| اصعب حروفي لاركب راسـه عنـاد
يلّذ لـي لاعسعـس الليـل عسفـه
|
|
واسمع صدى صوت النغم قبل عزفه
|
بالصدر طفل يسحب خطـاه بركـاد
وبالعجز ريح يرعب الكون عصفـه
|
لي صدفة احلى مـن الفيـن ميعـاد
ولي موعد احلى من الفيـن صدفـه
|
لااوقاوم إلا أن ألوم كل من وقف في وجه هذا الشاعر المتمكن العظيم والظمة الكبرة لله عز وجل .
وفي وقتنا هذا ليس كل من أبدع نال كما هي الحياة بمقولة " لكل مجتهد نصيب " بل الحال في الحال " لكل عميل نصيب " .
أين هو الإعلام ، واي يركض بقصيدته التي تردد كثيراً بأن يصل المعلومة للعامة .
أين هو الشخص الذي صال وجال وأبدع وونثر بقصائد يصعب أن تجد لها مصيل في وقتنا الحالي .
وليس حب الشهرة لهذا الشخص هو الدفاع لأن أكتب أبداً ، لأن مقام منتدى ليس بشهرة أبداً .
بل لغضبي بأن لايرى الناس النور من هذا الشاعر ، الذي أجزم أن سيأخذكم إلى بحره حين تقرؤا له .
صدقوني مو غرور إن قلت إني ماخلق الله قصيد إلى عشاني
لعل النهر الخالد أجاد وأن مدح في نفسه ، لأن الشعر لايتذوق إلى من قلمه ، ستعرفون هذا .
غافل - مستغفل - مستغفل مثل البقية فاعل - مستفعل - مستحفل - غاوي - اناني
كان أي إنسان . . كان بسكوته حمية لـ ( أم ) تـسـتـنطق عذابات الكلام الاولاني
عربي عـجمي ترزي : بالفارسـية يرتق فـتـوق اللسان المشرقي بلسان غاني
يرسم بـ همّ الذي وجه لمرجوم الهوية لالبس ثـوب الـعـرب وسط العجم والتركماني
لكم الملاحظة في شاعرية هذا الرجل .ولعل هي الصدفة أو هدية الرحمن لي ، بان جعل هذا النهر الخالد مجاوراً لمنزلي ، فهو من سكان المدينة المنوره .
ولعل العظمة الأبرز بأن جعل الله لسان خالد يردد الشعر حتى في حديثه وفي الإجابة في حديثه مع الناس .
لن أطيل وأتركم مع هذه ... لا استطيع أن اجد وصفاً مناسباًَ لها للاسف .
الشاعر الرائع / خالد بن مطلق الردادي الحربي أمبراطور الشعر او النهر الخالد شاعر له أسلوبه الساحر في سبك قصائده بماء الذهب مظلوم أعلامياً تناقل الناس قصائده الرائعه عرفه الناس من خلال شعره المميز والرائع ولم يشاهدوه من خلال الاعلام فقط لانه لم يتنمق قط 0 سُرقت العديد من قصائده في المنتديات إليكم :
وضــــــح القصائد
وضح القصايد.! لامتى وانتن رقاد..؟
شاب السكوت .. وخّوة الصمت صلفه
|
لعـلّ مايقـدح علـى كفّـي زنـاد
لاسقيتكـن بعـد الضمـا ذلّ وطفـه
|
لاوالله الا توّ مابانت ( سعـاد ) . !!
وتو الهوى مـاوّرد (زهيـر) حتفـه
|
قالت من انت..؟ وقلت يابنت الاجواد
انا القويّ اللـي قتـل فيـك ضعفـه
|
وانا السهير اللي تعـداك .. نشّـاد
يطرد نهار ويلهـث الصبـح خلفـه
|
نجمه يغيب وضيعتـه فيـك تـزداد
ولااشعل سراجه يصرخ الليل.! طفّه
|
سجين هم ولابـس.. ثيـاب جـلاد
نصفه ذبيح .. وذابح الموت نصفـه
|
تلميذ مهمل يشرح الدرس ل استاد ..
