الشاعر علي ابو ماجد

الشاعر القدير علي أبو ماجد رحمه الله تعالى
وهو  من أهالي عنيزة بالقصيم عاش يتيم الأم وكان والده يقسو عليه كثيرًا ففر من بلده واستقر
بمكه حتى وفاته عام 1386هـ رحمه الله  شاعر جياش العاطفة جزل المعنى سلس اللعبارة اشتهر بالمحاورة والنظم وحفظ له الرواة الكثير الكثير من أبياته

من قصائده في عنيزه
إلى منّي ذكرت عنيزة الفيحا استشنت بشان
بلاد فضّله رب السمـا بفضـاه ورخاهـا
أنا أفخر في عنيزة والفخر ماهوب بالبنيان
ولا في غرسها ولا بضاحيهـا ولا ماهـا
ولكن الفخر في جملة الشيبـان والشبـان
رجالٍ يوصلون المرجلة حـدّه ومعناهـا


وهناا يصف نفسه ببيتين

قالوا وش أنت وقلت أنا مثل غيري
                        قـدام يلحقنـي مـلام وزريــة
إن قلت حر أو عبد وإلا خضيري
                     من طينـةٍ منهـا جميـع البريـة

من طرائف شعره ما قال يسند على ابنه ماجد:
اسمع ياماجد ياولدي=ماودي تغر وعدي
لاقلت إلك إيت أقض اللازم=تجي من ملعبك تعدي
وإلا جيت ورحت وجيت=رح زمر كنك باستدي
في فرغاتك ، وإلا المكتب=على التلميذ أبدى بدي
والخميس ويوم الجمعة=ييزنك لعبٍ وطردي
فيهن تبي تشرح ثوبك=والطاقية منك تغدي
تظهر كنك ولد الكعكي=وتدخل كنك ولد قعدي
وأنا ماعمري هاوشتك=ولا طخطختك في يدي
إن أقبلت أضحك في وجهك=وإن أقفيت أقول بعدي
حيث إن الوالد كد طقن=طقن عن حيلي وجهدي
عنده محجان للقربه=ووزان المحجان وتدي
يعلقني مثل العكه=ولا أدري وشلون أغدي
يطقن طق ما أطيقه=طقٍ يدلع غرب جلدي
أصيح من أول باكوره=ويخلب برقي ورعدي
تجي الخالة تتفزع لي=وتعود من قولة ددي
لو إن أمي عندي حية=ماطاح بيارقي تعدي
وهو طقه حب ظاهر=يحسب إن الطق يهدي
والطق يوحش وينحش=خليته وأرخصت بلدي
طيرت بجنحان الغربة=مثل اللي بالرمي محدي
كثر الأمراض أصل الحكمه=علمٍ ما سواه ربدي
وذا من حظك ياماجد=وإلا أبيك حظه ردي

كما أن له القصيدة المشهورة التي أرسلها لأخيه مقبل بالجوف يهنئه بزواجه ويقول فيها:

ياأهل الموتر اللي من تحت ماهية محمد المرشودي=من فضايلك يالسواق خذ خطي ترى الخط خارق عاده
لاوصلتوا سكاكا الجوف من معروفكم فابدوا المجهودي=سلموا لي على مقبل سلام العبد لا واجهوه أسياده
ثم قولوا مبارك ويتبارك مشترى دفة الماهودي=واعساها عليه من النواصي اللي تقود السعد بقلاده
وإن نشدكم عن المملوك قولوا له ترى ماعنه منشودي=مستصح البدن لاشك وقته حابل له بفخ وصاده
بالحجاز أتجبر وأتعبر وأتصبر وأنا ملهودي=وأتحزم ببارودي وأجاهد شن يغث الركيك جهاده
والله إن الله أبرك لكن إني خابرٍ إنك تشد عضودي=ياسهيل النجوم اللي إلى منه ظهر كذب العداده

وله القصيدة المشهورة التي يقول في مطلعها:
عفى الله عن عين على السهر حدها=ليال كتوم ما تخبر بسدها
إلى صفت ساعة زمان على القسا=لابد ما تأخذ على الطول ضدها
إلى أن يقول:
لاشك أبا أوصيك ياملفت النظر=إلى خفت من دعوى تجاسر وبدها
وإلا شفت من ربعك ملل لا ترومهم=اقلط على عقدت غلاهم وهدها
وإلا قابلوك بنصح بالنصح لاقهم=وإلا قيل ذي حروة رضاهم تعدها

إلى آخر القصيدة

أما قصيدته التي قالها ونعتبرها توبته فهي:

