل
وصفـراً إلـى جــات الـحـلاة أطمرتـهـا
وأومـى بهـم مـثـل الـهـوى بالمخايـيـل
وضاقـت بهـم جـرد السـهـال وسعتـهـا
مـن راح ماعـود ومـن طـاح مـا شـيـل
وقطـم الـحـذا راجــت عليـهـا غبرتـهـا
فيمـا مضـى واوردتهـا ضــرب تمثـيـل
لـوكـان دورات الـزمــن كـــد محـتـهـا
دنـيـا تـفـرق شـمـل جـيـل بـعـد جـيــل
قـدامــنــا كــــــم عـــاالـــم فـرقـتــهــا
دارت بـنــا الايـــام مـثــل المـحـاحـيـل
عـنـهـا نـحــت فـيــه وعـنــي نحـتـهـا
نـحـت ولاجتـنـي خـطــوط ومـراسـيـل
وإلــــى كـتـبــت رســالــة مـاقـرتـهــا
لاكــن قـــرار الـحــب مـافـيـه تـعـديـل
لـو عشـت بالدنـيـا إلــى آخــر سنتـهـا
يبقـى علـى مـا كـان لـو طـالـه الطـيـل
رســــمٍ بـذاكـرتــي وفــــي ذاكـرتـهــا
هاض الضمير وقلت من عر ض ماقيل
واخـيـر مــن ســرد العـلـوم اثمـرتـهـا
اخـتـرت ماتصصـلـح علـيـه التعـالـيـل
عـنـد الـرجـال الـلـي تـصـوغ أمثلتـهـا
بـعـض الـرجـال يقـابـل الكـيـل بالكـيـل
وبـعــض الـرجــال تـحـدهـا معرفـتـهـا
والـنـاس بالـلـلـي ماتـعـرفـه جهـاهـيـل
ويـبـيـن غــيــب قـلـوبـهـا بالسـنـتـهـا
وتـعــرف فصـيـلـة دمـهــا بالتحـالـيـل
وتـبـيــن جنسـيـاتـهـا مـــــن لـغـتـهــا




========================


وإليكم ايضا ً دره من درر الشاعـــر :








ياراكـب اللـي يـوم تسـمـع وشيـشـه
وشيـش رقطـاً ذيلهـا بالعصـاء نيـش
قــامــت تــحــك جنوبهامستـهـيـشـة
وتبـيـن أنـيـابٍ ســـوات المنـاقـيـش
يمـرج مـع البيـدا إمــراج الخريـشـة
إلى أمرجت بين الوحش والنواحيش
مــن عـقـب مـاهـي للمنـايـا وليـشـة
بيـن الصقـور ومبهمـات النواتـيـش
حيـت حيـاة الـلـي بتـالـي الحشيـشـة
عقب الدرك شرب القراح النقاريـش
جمـسٍ يربـح كـل مــن حــط شيـشـة
يتـعـب بتعبيـتـه طــوال الخراطـيـش
إلـى وقـف يكـوي الكبـود الغشيـشـة
وإلى مشى ما يلحقـه مومـي الريـش
بـرقٍ مـن العـارض جذبنـي رعيشـه
يـــوم يتـلالابـالـمـزون الـمـراهـيـش
وأثــره مــا يسـقـي الكبودالعطـيـشـة
يبرق ويرعد ميرمـدري علـى ويـش
لا تحتـزم بالـلـي ضلـوعـه هشيـشـة
اللـي ليـا سمـع النـداء صـد تطنيـش
لاتحـتـزم بــه لــو تـحـيـزم بخـيـشـة
مـا يقطـع الدِيـان ركــض الأكـاديـش
وبـيـتٍ بلـيـا ســاس مـثـل العريـشـة
يطـيـح لـولـمـع بـبـويـه و ورنـيــش
وجـرد السهـال الخالـيـات الوحيـشـة
اللـي تطـوى فـي شجرهـا الحنافيـش
أخيـر مـن ضـلـه وبـعـض المعيـشـة
يعافهـا الطيـب ويفـرح بـهـا الـديـش
وقـال المثـل مامـن ورى طلـع بيشـه
عيشة وراس الضبي ما به عراميش



