قم سو مايجمد على الصين ياذياب بدلال يشدن البطاط المحاديِب
احمس إلى من العرق فوقها ذاب كبه بما يجذب عليك الشواريِب
نجر يصيح من السكر تقل بحزاب طقه على طول الدهر بالمَواجيِب
إلى دلق فنجالها كنه خضاب ورسٍ صبغ بكفوف بيض الرعابيب
صبه لمن قاد السريا للأجناب له مفرسٍ يشبع به النسر والذيب
والثاني اللي لالفا البيت ركاب بأطراف بيته تقل مجزر قصاصيب
والثالث اللي لاغشا الزمل ضبضاب يرخص بعمره دون زمل الرعابيب
وباقي الملا يكفيهم التول لو شاب رصاصة المجلس حمير المشاعيب
اللي نهار الكون يفزع بمصلاب كبار الأنفس ساهجين المواجيب
لا تكرم الشيبان منهم ولا الشاب هنهم ونفل من وفا بالمواجيب
واحذر تراعي كل من كان سباب ولا من ركس عرضه بشين العذاريب
ولياك تعطي من بالاقوال كذاب ولا من غدر أو صار طبعه ذباذيب
ومن كان هافي لو لبس زين الاسلاب النذل لازم يلتقا به مقاضيب
مامنهم اللي صار للفود كساب أيضا تراهم للمخازي مناديب
هذي عوايدهم خسيسين الانساب مامنهم اللي للشدايد لها جيب
هايس بن مجلاد
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..