يقول المزاول والزوال وكاد=الأقدار تجري والطريق قصاد
لابد من يومٍ يزل إبه القدم=والروح طير وكل طير يصاد
نغالي بهالدنيا وحنا عمارنا=عواري لمجناها القديم تعاد
مثل لهبة شبت بليلة وجمرت=والصبح يذراها الهبوب رماد
أقوله وأنا اللي واطيٍ خطة الخطر=مثل الذي ياطا السريح عناد
تهاونت في ديني بدنياي بالجهل=وأنا والله إني من عيال أجواد
أرجي إله العرش ماخاب من رجا=علام مايخفى بكل فواد
ربٍ بسط سبعٍ بحكمه ودبرته=وسبع معلقهن بغير عماد
أرجيه ثم أرجيه يدمح زلتي=ويمحى بنور الدين كل سواد
من خلف ذا أوصيك ياسامع المثل=وصاة يدرجها عليك استاد
إن وافقت ترى ثمنها قبولها=وإلا فعلى راع الوصاة رداد
احسب حساب إنك مسافر عن الوطن=غريب دار وللغريب بلاد
لابد ماترحل على السرع والبطا=لاركبت الدسته على العداد
العود له ساعة وللطفل مثلها=كبير وإلا بالمهاد ولاد
إن طعتني دور عن الضيق بالسعه=هذي خلاصة كيره الحداد
عليك خمس فروض مفروض وقتها=الله لعبده حدد الميعاد
إلى دعا داع الفلاح اسمع الندا=اغسل وصل بخاطرٍ منقاد
ولاتهاون برمضان وصومه=تقضي على دينك بلقمة زاد
هن النفس عن نوهاتها وشهواتها=ترى النفس تبي من اللزوم جهاد
والحج مفروضٍ على اليسر والسعة=على كل حيٍّ ينطح المسناد
هني من حج الفريضة وزادها=للبيت والبيت الشريف يعاد
واحفظ لسانك لاتطول له المدى=ترى اللسان أمضى من البولاد
والصدق خله لك حصان على الطلب=ترى الكذب خيبه لاتقول جواد
ياسرع ماياقع على الخد صاحبه=لوهو مثل عنتر بن شداد
ولا تصحب الخيبه ولا تضمر الردى=وخذ عن دروب المشكلات حياد
والجار له حق على الجار بالوفا=لاخيب الله سيرة الأمجاد
والمال زك المال ثم ادفع البلا= من مابقى وإلا عساه نفاد
في ظل عاهلنا سعود الأول=اللي بعهده كل شي ساد
جزا الله راع الخير بالخير والثنا=منا لمن له بالجميل آياد
سهرٍ على شعبه وسهرٍ فيصل=بالمصلحة وإحباط كل فساد
المملكة تاهت ولبست مصاغها=أعيذها بالله من الحساد
إن قلت مصر أو شام ما أدركت وصفها=ولبنان والإردن على بغداد
وإن قلت واشنطن ولندن مع أسمرا=والصين واللي من وراهن غاد
أو موسكو والسند والهند والحبش=أيضا وغلقهن بجنة عاد
بالوصف والتمييز والقدر دونها=جميع وإلا يعرضن أفراد
الله فرض على العموم احترامها=حيث إنها هي قبلة العباد
وختامها بأزكى صلاة على النبي=ماهل وبل وحلتم الرعاد
والآل والأصحاب ما يجري النظر=أوما جرى خط القلم بمداد