=========================
وايضا ً يقــــــــول : الشـــــــــاعر //






يــا مــل قـلــبٍ هواجـيـسـه يسـجـنـه
سـج النضـا بالمطـارق والمشاعيـبـي
هـن ودهـن كـل روضٍ زيـن يرعـنـه
وهـم ودهـم المسـاء عنـد المعازيـبـي
يـوم انتهـاء كـل مـا بالخـرج والشنـة
تـواعـدوا بـيـت نـطــاح المواجـيـبـي
شيخٍ صدى صوت نجره كـل مـا دنـه
يقنـب بـروس النـوازي قنبـة الذيبـي
يرخـص خروفـه ولا يبخـل علـى بنـه
ويشكر ويذكر ليـا عـدوا هـل الطيبـي
تريـحـن وأمـرحــن يومـنـهـن جـنــه
وأنا الهواجيـس تسرحبـي وتسريبـي
راحـن بقلبـي ولا أدري ويــن ودنــه
أخـذت فـي جـوهـن غـفـوة وتغييـبـي
سجيـت معـهـن عـلـى فـلـمٍ يعرضـنـه
عن غيب بعض القرايب والأصاحيبي
ابلـيـس لــولاه كــل الـنـاس بالـجـنـة
لاكـــــن يـلـعـبـنـا راع الـتـلاعـيـبــي
يا شين بعض الأوادم لو ضحـك سنـه
يضحك بوجهي ويشذب في عراقيبـي
واللـي ليـا غبـت غوجـه للطـرد عنـه
وجـرد سيوفـه عطيبـات المضاريـبـي
هـجـرت كــل الــدروب الـلـي يمـرنـه
أخيـر لـي مـن مجيـه ، عنـه تجنيبـي
ولو ما أقتـدي فـي كتـاب الله والسنـة
خليـت كــلٍ عـلـى ديـنـه يصـلـي بــي





=======================


وايضا ً يقــــــــول : الشاعــــــــر //






يا سيد الاحباب زحت الهم عن بالـي
عنـدك بكسـب الحبايـب دبلوماسـيـة
لك فرصـة تجمـع الغالـي مـع الغالـي
من غير موعد تجي وتـروح عفويـة
أخذتني مـن معاصيـر أشهـب اللالـي
ورمستني رمس بأجواك الرومانسية
غطيت وجه السمـاء بغيـوم وخيالـي
والأرض غطيتـهـا بــورود سحـريـة
متشابـكٍ نبتهـا مــن كــل الأشكـالـي
من كل الأشكال تقـل انقـوش زوليـة
وصممـت طـيـارةٍ تصميمـهـا عـالـي
مــا صممتـهـا الـولايــات المريـكـيـة
من غير كبتن تجـول فـوق الأطلالـي
وغمـزت زر المحـرك وأقلـعـت فـيّـه
طارت عن الأرض مليارات الأميالي
شـوي وإلا لمسـت الشـمـس بيـديـة
وتحطمت بالمضامي والخلاء الخالـي
جيـعـان ضمـيـان لا هــذي ولا ذيــة
متعلـقٍ فـي عـمـود الـيـاس بحبـالـي
متلـولـحٍ مــا تـطـب الأرض رجلـيـة
جميـع مـا شفـت بـس أشيـاً تهيـالـي
أفـكـار وضـنــون وأوهـــامٍ خيـالـيـة
يا سيد الأحباب تضرب فيك الأمثالي
من سابق الكون لك حسنة ولك سية
حسنتك تجمع لك أجيـالٍ مـع أجيالـي
الـعـالـم الـمـيـتـه والـعـالــم الـحـيــة
وسيتـك تـدفـن بـوايـق كــل ختـالـي
مـن السبـاع الضـوراي والحرامـيـة