بليد . ! واذكى مـن تلاميـذ صفـه
|
وانا الموقع جرحي ادناه .. من غـاد
الشاعر اللي طّـوع الشعـر حرفـه
|
اصعب حروفي لاركب راسـه عنـاد
يلّذ لـي لاعسعـس الليـل عسفـه
|
اعزف لموتـه اغنية..عيـد ميـلاد
واسمع صدى صوت النغم قبل عزفه
|
بالصدر طفل يسحب خطـاه بركـاد
وبالعجز ريح يرعب الكون عصفـه
|
لي صدفة احلى مـن الفيـن ميعـاد
ولي موعد احلى من الفيـن صدفـه
|
وبالناس لي انصاف واقران واضداد
وكـل يفسرنـي علـى قـد عرفـه
|
وبي جرح ماله غير نزفه له ضمـاد
وشلون اطيب..؟؟ ولابعد كّف نزفـه
|
واللي بعث هود ل(ارم ذات الاعمـاد
انا بزمن يشبه زمـن عـاد وصفـه
|
أصدق من الدمعه على خّـد.. بغـداد
واكذب من اللي شافها وغض طرفـه
|
غربه. وهم. حيره. ألم. هم. واجهاد
طالـت وضاقـت نسـأل الله لطفـه
|
ويابنت انا.. طارق مثل طارق زيـاد
لولا الذي قضبّنـي الجمـر كفّـه.!!
|
والله يلولا. خاطر عيـون الاوغـاد
ل اقطف لك اللـي ماتمنيـت قطفـه
|
دندنــــــــــــــــــــــه
البارحـه وانـا مـع اصحابـي الـجـن
قابلـت بالصدفـه قريـنـي مـعـدي !
|
مرسول سلمى بنت خالة ( زلوجـن )
جنـيّـة ٍ لا شفتـهـا بــاح ســـدي
|
لمحة سنا مارج لهـب ضـو ! منجـن !
تـزلّ ,, وتعـدي ... و ازلّ و تهـدي !
|
نفس الصفات ونفس تقريبـا السـن
لكنها ما هـي علـى مـزح جـدي!
|
تلعب علـى مرجيحـة غوايـة الظـن !
وصلـت معي00حتـى تعديـت حــدي
|
لادنـدنـت لــي "دنـدنـة" : دن دن دن
دندنت انـا مـن دندنـة : دن دنـدي !! !
|
دن دن ددن دن دن ددن دن دنــــدن !
دنــدن ددن دن. دن ددن دن دنــدي !!
|
قالت : من انت ؟ وقلت بلسانها : من ؟؟؟
انا ؟ انا ! انـا ! انـا ! ميـن ؟ ردي !!
|
انا الزعيم بمعشـر الانـس والجـن !::
انـا ولا غيـري علـى الأرض قــدي !
|
انـا الكبيـر بعالـم الشعـر والـفـن !
نـا الوحيـد اللـي بـالأنـداد نــدي !
|
انا الرضيع اللي نبـت لـه ميـة سـن !
وانـا المخـرّف00 والحـلاوه بيـدي !
|
انا الحزين اللي يقولـون لـه 00 غـن ّ
وانا السعيد اللي مـلا الدمـع خـدي ! !
|
وانا الذي لا يمكـن 00وصـار ممكـن !
ودي 00 ولا ودي ! اعـرفــه وودي !
|
خالد ! ولو تدرين 00 خالد ولد مـن ؟؟!!
مطلق ! وسالم ! راعي الجود ! جـدي !!
|
سعر التراب من الذهـب عنـدي أثمـن !
لا شفـت ثـوب اللـي يلمّـه مصـدي !
|
ولو ان سلمى عندها احسـاس وتحـن ّ !
ما تكسر بخاطـر جهـل ! طيـب ردي !
|
اوووووواه .. يا ... ، كيف اعتذر عن ...
طهر الحـروف الطايشـات بمـردي .!!!
|
محسن حويضان
طال السكوت وعسعس الليل حيران
تـاه النجـوم وضيعنـه بطوولـه
|
مل وسـرى لمعانـق النورعجـلان
شق الظلام ولالقـا الصبـح حولـه
|
ويا محسن الي مرتوي عقل وجنان
من شعر راسه لين أصابع رجولـه
|
لله درك ياسـلايـل حـويـضـان
وين المقال الي يطولـك وانوولـه
|
قدرك يسكت راقي الانـس والجـان
ومرقابك اصعب من طلوعه نزولـه
|
حتى ونا الي حابس الشعر بجنـان
واروض الي ماتـرووض خيولـه
|
ياما قطفته ورد من روس الاغصان
وياما لمسـت بطعـم كفـي ذبولـه
|
حتى لمحت الشوك بكفوف عميـان
ورحت انبش التاريخ عن جرح دوله
|
تلعبي افكـاري علـى كـف ربـان
مـدري جهـل ولابـراءة طفولـه
|
الحاصل اني جيتك اليـوم بلشـان
ب/شلون اقول الي بنفسـك تقولـه
|
والعاقل الي يركب لسانـه حصـان
امـا صـدق ولا خثـع فيـه قولـه
|
هذا الزمن ماهو مثل كـل الازمـان
يدور فينا عكـس منطـق فصولـه
|
الشي وضده راحو بصـورة اقـران
والمذهل انـا مـا نحـس بذهولـه
|
صار الردى يرجح ورى كل ميـزان
والطيب وزنه مايجـي ربـع تولـه
|
الناس صارت لاقرب الناس عـدوان
والمشتكي منهـم عليـه اشتكولـه
|
................................