ادعو لجدي بالمغفره يا اخوان

وبعد انتقاله من القصيم الي مكه المكرمه قال هذه الابيات
أنا بأم القرى من حسبة الجيـران والسكـان
مـدام السعـر غالـي والله انـي ماتعداهـا
إلى شفت العنب والخـوخ والتفـاح والرمـان
جزمت ان الله اول مارشى بالرزق مسعاهـا
علامك بالزعل والضيق من تدخل مع الريعان
عسى اليوم الاخير بوسطها وادفـن بمعلاهـا
نهار يعبد الرحمـن فيـه ويدحـر الشيطـان
على آخر جمرة من حجـة تحمـد سجاياهـا
والى مني ذكرت عنيزةالفيحاءاستشنت بشـان
بلاد فضله رب السمـاء بافضاهـا ورخاهـا
تمنيت ان لي سبق ولي ريش ولـي جنحـان
احلق بالخضيراء ثـم ادورهـا لمـا القاهـا
ترى حب الوطن يكتب على المسلم من الايمان
ومن له ديرةعقب المغيب ان عاش ينصاهـا
اناافخر في عنيزه والفخر ماهـوب بالبنيـان
ولافـي غرسهـا والابضاحيهـا ولامـاهـا
ولكن الفخر فـي جملـة الشيبـان والشبـان
رجال يوصلـون المرجلـه حـده ومعناهـا
نهارالحرب بالهيجاء تراهـم نقـوة الفرسـان
الى من الوجيه استلبسـت وارخـت شفاياهـا
لهم مايكفل التاريخ يـوم مزاعـم الشيخـان
قبل عبدالعزيز بـن سعـود يوحـد اجزاهـا
حلايا مهرة ماهيب تستمـرح لكـل حصـان
تعدي صقلته عنـد المزاعـم عـن قطاياهـا
ترى الماضي يسد اللي يبي يستنطق البرهـان
مخضبة على وضـح النقـى بالـدم يمناهـا
تسوق الطيب لاهل الطيب والعدوان للعـدوان
وتاخذ حقها وافـي ولـو كثـرت ضحاياهـا
ولي بالمفخره فيهم مثـل ترجيحـة الميـزان
على خلق من احسن ما خلق ربـي بدنياهـا
يحبون الغريب ويحسنـون عنايـة الضيفـان
من الف المرجله فيهم لما تاقف علـى ياهـا
صلاة الله وتسليمه على اللي من نسل عدنـان
نبيّ وضح الخطه مـن اولهـا لمـا اتلاهـا

الافكار عندي ذا الزمـان متضاربـه....وقريحتي من كثـر الاهمـال خاربـه
مثل بندقي علمـي بهـا يـوم ليبهـا....لـزوم الدفاعـي والطوابيـر حاربـه
اهملـت واجبهـا وصـدّى حديدهـا.....اكلها الصدى كنه من البحـر شاربـه
بـدا لازمـي فيهـا وفكيـت ثوبهـا.....والشمس من بين الحجاجيـن غاربـه
دليّـت امسّحهـا وحـارش جهازهـا.....مثـل مُولـعٍ ياخـذ عليهـا تجاربـه
ثوّرت فيهـا طلقتيـن علـى الهـوا.....والا قمعها المضرب مع الوسط ضاربه
ونزلت فيها السوق من باكر الضحـى....ابي واحدٍ ما صـان وجهـه بشاربـه
صديقٍ على غايه عـدوٍ بـلا سبـب.....به الفين عيب من العذاريـب ذاربـه
شلته وحطيتـه علـى خشـم بندقـي....وقتّلـت حياتـه وجملـة عقـاربـه
وهـو سالـم لا سلـم الله كرامـتـه....ابـي دايـم المنغـاز يلعـب بغاربـه
الى شفت تشليخه وكذبـه بحلـت بـه....مثل معرض تالـع وتطفـى كهاربـه


* يبدو ان القصيده غير كامله ! .. لكن هذا ما ورد من المصدر ( شعراء عنيزة الشعبيون )
....
لا باس يا عين ٍ علـى السهـر حدهـا.....زليـالٍ كمـوتٍ مـا تخـبـر بسـدهـا
الى صفت ساعة زمان علـى الهـوى.....لابد مـا تاخـذ علـى الطـول ضدهـا
سريعـة الاقفـا الـى منـه ادبــرت......وِنِيٍ على من كـد جـذت بـه مردهـا
عطوف الى حنت عصوف الى اجنفـت.....ولا كـل مـن شـدّ الحزابـه يشدهـا
اقوله وانا كـد ذقـت جرعـات غلهـا.....امـورٍ تشيّـب راس مـن يستعـدهـا
من ضمنهن غلـي وغيظـي بغربتـي.....احاتـي فتـوقٍ همتـي مـا تسـدهـا
وانـا جالـبٍ نفسـي للاسبـاب كلهـا.....اقـع مشكـلات مذهبـي مـا يودهـا
ولا راغـبٍ فيهـا ولا غـابـطٍ بـهـا........ولا هيب ثـوبٍ لـي ولا نيـب قدهـا
وهي نومست نـاس علينـا وشاهـدوا......من العز حفـلات عـدا الطـور حدهـا
عدونـا وعادونـا وهـم يبخصونـنـا......كما يبخـص الحبّـاب صاعـه ومدهـا
فلـو تحكـم الايـام بالـعـدل بينـنـا......نجحنـا ومـن يمنـاه طلقـه يمـدهـا
فـلا كـان كاتفنـا زمـان فضايـلـه......نفـسٍ يهيّـدهـا ونـفـسٍ يهـدهـا
ولا خضت هالموضوع من شان عيشتي......الارزاق غرسـه والتسبـب يجـدهـا
ما دام بي عرقٍ على الصـح يحتـرك......فالعافيـه ترفـي خلـل مـن يكـدهـا
فلا شك ابا وصيّك يـا ملفـت النظـر.....الى خفت من دعـوى تجاسـر وبدهـا
ولا شفت من ربعـك ملـل لا ترومهـم......اقلـط علـى عقـدة غلاهـم وهدهـا
ولا قابلـوك بصـح بالنصـح لاقـهـم.......ولا قيـل ذي حـروة رضاهـم تعدهـا
ترا لك شروط ومنـك للنـاس مثلهـا.....مبـاديٍ شــرع المـكـارم يقـدهـا
ولا يجهل المشروع من جـد واجتهـد.....سوى من قضب حبل الخياره وصدهـا
ترا ذاك الـى منـه هـرج لا تلـد لـه.....مثل سلعـةٍ عذروبهـا اللـي يردهـا
تمـت وصلـى الله علـى سيـد المـلا....ما هـل واهمـل رايـحٍ فـوق خدهـا
والآل والاصحـاب مـا قلـت بـاولـه...لا باس يا عين علـى السهـر حدهـا