===========================



وايضا ً يقــــــــــول : الشاعــــــر //







يا وجـودي وجـد مجـروح الفـوادي
مـن هنـوف ثوبـهـا يـجـرح نهـدهـا
شـافـهـا بالملـعـبـة يـــوم الـعـيـادي
طشت الشيلـة و ماحـت فـي جعدهـا
كـنـهـا بالملـعـبـة صـفــرا تــــرادي
بالـحـبـال الـلــي مـلــواتٍ عـقـدهــا
سمعت أصوات العـزاوي والهنـادي
مـن عياطيـر السطـر يطفـر زبـدهـا
تحـتـري شـيـخٍ يـقـود ولا يـقــادي
منـكـفٍ بطـمـاعـةٍ لـحـقـوا طـردهــا
لحقـوا الفرسـان بظـهـور الجـيـادي
وكـل راعـي مـهـرةٍ ركــب ولكـدهـا
لابــةٍ تقـلـط عـلـى جـمـع المـعـادي
ميـر ربـي عاقـهـا وأطـفـى سعـدهـا
خيلهـم يـم الـخـلا عـقـب الـطـرادي
مــا تبـقـي مــا يبـقـى مــن جهـدهـا
روحـت مثـل النعـام امــع الحـمـادي
يـوم سمعـت صـوت خـيـالٍ رهـدهـا
بنـت شيـخٍ مــا ينـافـس بالـشـدادي
كـلـمـتـه كــــل القـبـيـلـة تعـتـمـدهـا
مـا تلـد بعينهـا فـي شخـص عــادي
ولا يسـود الغـابـة إلا حـكـم أسـدهـا
أتفـق معهـا عـلـى غـيـر الفـسـادي
ايـتـزوجـهــا ويـاخــذهــا بــيــدهــا
فـوق خـبـرا جمـعـت كــل الـبـوادي
كـل مــن عـلـم بـهـا شــد ووردهــا
سيلتـهـا يــوم هــل قـــران حـــادي
مزنـةٍ كـبـر القـطـاة أصـغـر بـردهـا
وكـل مـدة قيضهـم والوضـع هــادي
وأن حصل لـه فرصـة جـدد عهدهـا
ليـن قـام الـحـر ينـقـص والـبـرادي
يتـزايـد والـمـزون أوحــم رعـدهــا
نـاحـرت لـديـارهـا قـطــم الـتــوادي
أورحـت ريــح الحـيـا يـمـت بلـدهـا
وأرسلـوا عـسـاس للعـلـم الـوكـادي
ثــم جـاهـم فــي عـلـومٍ مــا بـعـدهـا
ما بعدهـا غيـر صـوت اللـي ينـادي
وكــل راعــي خيـمـةٍ شـلـع وتـدهـا
وقربـوا حـمـر الونيـتـات الـجـدادي
والبيوت السـود طـاروا فـي عمدهـا
أستخـفـوا تـقــل قافـيـهـم هـجــادي
كـل مـا جـو مصـغـرٍ شـالـوا ولـدهـا
مالـهـم يــم الغـنـم شــف ومـــرادي
مـــا شـقــوا بنعيـمـهـا ولا نـجـدهـا
روحــت قطعانـهـم مـثـل الـجــرادي
تتعـب الحسـاب مـا يحصـي عـددهـا
والهـوى معـروف شـيٍ لا إيــرادي
والنتيجـة موسفـة مـا أحــدٍ حمـدهـا
يتسـرب مــع حــلاه مــن المـبـادي
ســم حـيـة والـفـراق أمــر وأدهــى
لو صبر راع الهوى صبر المهـادي
الـجـروح تبـيـن لــو أنــه جـحـدهـا
أنطلـق مــع دربـهـم حـاديـه حــادي
وكـل مـا جـاء نـزلـةٍ مــر ونشـدهـا
لـيـن بــاد ولا لـقـى عـلـمٍ وكـــادي
باهـت الأخـبـار عنـهـم مــا وجـدهـا
كنت غـادي وأحسـب المـدّل غـادي
والنتيجـة تنكشـف لـو طــال أمـدهـا
كـنـت أغـنـي مــع مغـنـي يـابـلادي
وأحسب أن اسمي مسجل في سندها
ليـن عرضـت للمـسـاوم والـمـزادي
عكس ما جاء في كتاب اللـي مهدهـا



===========


هذا وارجو المعذره اذا حصل خطأ من خلال الطبع
الغير مقصود
وصح لسان الشاعـــر :
(( عبدالله ابن زويبن المعمري ))



-------------------------

سيرة الشاعر عبدالله بن زويبن( هو عبدالله بن زويبن بن بطي من المعامرة من بني عمر من حرب .. واحد من اهم شعراء المملكة ومنطقة الخليج ...

ورث الشعر من والده الشيخ زويبن بن بطي المعمري ( رحمه الله تعالى ) وصقل موهبته الشعرية من خلال مجالسته لكبار

الشعراء وهو لم يبلغ الخامسة عشر من عمره ... كتب بعض القصائد التي لم تر النور كماهو حال كثير من الشعراء الذين

يترددون في نشر قصائدهم الاولى ..

كتب في الحكمة فجاءت ابياته درر ذهبية ... وكتب في المدح فتباهى المستمعون قبل المعنيين بالامر ... كتب في الغزل

فتغنى العشاق بقصائده المليئة بأحاسيس المحب ..كتب في الرثاء فبكت الحروف قبل المدامع )



*تم جمع هذه القصائد بجهد من الشاعر منصور المعمري وله جزيل الشكر ...