............................
|
يامال شق الجيب لاصار لـه شـان
وخلاك رمزٍ مـن رمـوز البطولـه
|
يتبعـك مقفـي ويتذكـرك نسيـان
ويقبلك رافض لين ترفـض قبولـه
|
يخضع لك أصعب ماتمنيـت منهـان
وتـذل حلـم كـان حلمـك تنولـه
|
حظه عليه يعـض كفـه بالاسنـان
والـدرب مـر ولاتهيـت ذلـولـه
|
أيام يمشيبـي علـى كـل عنـوان
عجزت اميـز عدلهـا مـن ميولـه
|
احيان تضحكني وتضحكبي احيـان
واحيان مدري ضحكها ويش هولـه
|
متشابهات وبينهـا الفـرق شتـان
تقبل/ وتقفي/ صاحيـه/ ومهبولـه
|
اشعر بشيٍ ماشعـر فيـه انسـان
والله ندري كيـف بالشعـر اقولـه
|
اشوف نور الصبح والصبح مابـان
وابكي وداعه قبل لحظـة وصولـه
|
سيداتي
سيداتي .. انساتي ... سادتـي
الاحبـاء . الاعـزاء . الكـرام
|
من يفسر لي خيوط وسادتي .!!!
ومن يغمض لي عيوني لين انام
|
بشروا صـدر السمـا بقلادتـي
وبلغوا عنـي لخلانـي سـلام
|
سيدي مـن يعتـرف بسيادتـي
ينحني لي وانحني له باحتـرام
|
عادته يدمـح خطـاي وعادتـي
لاذكرته .. فاحت اسراب الحمـام
|
وامي قالت لـي بيـوم ولادتـي
لاتموت وباقي بصدرك كـلام ..!
|
غادتي . ! ياغادتي . . ياغادتي
والله ان اللي .. تسوينه حـرام
|
صبي لسكر حـلاك .. زيادتـي
ياحلو طعم الرضا بعد الخصـام
|
يا عصافير
ياعصافير .. مدري. ! وين اروح اشتكيه
صاحب مـن عرفتـه ماعرفـت المنـام
|
ياعصافير احبه . (حسبـي الله عليـه)
لاتركنـي انـام .. ولاتركنـي ونــام
|
أااااه .. ياني تعبت من السهر احتريـه
كل ماهتّـزّ كتفـي فـزّ جفنـي وقـام
|
ياعصافير والله انـي امـووووت فيـه
فوضـوي مرتّـب بعـثـره بانتـظـام
|
اعتذر منه وارضا من الزعل قبل اجيـه
ويحضننه عيوني قبـل اقـول السـلام
|
صدقيني بغيت البارح ازعـل عليـه.. !
بس كنه وحشني ..! وصار فيها كـلام
|
ياعصافيـر حتـى دفتـري يشتهـيـه
كن بينـه وبيـن الشعـر حالـة هيـام
|
كل سطر يتمنى اكتـب اسمـه (عليـه)
وكـل صفحـه تهنـدم للقلـم باحتـرام
|
ياعصافيـر واللـي بالسمـا نرتجـيـه
انهـا عيطمـوس مـن رجـال عظـام
|
بنت شيخ تخاف الشمـس تشبـه يديـه
لاشرق نور كفـه طـاح حيـل الظـلام
|
يخجل الشعر فينـي منـه قبـل ابتديـه
والحروف تّعّذر عن حروفـه صيـام ..!
|
ياعصافيـر .. مثلـي لاسكـت اعذريـه
دام منّـي قصيـدي لابـكـا. مـايـلام
|
يكفـي انـي ابيـه ولاابيـه وابيـه ..