^ الألــفــــــــيــــــه ^
من روائع ابــــو ماجــد ( رحمة الله عليه )
الـف والفـت التعفـف والكفـاف.....هاينٍ نفسـي وعاسفهـا عسـاف
ما لقيت اعـز مـن قصـر القـدم.....ما عدا الواجب مثل فرض الصـلاة
با بـلا شـك ان كـلٍ لـه نصيـب....يدّرج له من بعيـد ومـن قريـب
ما عن المكتـوب فـر راس القلـم....خير والاّ شـر الـى دبّـر فـوات
تـا تخيـر بالمجالـس لا بـديـت....وانطـح الواجـب الا منـك بليـت
والقصور اللـي يعـد مـن العـدم .... ما على راعيه لـو قصـر شنـات
ثا ثرى المحروم من حظ الوريـث....والتجـاره مـا يغطيهـا النبـيـث
كن راعيهـا علـى راسـه علـم.....الدراهـم لــو تخـفـىّ بيـنـات
جيم جسر المرجله طلـق الحجـاج.....والمـروّه تتضـح مثـل السـراج
والحيا سـاس الشجاعـه والكـرم.....والقناعـه باليسيـر اصـل الغنـاة
حا حلالـك لا تفـرط بـه يـروح....بالملاهـي لا ولا تذكـر شـحـوح
مـا يفـك المشكلـه رجـل عسـم....كان لـك شـفٍ بحـل المشكـلات
خـا يخيّـل للذهيـن انـك دريـخ....ما درا ان النـاس بالفطـره بنيـخ
والصداقه كـان شاركهـا الوهـم....شوّشـت لـو بالقلـوب مصفّيـات
دال دفع النقص جا مـن بـاب زود....وانقطع حبل الوفـا وهـو معقـود
يـوم تلينـاه بالفـعـل انـصـرم....تقل مجسومٍ مع النصـف بحصـات
ذال ذكر الله علـى المسلـم لذيـذ....والتعـوذ بـه وهـو نعـم المعيـذ
واحـد فـرد صمـد خصـم حكـم.... منصف الجمّا مـن ام امحوربـات
را رفيت مـن الغلـط شـي كثيـر.....تقل ما ادري تقل ما عندي ضميـر
والـذي فضـل صـلاة بالـحـرم.....اني اكثـر مـا فعلـت مجامـلات
زا زهر زاهـي ولكـن مـا يفـوز.....مادري يصلح يجوز او مـا يجـوز
الفنـون طيـور والناقـد سـهـم.....والبـنـادق للطـيـور مفهـقـات
سين سجل يالجليس مـن الجليـس....والربـوع يعـد قـدام الخمـيـس
ما على هـاذي وذيـك الا الشحـم....انسحـاب مــا وراه مـنـاورات
شين شور اللي بشوره مـا يبيـش.....ابذر الطيّـب تـرا الطيـب يعيـش
واردع النفـس ان تمطّـاه الـزّرم.....لا تقول القذف اخير مـن السكـات
صاد صوت للعمـوم وللخصـوصفيه ما يروي السموع من النصوص
واللبيـب اللـي الـى فِهـمّ فِهِـمْ............... ..يدري ان ايديـه شتـان واخـوات
ضاد ضدك لابسٍ لك ثـوب غيـظ....ان حضرت او غبت بعيونه بغيـض
وان لقى بك عند مـا يقـدر مهـم....ما تريّـح ليـن يجدعـك بهبـات
طا طرى الطاري على العزم النشيط....اني افصّـل بهـا المعنـى واخيـط
والجواب الهزل مـا يطـرد قـرم....كان ما جـن البيـوت مجوهـرات
ظا ظهر لي بالحيـاة ان الحظـوظ....خيل ذا طيـب وذا غـوج ربـوض
الاصيـل الـى عـدى والا انهـزم....فـاز والثانـي عضـوده فاتـرات
عين عوّد يـا عيونـي لا تضيـع....وانت في رايك تطيع او مـا تطيـع
كـان مـا وفقـت توفيـق اجــم...فالعمل طـب تطيـب بـه الحيـاة
غا غرور النفس من مـخ الدمـاغ...ما علـى راع الجـواب الا البـلاغ
ما عليّ ارطن على النـاس العجـم...جل من فرق على الخلـق اللغـات
فا فوايد مير ويـن اللـي يشـوف....هالسرور اللي حدر وضع الحروف
امس مـرّ وراح مـا كنـه خطـم....وانت حيٍ اليوم لكـن كـم مـات ؟
قاف قِفْ والجار شرهن بالحقـوق....يشتهي منـك المروفـه والرفـوق
صر لعـار الجـار مثـل المحتـرم....واعرف لن الجار لـه حـقٍ ثبـات
كا كرمك ان كان هو لامك وابـوك....فانت طيّب ما ورا طيبـك شكـوك
وان كلوك النـاس فابشـر بالنـدم....راح عمرك من شناة فـي شمـات
لا لـو انـك لابـس تـاج الكمـال....وانت ما عندك الى سولفـت مـال
فانت باحسن مـا تسولـف متهـم....لو تقول كميت هو شاهـد مـرات
ميم مدح النفـس يِلحقـك المـلام....وانت فعلـك واضـح ببـلا كـلام
لو تقول اسبق على الرجـل البكـم....وانت صادق كـد نشـر بمجلـدات
نون نذكر عقب ميـم ولام ونـون....يا مسولف ناظر اللـي يضحكـون
لا تحسـب اللـي تهرّجهـم غنـم....كم ذيب مخمـرٍ فـي جلـد شـاة
واو ول بعيـد واقـرب لـك لـوى....ما يصف الصين والمعـدن سـوى
كان عنـدك كـل شـي لـه طعـم....فانـت راع افكـار لكـن عازبـات
هـا هنـي اللـي مطيـعٍ الالــه....رادعٍ شيطان نفسـه عـن هـواه
المعاصي هي سبـب زيـل النعـم....وانت واعمالـك عليـك مسجـلات
يـا يعيـن الصابريـن بكـل شـي....واحد يفنـي وهـو مـا زال حـي
ثم صلوا عـد مـا يـذري النسـم....للنبـي اللـي طروقـه واضحـات