*اولى قصائده التي أحببت ان اضعها بين يديكم قصيدة في الحكمة يسندها على ابنه بدر





ياعزوتي يابدر مااقرب حضايبـك
على الخطا والصبح حبك نقـازي
نوب تنسينا الشقا فـي عجايبـك
ونوب تولعهـا بليفـة وقـازي
ادناة مايرضيك وأدناة مااغضبـك
تلقط الغلطلـت لقـط الجهـازي
ماهي عداوة يوم اطالبك واضربك
أنته حفيد جدودنا ماانـت نـازي
لاشك انا يابدر ابنصحـك وادبـك
واعطيك عن كل المعاني أجـازي
تلقى فوايدها ليـا خـط شاربـك
بها على كل الوصايـا أمتيـازي
خلك شمالي عند زلـة قرايبـك
وعلى الحقوق الليا نصنك حجازي
لاتذخر المذخور من دون واجبـك
اوف الحقوق اللازمات بنجـازي
للضيف والجيران ليّـن جوانبـك
وبالطيب جاز وبالردى لاتجـازي
احلم على زل رفيقـك وصاحبـك
ادمح خطاهم لاتصيـر انتهـازي
يابـدر والله ماتخونـك مناسبـك
لك منسب طيب وساس عـزازي
أفرح ليا قالوا هاك العود جاذبـك
يصير عندي مفخرة واعتـزازي




*وهذه قصيدة اخرى تعبر عن نفسها




الله من قلـب الليـا منـه ادلـج
لو هو بجو فيـه للنـاس صجـه
يدوي مثل مايدوي الطير بالعـج
مع خايع ماينـدرى ويـن فجـه
ماينتبه للـي ينـادي ليـا سـج
والليا انتبه كن الشبـاري تخجـه
لابد من يـوم بـه الهـم يفـرج
عن كل عين بالسهـر مستلجـه
الله على اللي تو رقمـه يبرمـج
ماصار فيه من المطانيـج رجـه
اسرع من الزورق الليا منه امرج
واسبق من اللي بالاشعه يوجـه
جمس الليا قامت قزوزه تواهـج
ضاعن عريضات الرفارف بعجـه
من نقرة العارض يفج القور فـج
ويخلي الشملـول بيـن الاحجـه
خدٍ تحت مـزن بروقـه تلاعـج
نبته من الوسمي غصونه من اجه
لومابها الا الذيب والطير الابلـج
ناخذ بها عن ضيقة الصدر سجـه
عن مجمع به راعي الحق يفلـج
بعض البشر فرقاااه عمره وحجه
العد تنفـاه الضوامـي الليـا رج
والمـر تنكـاه الكبـود وتزجـه