وهو يبيني وبيني وبينـه الليـل حـام
|
ياعصافير مـدري ..! لاتقوليـن ليـه.؟
(السـلام عليكـم وعليـك السـلام )::
|
نشف ريق السراب.. ولا ملت عين الطريق خطـاه
قسـا طيـن الكـلام ولاقسـا..زاد البلـل طينـه
|
شرب مر السكوت من الحروف اللي تبـي تقـراه
وسجد كفر القصيد لدفتـري ليـن اعتنـق دينـه
|
غرقت اكتب كـلام مانجيـت الا ..عشـان اقـراه
ونجيت اقـرا عـذاب ماغرقـت اكتـب عناوينـه
|
ترا هذا الصواب اللي خطاه ان الصـواب اخطـاه
وانا هذا الصويـب اللـي خطـاك انـك تحبينـه
|
انا هذا الحضـور اللـي غيابـه ماعـرف يلقـاه
واناذاك الغياب ..اللي حضـوره ماعـرف وينـه
|
انا ذاك البعيد اللي يموووت..! ولايعيـش اقصـاه
واناهـذا القريـب اللـي مبعثـر بينـه وبينـه
|
انا (صوت السكون) اللي سمع غنج الصدى واغواه
بكى حتى. بكى حتى . بكى. من حسرتـه عينـه
|
عسى صبح الوضوح ليا سرى ليل الغموض وتـاه
يجي مثل الضرير اللي يمد الشوف.. بيدينـه..!!
|
ذكرت اني نسيت اذكر كـلام..! مانويـت انسـاه
ولكنـي ذكـرت انـك.. نسيـتـي ماتعرفيـنـه
|
انـا مـن معشـر الانـس الاوادم.. اوليـاء الله
واعيش بعالم:...(الجـن تعّـوذ مـن شياطينـه)
|
نشف ريق القصيد ولا نشف ريقه شـرب معنـاه
سقا طين الكلام.. ولا بعد هذا القسـا طينـه..!!!
|
غمض عيووني
قلت : غمّض عيوني..! قال : وشلون اشوف ؟
قلت بعيون قلبي ! قال : أمـرك عجيـب .. !!
|
ويوم غمّض وانـا اقولـه.. وش تشـوف..؟
قال مدري .! ولكن فيه منظـر غرييييـب !!!
|
قلت حاول تركّـز .!. زدت خوفـي ب خـوف
قال: اشوفك صباحٍ يشـرق مـن المغيـب..!
|
اااه لا واااشقـاي .. و ياضيـاع الـحـروف
وياشقاهـا وضياعـي كـان هـذا النصيـب
|
يا طعـون الليالـي .. طـال ليـل الوقـوف
لاعتقتـن قتيـل ! .. و لاذبحتـن صويـب !
|
بين عثرة خـويّ .. و بيـن طعنـة هنـوف
رمح الاوجاع فينـي كثـر ماخطـى مصيـب
|
سعـــــاد
جفت اوراق البياض من الضما
والقلم ينزف من عروقي مـداد
|
ماقطفت اللي على غصونك نما
ولاسلم عودي من طعون الجراد
|
جادك اللي من ضماي اليا همـا
ماهمـا قبلـه ولابعـده وجـاد
|
قد يكون الشعـر حلـو انمـا
ماورى الشعر احلـى ياسعـاد
|
أي ورب الليل ونجـوم السمـا
والسما والحب ونتي والسهـاد
|
لو ازف الصبح لعيون العمـى
مايشوف من السواد الاسـواد
|
ربمـا انـي مصيـب وربمـا
اني اخطيت وتجاوزت المـراد
|
فاطمه
ورب الغيث عمر الارض ماخانت عرق فـلاح
ولكـن السنابـل خانـت الفـلاح وغصانـي
|
وأنـا يافاطمـه يافاطـمـه يافاطـمـه لا لاح
صباح من الظلام المستباح وضـوت اركانـي
|
أجي يافاطمه هاك البسيط المتعـب المرتـاح
واروح المستبـد المستجير بظـل حرمـانـي
|
تعبت براحتي مدري تنطحت التعـب مرتـاح
سهوت بسجدتي مدري سجدت بغفلة احزانـي
|
هنا ويافاطمه واللي سقاك من السماح اقـداح
اذرّ الشعر بعيـون السهـر وترمـد اجفانـي
|
قصيدي ياصديقـي ياقصيـدي والغـلا ذبّـاح
عليـك تذكرنـي بذنبـه لـيـن ينسـانـي
|
سريتك مامعي غير الظلام وحسرة المصبـاح
ضويت ولاهقيّت انـك تخيـب هقـوة العانـي
|
قصيدي والسهر موحش بدونه والدروب أشباح
دخيلك عدني لاول طريـق الصبـح وجفانـي
|
احبه كثـر ماعطـره بثـوب الذاكـره فـواح