من روائع ابو مــاجد ( رحمه الله ) قصيده قالها وهو في مكه وارسلها لإبنه ماجد بعنيزة . وكان ماجد مرسل لابوه ويطلب منه سياره وملحٍ عليه بهالطلب .. فكتب ابو ماجد هالقصيده فيها نوع من الحنان الابوي والعتاب الرقيق والتوجيه السديد :-

قالوا بكيت وقلت ضيق وحماقـه.....ابكي وانادي بالبكا مـن غدالـي
ابكي شره وابكي محبـه وفاقـه......وابكي هلع وابكي ولع من هبالي
ابكي وخوذوا من نظيري غلاقـه......ماهوب ودي بس طاري طرالـي
ابكي وانا للدمع مـا بـي لياقـه......مليت منديلـي وثوبـي وشالـي
ابكي على حي ٍ صعيـب ٍ فراقـه.....الاول التالـي شريـدة عيـالـي
ماجد ترا امك ما خذيته عشاقـه......اخذتها من شان تربـة خوالـي
ابيك تعـرف بالوفـا والطلاقـه.....تاقف اقبال امك وتاقـف اقبالـي
ماجد تراك أدعيت قلبي إحراقـه.....وانا احسبنك بالوفا راس مالـي
خدعتنـي وانـا لحمتـي رقاقـه.....ليتك كبير انساك لو انـت غالـي
تركتني في هالظـروف الدقاقـه....ما كن لك في مهبط الوحي والي
ما يمكن ارضى انك تقص العلاقه.....قدام يظهر من شعـرك الموالـي
اخشى على عقلك بسن الرهاقـه.....توك بسـن ٍ مـا ينفـه حبالـي
حاربتني من شان عشق السواقه.....يالله عسى حظك بها مثل مالـي
خف من جليل الملك يا هاشفاقـه.....يكفين منك انـي بمكـه لحالـي
ارسلت لك خط ٍ والاخر الحاقـه......والثالث اللي جاك بالزرف خالي
ابيك تزعل كـان عنـدك حذاقـه.....تكتب بدال الزرف خـط ٍ هلالـي
خط ٍ يجيني منـك كبـر البطاقـه.....يسوى جميع اللي معي من حلالي
ما جاك مني شي يضر الصداقـه....أسألك عن حالك وأبلغـك حالـي
هذا وانا يا بوك ما نيـب عاقـه....الحمد للمولـى طـوال ٍ إحبالـي
لا شـك مـا ودي تتـم انفهاقـه...ما اظن تلقى والـد ٍ لـك بدالـي
درع ٍ حصيـن موثقـاتٍ احلاقـه......ياقف بصفك عند طامن وعالـي
إن طعت شوري خل عندك لباقه.....لأمك تراها من بنـات الرجالـي
وأعرف ترا حقك بمتنك وساقـه.....ولا ينطح الثقلات غير الجمالـي
اكتب ردود الخط وابرق ابراقـه...ترا الورق والحبر ماهوب غالي