*وهذه قصيدة مدح في الشيخ عامر ابن لويحق المطيري






الله على اللي نازحـات المشاويـر
جرد السهـال القاسيـة والرمالـي
يشوحهـا ويموحهـا بالتياسـيـر
شوح الرشا المبروم بيـن العيالـي
من جـم بيـر عمقـوه الحفافيـر
مسرمـدٍ تاريـخ عصـره هلالـي
عن ماه يقصر حد شوف النواظيـر
قليل واللـي مـن طـوال المدالـي
وردت عليه ضعون بدو ومضاهيـر
عطشا ولا فوقـه مقـام ومحالـي
وتخالفت بيـن الرجـال الأشاويـر
أحـد يبـى الميـراد وأحـدً يبالـي
وقـامٍ يجـرن الحريـر الغنـاديـر
ويبيـن أطـراف رمـز الجمالـي
وتجاوبن بالصوت ويـن المناعيـر
وقامن يطشـن العبـي والشيالـي
وتوارد وه أثنيـن فيهـم عياطيـر
من صوتهن جاهم طرب وانفعالـي
وتلوه فوق وطيـروا فيـه تطييـر
حرفين ذرفيـن نشاطـن عجالـي
جيـبٍ يعـدي نايفـات الحماريـر
بالعرض يبجدهن ويطلـع عدالـي
من مصنع توريد ما هـو بتصديـر
إلى مضى من فوق عمـر الليالـي
بديه آليا شفتـه يصيبـك بتخديـر
وكشنه آليا شفته يجيك أنداها لـي
مـن قبـل مطـور وزادوه تطويـر
لجـن الريـال يكـون المستحالـي
فكسار له في كل دولـه جماهيـر
ما فيه هرجه لا كن السعر غالـي
أبي آليا هاضت شجون العصافيـر
وشع الصبـاح وجالهـن أجتوالـي
طلبت عـون الله والـي المقاديـر
ونحرتـه الصمـان ديـرة خوالـي
أهل بيوتن يـوم وقـت الخطاطيـر
يقلى بها الضيف القـرى والظلالـي
مثل الجبـال الشامخـات المقاطيـر
يامن بها اللي عن عوانيـه جالـي
وعلى السبايا ينطحـون المغاديـر
ويهاجمـون ويحتمـون التـوالـي
قـومٍ آليـا كـرو وفـرو مدابيـر
علـى المهـار مجـدلات الحبالـي
ارقابهـن للخلـف مثـل البواكيـر
أدبارهـم حرفـة وخطـة قتـالـي
ياما الحقن من قال تكفون يامطيـر
لوإ ن لاصوات الرصاص شتعالـي
أيدينهـم تـورد شبـات البواتـيـر
ومتونهـم تدحـم ركـون الجبالـي
وعيونهم بالهوش توصف على الكير
لها بجمر السمر مضـرب مثالـي
أن ساقم العطفـة لقـومِ مناحيـر
عقب المعانـد واحتكـام الجدالـي
قدامهـم تصغـر كبـار الطوابيـر
ويصير فيهـا زعزعـه وانحلالـي
وأن جالهم دون العوانـي مناويـر
يـدون حتـى بالرسـن والعقالـي
أبـي خيـامٍ بالعمـد والتيـازيـر
مبنيتن للضيـوف سمـح القبالـي
مرفوعتٍ مثـل المـزون المزابيـر
ممسوستن مفروشتـن بالزاوالـي
مفتوحتـن بيبانـهـا للمسايـيـر
وناره لها في كل وقـت اشتعالـي
يردم عليها مـن كبـار الجثاميـر
سمر القرى ماهي مطارق سيالـي
ونجرن آليا حرك تفجر تقـل زيـر
وبيض غريـبٍ شكلهـن بالدلالـي
وحيلن يقلطهـن كرامـه وتقديـر
لبعـد بعيـد وللقريـب المـوالـي
الجود وكـرام الوجيـة المسافيـر
طبع الرجال اللـي يبـون الكمالـي
ما يقبلون النقص والنقص تقصيـر
لو العفـون تسمـي المـر حالـي
الجود صار بـدار والبخـل توفيـر
علـى هدفهـم ركبـوه احتيـالـي
المزن ما ينبـت زهـور ونواويـر
ولا يزي الضميان شـوف الخيالـي
ما ينبت المرعـى ولا ينفـع البيـر
أن كان ماصـب القـراح الزلالـي
الشيخ عامر دون نقصـان بالغيـر
أبن لويحق شيـخ شمـل الهجالـي
عند القبائل حجمه أكبر مـن النيـر
والفعل هو مقياس حجـم الرجالـي
ذكره شهير مع الرجال المشاهيـر
دايـم لذكـره بالمجالـس مجالـي
وأخذت عنه من الشويـب تقاريـر
منيـف عنـه بكـل شـئٍ حكالـي
كنه يفرجنـي علـى فلـم تصويـر
يحيـر التفكيـر مـثـل الخيـالـي
من شأن ربعه ضخر الصعب تصخير
خلا الجبـال دروب مثـل السهالـي
الشامخات اللـي بهـن للصقاقيـر
مصنع ولع لكـن عسيـر المنالـي
شمـر وفجرهـن باللغـام تفجيـر
من شأن تحقيق الهـدف والامالـي
خطٍ تعاقب بـه ضخـام المواطيـر
أعـز مطلـب للبلـد والأهـالـي
وبنى العماير باهضـات المخاسيـر
وراحن هدايا مـا عقبهـن ريالـي
ومن يبذل المجهود في نيت الخيـر
يلقـاه عنـد الله عزيـز الجلالـي
تم الكلام وكـل مـا قلـت تعبيـر
عن ما طرى لي بالبيوت الجزالـي
غرايـبٍ مثـل الذهـب والدنانيـر
مكانهن في مستوى الشعـر عالـي
ون كان ما قرو لهـن الشواعيـر
من نضمهن ريحت فكـري وبالـي