احبه كثر ماتنبـش طيوفـه جـرح نسيانـي
|
احبه كثر مايزرع غيابـه بالظنـون رمـاح
كثر ماوحشته قامت تمخطر وسـط شريانـي
|
احبه كثر مايامـا يقـول ان الجمـل لاطـاح
ترى المجني عليه اللي عليه يراضي الجانـي
|
وهنا يافاطمه واللي وهبك من الدمـوع سـلاح
شربت من الغرور ولارويت سطور وجدانـي
|
امانه لاغدت بين الفـرج والصبـر والمفتـاح
انا من وين اضيع ليا بغيت اضيـع والقانـي
|
صباح النور يا وجه الصباح الي يجي بالخير
طويت البارحه والنايميـن وصفحـة عتابـك
|
عذرتك قبل ماهدد غيابك مـن هدبـك يطيـر
وسبقك من السماح اللي على عرش الغلا جابك
|
حبيبي ياهلا والله بحبيبـي وافـي التقصيـر
عدد ماعدوا اصحابي وراك وغاروا اصحابـك
|
يسومون العطا بسم الخطا في كفـة التبذيـر
خطاي ولا صـوابٍ مايوصلنـي علـى بابـك
|
هلا والله بحبيبي ياهلا واللي يصيـر يصيـر
عساني لو حسبت احسابهم يخطيني احسابـك
|
انا فيني تعب فيني عتب فيني جـروح كثيـر
ولافيني اكمل وش بقى فينـي مـن اسبابـك
|
ابــــلـــــه مـــنـــيــــره
|
صباح..أيّة صباح اللي تبينـه يا(ابلـه منيـره)!
صبـاح الليـل والا الويـل والاالحالـه الغـبـرا
|
صباح الهم .والاحـزان. والاشـواق . والغيـره
صبـاح الضغـط والسكـر وداء الذيبـه الحمـرا
|
صباح السبـت .والتحضير.والارهـاق والحيـره
صباح الز فت .والطابور وهاك المشرفه القشـرا
|
صبـاح الاسئلـه والامتحـان و(........!!......)
ووجه الحارس اللي عنـد بـاب المدرسـه بـرا
|
صباح الانتظـار المّـر.. وكـل تأخيـره بخيـره
وليـل ماسـرا .. يـم الصبـاح ولامعـه قمـرا
|
صبـاح الانكسـار وخاطـر مـامـل تجبـيـره
وجرح مانـزف بيـن الضلـوع ولا نـوى يبـرا
|
صبـاح الذنـب لامنـه تاخـر وقـت تبـريـره
صبـاح محمـد الـدره ودمعـة طفلـة عــذرا
|
صباح اكبر ضحايا الصمـت بالتاريـخ والسيـره
صباح اغبى . ( ... ) .. اللي تخاف من العرا تعرا
|
صباح المهزله . هذا الصباح .. وألـف تسعيـره
صباح اسكت مهو شغلـك رجـالات الزمـان ادرا
|
صبـاح الحلـم لامنـه تحقـق عكـس تفسيـره
لشاعر ماكتب غيـر الجهـل مـن كثـر مايقـرا
|
على اية حااااال..! ابكتب لك صباح ما انكتب غيره
الين الشعـر مـن ذمـة حروفـي ذمتـه تبـرا
|
فداك الشعر .. لكني !. كسـرت عنـاد تسخيـره
عـسـفـت رضـــاه مـــن عـــام1410
|
كتبته من زمان...اقرا . بنـور الغـار تفسيـره.!
الين ااااخر علامات انتظـار الساعـه الصغـرى
|
سجنته بين قوسيـن (الجمـال وفـن تعبيـره )
وسلمني يدين امـس .ومفاتيـح لقفـل بكـرا..!
|
طلع نـور الصبـاح اللـي يليـق بابلـه منيـره
تباين مـن ورى صفحـة ظـلام الثانيـه عشـرا
|
صباح الرسم باحساس الكـلام ورمـز تصويـره
وشعر دندنته حـروف ريشـة عـازف الاوبـرا
|
صباح الغيم مع صبح الربـوع وضحكـة مديـره
وفصل يشرح صـدور البنـات وحصـة عفـرا..
|
صباح كفوفك ليـا فلسفـت بالغنـج ..دووويّـره
ودبله لونها...ماشي مـع الطبشـوره الصفـرا.!
|
صباح التوت ابو مصـاص والسنتـوب والبيـره
صباح التين والتفاح وطعـم الفستقـه الخضـرا
|
صباح النور والمجـرور والمسحـوب يا(منيـره)
صبـاح احلـى صبـاح مدرسـة ...... سـمـرا
|
-
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..