أيام كان ابــو مــاجد ( رحمه الله ) بمكــه قبل ما يتزوج ,, قابل صديقه فلاح العتيبي ودار بينهم هذا الطــرق الخفيف :-

فــلاح :-
يا بو ماجد كيف تقعد بالمحل اعزوبي
.............. ما تدور لك هنوف تعجب المزاحي

ابـو مـاجد :-
والله اني ما اشكي الا من مخابي ثوبي
.......... ما معي ما يكفي المجنون دون الصاحي

فــلاح :-
لو نهبته لا لقيته يلعب الرعبوبي
........... تنهبه من عند ربعه لو يصيح اصياحي

ابــو مــاجد :-
كيف اسوي لا نهبته والعرب دريو   بي
.............. والحكومه تذبح اللي يسرق التفاحي

بعد مده تذكر ابو ماجد أخوه ( مقبل ) وكان يشتغل بالجوف , فأرسل رحمة الله عليه ابيات مع السائق ( محمد المرشودي ) يبارك لأخيه الزواج ويشكي له حاله هاك الايام :-

ياهل الموتر اللي من تحت ماهية محمـد المرشـودي
من فضايلك يالسواق خذ خطي ترا الخط خـارق عـاده
لا وصلتوا سكاكا الجوف من معروفكم فأبدوا المجهودي
سلموا لي على مقبل سلام العبـد لا واجهـوه أسيـاده
ثم قولوا مبارك ويتبـارك مشتـرى دفـة الماهـودي
واعساها عليه من النواصي اللي تقود السعـد بقـلاده
وإن نشدكم عن المملوك قولوا طيبٍ ما عنه منشـودي
مستصح البدن لاشك وقتـه حابـل لـه بفـخ وصـاده
بالحجـاز أتصبـر وأتجبـر وأتعبـر وأنـا ملهـودي
وأتحزم ببارودي وأجاهد شـن يغـث الركيـك جهـاده
والله إن الله أبرك لكن إني جازم إنك تشـد عضـودي
يا سهيل النجوم اللي إليا منـه ظهـر كـذب العـداده

رد: الشاعر الكبير شاعر عنيزه علي ابو ماجد _ وان حصل ثبوه
إضافةً لِما سبق هذهِ محاوره حدثت بين كلٍ من الشاعر المرحوم بإذن الله /علي بن عبد الرحمن الماجد الشهير بأبو ماجد والشاعر المرحوم بإذن الله /علي القري العيد  والد الدكتور محمد علي العيد / جامعة الملك عبد العزيز بجده

هذهِ المحاوره تصور ما كان يحدُث في مكه إبان مواسم الحج
وفي البصاره ( بين إنتهاء موسم وابتداء آخر)
فهذان الشاعران يتجهان بصديقٍ لهما يستعين بهما على مهمة لا يريان من انفسهما داعياً
للمضي معه فيها فيعتذِران وهذه حالة تمر بالشاعرين في موسم الحج ويثني ابو ماجد وزميله
عن متابعة السير وراءها ..!