*وهذه قصيدة اخرى مليئة بالاوصاف الجميلة




سقوا سقى الله من مطر كل ناشـي
ربعٍ لهم في منبت القفـر مغبـاش
يتلون درب اللـي لبرقـه تواشـي
كثحه على حد السما تقـل لطـاش
كم مـرة بيـن السفـر والغطاشـي
دكوا على جول المها منه وأنحـاش
وبنوا به اللي مثل روس الدشاشـي
مثل القور ماهن هداريس وعشـاش
لاشافها الجيعـان جـاك متحاشـي
يقلط على بيض المناسف والاكبـاش
وصفر من الصالي لهـن اجتواشـي
يصوك ريح ابهارهن كـل ماغـاش
والتمر والمركـا ودمـث الفراشـي
زل ٍ برومـا لـه مـوزع ونقـاش
ماحسبـوا تـال الشهـر للمعاشـي
ولاسعروا حمل البواخر على الطاش
بالسوق عملتهم ماغيـر المواشـي
اللي من اللي ينبت الغيـث تعتـاش
وإن جـاء بلدهـم زاد ولا قماشـي
وسمعوا ووافاهم بالاخبـار طـراش
ودوا لسوق البيـع فاطـر وحاشـي
والمندرج بالسوق من باق الادبـاش
والطيب سعره صعـب ماهوبلاشـي
فازوبه اللي يدفعون الثمـن كـاش
ماجاب غيب قلوبهـم كـل واشـي
بين القبايل ذكرهم يدهـش ادهـاش
مافض مجلسهـم خطـاة الدفاشـي
اللي يتوع بكلمـة تصطـح الجـاش
همـاز لمـاز هـبـود اريـاشـي
سبـاب نمـام مـراوغ وهــلاش
الليا نصحتـه زاد شـره وطاشـي
انحل امانه وانفـرط تقـل رشـاش
ينبش جثث ناس بها الـدود ماشـي
وسط اللحود اللي توحـش توحـاش
حـرااام فيهـا مايجـوز النقاشـي
جنايز حـدر الثـرى كيـف تنـاش
كل العلـوم الطيبـة فـي تلاشـي
تمضحلت واللي بقي ( طاش ماطاش)






*وهذه قصيدة اجتماعية يتحدث فيها عن موضوع معين في نفسه





لي حاجة عيت تحقـق مـن العـام
عيا يطيب الحـظ لـو قلـت أظنـه
يفـز فـزة غاتـر عقـب مـانـام
جنـه حلـوم مزعجـه وأيقظـنـه
وجدي على تحقيقهـا وجـد صـدام
علـى يديـن بـالـولاء بايعـنـه
وبلاده اللـي ماعرضهـا للاسـوام
وعرش الرئاسة والجيوش المرنـه
اللي قذايفهـا تعـدت ورى الشـام
شاميـر يـوم ولايتـه روعـنـه
وبيوته اللي من سيراميـك ورخـام
خطط وصممهن علـى كيـف فنـه
ماتنتـعـدد تكلفتـهـن بـالارقـام
ماهـو مواطـن عايـدي يبهضنـه
حاكم من الحكـام ويصـدر الخـام
دار السريـة والــدول يدعمـنـه
متريّس له دولـة شعبهـا اقسـام
ويلعب على القسمين شيعه وسنـه
مخلـي ٍ شيخانهـم تقـل خــدام
يمشون خلفه خوف ماهـو محنـه
ملا البيوت مـن الارامـل والايتـام
وملا السجون المظلمـة والمجنـه
ياليـن طشنـه مقـاديـر الايــام
مـن النجـوم النايـفـة نزلـنـه
مثل الوليشة بين عـدوان الاسـلام
من كـل صـوب كلابهـم ينهشنـه
او وجد عـود يرتكـي كـل ماقـام
على كفوف يديه مـن كبـر سنـه
الليا غفل بايامـه الماضيـه هـام
والليا انتبه من غفلته ( جر ونّـه )
من عقب ماهـو للمغاويـر مقـدام
الليـا غـزا صـم الرمـك يتبعنـه
ومروبع يزمـي مثـل عـز لـزام
الليا اقبلن شيـب الغـوارب نصنـه
بظهورهن ربـع كريميـن وحشـام
الليـا جذبهـم صـوت نجـر يدنـه
يجذب له الغايـب وسمـوه عـزام
من كثـر مايجـذب شراريـب بنـه
اليوم كل اللي بقـي جلـد وعظـام
والمال خمس اشياه والبيـت عنـه
ولاله عيال ينصرونه الليـا انظـام
الا بنـات ٍ بالهضاااايـب شـونـه
ياقلـب خلـك للروابـع والاوهـام
رفيـق درب وكـل هــم ٍ تبـنـه
والا انتفض واربط محقـاك بحـزام
وعن قوم ( وش سويت ) خافيك كنه
والشر عنك خـلاف والخيـر قـدام
والصبر في وقـت المعانـاة سنـه



*وهذه قصيدة غزلية




إن كان تنشد عن علومي وأنا صبي
ابتذكـرهـا واعلـمـك عـنـهـا
لو هي بصفحات ٍ طواها الزمن طي
جرة مطر جاهـا عجـاج ودفنهـا
ألعب طواريق الهوى مع هل الغـي
اثقـل المعنـى واخفـف لحنـهـا
والشعر يبقى في قلوب العرب حـي
ولا كل من سوى القصيـدة تكنهـا
وأنا حداها حدي الاصعـاب بعصـي
واقودهـا قـود الاديـب برسنهـا
والحب مردوده على صاحبـه سـي
كم ضحكـة ونَـات قلبـي ثمنهـا
أذكر سنة تسعه وتسعيـن هجـري
الـف وثلاثميـة بدايـة زمنـهـا
زلت بي الاقدام للشمس مـن فـيَ
اقـدار والاقـدار تومـر وتنهـى ّّ
غافل وجتني من كوت خافقي كـي
كية عطـب لـولا طبيـب مكنهـا
أبعدت مضربها عن الصـدر بيـدي
ولدَت على كبـدي برمـح طعنهـا
وعرفت ماتخفيه في صدرهـا لـي
من واقع النظـرات منـي ومنهـا
نظرت فيهـا مثـل نظراتهـا فـي
وعجزت اقاومهـا وصديـت عنهـا
كل النساء ظلماء وهي بينهن ضـي
غطت شعاع الشمس أشعـة بدنهـا
من الذهب تلبـس خلاخيـل وحلـي
سـود محاجرهـا وحمـر وجنهـا
مدري تسمى من ومنين ومـن أي
وش هي قبيلتهـا وموقـع سكنهـا
راحت وانا مااعرف من اخبارها شي
الا رمـوز الموتـر اللـي حضنهـا
مدينة من بيـن ابـو ظبـي ودبـي
لعلهـا كاننـهـا هــي وطنـهـا
تمطر عليها السحب هـذي ورى ذي
وديـم الليـا قفـى تراهـا ودنهـا