أبو ماجد
سلام الله على اللي يعجبن لعبه ومسحوبه
بصيرٍ بالمعاني مثل دربيل الشفا الشّافـي
أنا حقه علي أعطيه بالمحضار ما جوبـه
افيده واستفيد امنه وهو يوفي ويستافـي

علي القري
هلابالشاعر اللي لهجته بالحيل مرغوبـه
اقوله من صفاوة خاطر يصفي مع الصافي
إلا الدنيا مع الشعّـار ماجـوبٍ تعاطوبـه
ترى اللي بالخواطر يا وسيع المعرفه كافي

ابو ماجد
علام النقطة اللي بايسر المعلاة مقضوبه
عليها العسكري قاضب بسنقي طق وقّافي
افدني ثم افدني والخُطى باللوح مكتوبـه
وخل الخيمه اللي بيننا برواقهـا ضافـي


علي القري
أنا بأخبرك باللي صار لكـن بـس هالنوبـه
ولا تنشد عن اللي مثل هذي سرّهـا خافـي
قماشٍ فصّله راعيـه لكـن مالبـس ثوبـه
سبب دعوى غدا فيها الريال ارباع وانصافي



ابو ماجد
أجل عندك لي اسوه قبل تقفل نقرة التوبه
ولكن حط بالك عند ميقافـك ومحرافـي
تحبّر في سفينة نوح والريات منصوبـه
تمشيها على العاري بلا حايه ومجدافـي


علي القري
عليك الله اكبر كيف ما تدرى عـن الحوبـه
تخلق من العدم لك حجةٍ له وسط واطرافـي
تبي تستنضحن كنّي من اهل الجوف والجوبه
وانا عن هالدعاوي زابنٍ في راس مشرافي

هذه محاوره دارت بين شاعرنا المرحوم ابوماجد والشاعر محمد بن ثعلي
ووكان المفروض أن تدور رحى المعركه بين ابن ثعلي وشاعر آخر
غير ابي ماجد لولا أن اختفى الشاعر فتلقاها ابو ماجد وتقبلها بصدرٍ رحِب ،،؟

محمد بن ثعلي ..
يقول اللي يبدي الوسيمه يوم جاه الدور
توحو للوسيمه والسلام فتوح قيفانـي
منيها وغنيها من الماجود والمذخـور
ولا ماجاز هالطاروق غيرناه بالثانـي


ابو ماجد ..
هلا يا مرحبا ترحيبةٍ مابـه ردى وقصـور
ولو مالي ذلول تشيل بالطاروق غرضاني
كثير الناس ما يسمع الي شرنا عليه الشور
يوهقني وينحش لين بالمحضـار خلانـي


ابن ثعلي ..
لا يا ليل ليل السعد ليـل الفـرح واسـرور
جمعنا في جماعتنا وشوف القاصي الدانـي
شوف الملعبه شعشع جبينـه كنّـه البنـور
لقيت اللي على الغايه يجي شانه على شاني


ابوماجد ..
ونا شوف السما يكشح شعاعه من شعاع النور
على ماقال ابـن ثعلـي إنـا ويـاه صدقانـي
إلي منه تعـذّر عـن لقاهـا واحـدٍ مستـور
الي دورتني بين الصفـوف البيـض تلقانـي


ابن ثعلي ..
الا مني بغيت العب معك ساعه فنا مجبور
أكمل لك على الباقي بلا زودٍ ونقصانـي
أكمل لك على الباقي وانا منكم بعد معذور
ولكن ويش اسوي يوم وهقني سليمانـي


ابو ماجد ..
علامك لا تخلّي بالبيـوت الـواردات قصـور
ترى الأعذار واجـد صـك بيبانـك وبيبانـي
على ما قال الأول من بلي يصبر على الطابور
يهوش وينتخي لوهو من اللقـوات كرهانـي


ابن ثعلي ...
الا منه بلتنـا الباليـه باقـف ونـا مصخـور
ولكن لا يجي مـن بيننـا ركضـات شيطانـي
أخاف ان العرب تركض على صفّور مع محمور
الا ضحكـةٍ ويقـال شوشـه بيـن قصمانـي


ابو ماجد ...
حشـا لله انـا ويـاك لا ناحـر ولا منحـور
ولكن ني نشب النـار يدفـى كـل بردانـي
أنا اعرفك معرفة حق تصمل في شداد الكور
ولا عمري شنيت اللي على المطراش خاواني

ومن غزليات ابو ماجد ( رحمه الله )
هذه القصيده اللي يعتز فيها الشاعر لخفتها ولطفها وهي على المربوع :-

قال علي ابو ماجد , من شكى الحب واجد , من شكى الحب واجد
ضامه الحب وانضام


بات قلبـــي مولع , مـــع غزال مدلـــع , الغــــزال المـدلــــع
سن خمسة عشر عام

لابسن ثوب عيده , والشبك مـــــا يصيده , الشبك مــــــا يصيده
حذر من بد الازلام

ان نطحني ذبحني , وان تغيـــب فضحنــي , ان تغـيــــب فضحني
مع هل الشرق والشام

يا حبيبــي علامك , مـــــا تجود ابسلامك , مــــا تجود ابسلامك
وانت من ضمن الاسلام