*قصيدة الشاعر عبدالله بن زويبن مزاين 1425ه




راكب اللي والنجـوم اللامعاتـي
في سماهن والصباح يشع ضيه
بين حي الجامعة والمرسلاتـي
واستدار امع الخطوط الدايريـة
ما التفت راعيه يـم اللافتاتـي
حافظ كـل الخطـوط الريسيـة
أول أسمه بالثـلاث المفرداتـي
رقم خمسة بالحروف الأبجديـة
تـو لوحاتـه عليـه مركباتـي
صادرات من مـرور الناصريـة
وارد تـوه حديـث مواصفاتـي
يلتهـب بديـه ويلمـع داخليـه
كن طبلونـه جهـاز مراقباتـي
في حدى المستشفيات المركزية
شاشة لنباتهـا مثـل السفاتـي
للدمـاغ مخصصـة والباطنيـة
تنكشف به بالضروف الطارياتي
دقة القلـب السريعـة والبطيـة
وكشنه الداخل زلـول ناعماتـي
قبتـه وارضيتـه والجانبـيـة
والمراتب من جلود الزاحفاتـي
ماآدري هو جلد داب أو جلد حية
ماقطعت الشك ميـر مموهاتـي
مثل تمويـه البـدال العسكريـة
بديه أدهم والخطـوط مذهباتـي
مثل عقد الماس في عنق الفتية
والزوايا والركـون مصفحاتـي
مايله والواجهـه مثـل الخليـة
بين شمعات صغـار مربعاتـي
والعلامـة وردة فـي مزهريـة
يوم مريت العيـون الساهراتـي
قوةٍ للأمن في حجـم السريـة
قبل ما آقف عندهم واطلع اثباتي
صفو العسكر ودقوا لـه تحيـة
مشترينـه للديـار النازحاتـي
والخطوط المتعبـات السرمديـة
الطوال اللـي تشـق النايفاتـي
باتـلات مثـل بطـن البندقيـة
ماتخاويـه الريـاح الذارياتـي
والوحش والطايرات المروحيـة
كن له جنحان مثـل الطايراتـي
يرفعنه فـوق مـدري جاذبيـة
وكن ماله من خلاف مساعداتي
قوة الماطـور ترفـع مقدميـة
وان عطيت ابه الفجوج الخالياتي
فزته تعطيـك عـزم ومعنويـة
ماوقف يطبـخ بلوفـه ذايباتـي
والشراب مغلـق مـن تانكيـة
وإن نظر راعيه مع كل الجهاتي
مايشوف الا الخلا والمهمهيـة
للسراب وللمعاصيـر اعتماتـي
عبلةٍ جردا وشمـسٍ صنقريـة
وأيس المسكين من تالي الحياتي
وأرتكى فوق الكفر يكتب وصية
كن جَلده جَلد خيـل هاجماتـي
? أول الغارة فرس شيخ الغزية
أن هجم قدم السبـاق الأولاتـي
يشتبك هو والعدا فـوق العبيـة
وان رجع يثني خلاف التالياتـي
يقهر السبـق ويرجـع للرديـة
وإن كسب حم الذرا والمسرجاتي
مايخيب ضن من قـال الحذيـة
غازيٍ يبغى النقى قبل الفواتـي
غاديٍ له عند عدوانـه شفيـة
أزعجنـه بالصيـاح الناعياتـي
كل ما نادى المنادي في سميـه
أتعجـب بالعلـوم الماضياتـي
وألتفت في موتري واذكر مزيـة
مع جراديح الحـزوم النابياتـي
كن حذفه للحصى حذف أهوشية
لا وطى له مروةٍ راحت شتاتـي
كل قطعة طيرت مثـل الشضيـة
يم حايل من شمـال امغرزاتـي
ماقصد غير الطهيمي في مجيـة
ناصٍ عليان في موضوع ذاتـي
مايسـده واحـدٍ مابـه حميـة
ما يسده غيـر راع الواجباتـي
يوم ولد اللاش يبخل في طليـة
والدلال الصفـر دايـم والماتـي
من قديم الوقت راعي شاذليـة
والعشاء كثر الضيوف امفطحاتي
كل واحد له ذبيحة فـي صينيـة
كنس ماهن مـن المستورداتـي
ما يجيب البربـري والساكنيـة
ما يجيب الا السمان الغالياتـي
يتخير فـي نجـد نجـد العذيـة
بين حايل والقصيـم مربعاتـي
بالفياض اللي مناضرهـا بهيـة
من بعد سيل الوسوم مسيلاتـي
مرتين امن المـزون العقربيـة
أول النـاوة سيـولٍ جارحاتـي
وآخر الناوة قرى صمد وشغيـة
الزهور اللي على روس النباتي
يشبعن إبها الضحى وأرضٍ مرية
ما تثنن بالمـراح مهوجراتـي
ولا عطوهن من علاج البيطرية
والمداخـن بينهـم متعاقباتـي
كل وحدة راسهـا ياخـذ أوقيـة
ما قطع فيهن عطور السيداتـي
ريحة المعمول ولـى الجاونيـة
مايخلي نافذه لأهـل الشماتـي
جعـل مايبقـى لتاليهـم بقيـة
وله عوايد بالعطايا المعجزاتـي
الجيوب الشهب يعطيهـا هديـة
ومن بغى يزعل من العلم الثباتي
ما عليَه منـه والله مـا عليـه
إن زعل يرد البحور المالحاتـي
إن رضي ولى إيبنط في طميـة
يا ولد راشد بـدون مجاملاتـي
حايزٍ كـل المزايـا الجوهريـة



*وهذه تعبر عن نفسها

يامل عيـن لهـا يوميـن زعلانـه
ومن الزعل نومها ماهـي أباغيتـه
من كلمة يوم جتنـي مالهـا خانـه
مدري لها قصد وإلا بـس تفويتـه
ياليت بعض الاوادم يقطـع لسانـه
الخبل يزعجك مير إن جاك وإن جيته
الخبل لاتنشده لو هو عـن اخوانـه
لاتنشد الخبـل ثـم تـدق ساقيتـه
واللي ورى التايهه يغويه شيطانـه
ويجنب اللازمه لو جـات ناصيتـه
لأدناة حاجة يجيك يشيـل محجانـه
أشجع من الكلب عند أطناب راعيته
خله لعـل الكـوارث بيـن حجانـه
ويطيح في واحـد ويفـش عافيتـه
من غرب ماهومن اصحابه وجيرانه
والااقرب الناس طابختـه وشاويتـه
وضعيف النفس لو تعطيـه رمانـه
حطك مثـل واحـد يحييـه ويميتـه


----------------



---------------


هناك 3 تعليقات:

  1. ائسال الله ان يغفرله ويتجاوز عنه
    وشكراً لك على اهتمامك بهاذيً السبايكً والمعلقات التي لايقدر على وزنها ونقاء مفرداتها الا ابو بندر رحمه الله

    ردحذف
  2. رحمت الله عليه شاعر مبدع ابداع لحده

    ردحذف
  3. السلام عليكم ورحمة الله وبركاته
    وين كان يعمل رحمة الله علية

    ردحذف

أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..