كان ذبحــي بدينك , حـــق فالله يعيـنــــك , حــــق فالله يعيـنـــــك
عند تقسيم الآثام

الهـــوى بالمروة , ماش حيلــــــــه وقوة , ماش حيلــــــه وقــوة
والرضا سيد االحكام

ثم صلــي وسلم , فـــــــي ختام المعـــــلم , فـــي ختام المعلـــــم
للنبي سيد الانام


قصيده غزليه على المربوع القصير :-
يا بعـد حالـي ومالـي......ليش ليش اشغلت بالـي
عنـك اباسـأل الهبايـب....وانت ما عنـي تسالـي
دلـعـوك اولـعـونـي.....واحفظـوك وضيعونـي
والله انـك يـا عيونـي....ان حضرت او غبت غالي
منك مشغـول ضميـري.....خايـف تصفـي لغيـري
وانزعج مثـل الدغيـري.....يشتهـر عنـدك اهبالـي
اشتكـي فرقـاك دايــم.....قاعـد فيـهـا وقـايـم
دوك ريقي ريـق صايـم....مر وانت بريـق حالـي
من وفاك ومـن كمالـك.....لا تحرمن مـن جمالـك
لي عليـك بقـدر مالـك.....بالـوقـار وبالـدلالـي
يا شعاع الشمس قل لـي.....كان مانتب صافـي لـي
اكتب اللـي لـي وولـي....وانت خبر بـي عيالـي
قـل ذبحتـه بالمهونـه.....يوم اغض الطرف دونـه
اشهدي لـي يـا فنونـه....مغـرم ذبحـه حـلالـي
ذا وباخـتـم المعـانـي.....قبـل لا ييبـس لسانـي
ادفنونـي فـي مكـانـي....  وادمحـوا زلـة غزالـي
***
ومن قديم غزليات ابو ماجد ايضا :-
يقول علي ابو ماجـد كـود....بالمشكل الشرع يفتي لـي
حيث ان االعمال بيض وسود.....واخاف تحصى محاصيلـي
ياليت باب الهوى مسـدود....عني وعن كل اهـل جيلـي
اسلم من الغيـظ والمنقـود... وارقـد واريـح مراسيلـي
يا صاحبي لا تـروم الكـود.....تـرا تغلّيـك يقضـي لـي
ذبحتنـي بالرهـا والـزود.....وانـا اتـحـراك تاويـلـي
يا غصن موز على الراقود...زيشرب من العـد والسيلـي
ما ترحمن يا نعيـم العـود....يابـو ثـمـان مذابيـلـي
وامجـدل ضافـي مرجـود....علـى الردايـف عثاكيلـي
والخشم كنه شبـى بالـود....مـع مثـل درع القويتيلـي
اللي وقف ماقـف مشهـود....يـوم ابتلـوه الرجاجيلـي
الحكم في نجد لابن سعـود....يابـو عـيـون مدابيـلـي
قم اذبحـن ذبـح بالبـارود...والا فانا ابيك تصفـي لـي
وابي من المستوي عنقـود...والـورد حطـه بمنديـلـي
والا عليك البـرى مـردود....ابرز وانا ابرز على الليلـي
اما ذبحتـن وانـا المفقـود....والا كسبتـك علـى خيلـي
هـذا سنـد بيننـا بشهـود....ان صح شعري وتفصيلـي


في غزليات ابو ماجد ايضا لا تتعذر الحكمه والفلسفه العميقه والايمان القوي بالله ,
 وهذي إحدى روائعه ( رحمه الله ) :-

قال الذي يلفت الانظـار عنوانـه
الشاعر اللي كسا لفظـه معانيهـا

آمنت باللي عمر هالكون سبحانـه
رب تكفـل بمحسنهـا اومسويهـا

الرزق بيديه وهـو ايديـه مليانـه
الخلق تطلب مطالبهـا اويعطيهـا

ارجيه يكسين من فضله بغفرانـه
انا ومن سمعهـا واللـي يغنيهـا

راع الهوى بين قلب وعين ولسانه
لابد وحده من الثنتيـن مرضيهـا

وانا جميع الجوارح مـن تعبانـه
اسباب من ولعت قلبـي بطاريهـا

ودي برمانة مـن طلـع بستانـه
امصها مص واترك حبهـا فيهـا

اخاف يفقد وكيـل المـال رمانـه
تبقى فضيحـة لبايعهـا وشاريهـا


الحمد لله انتهينا


منقول من ديوان ابوماجد (مظلوم)


مواضيع مشابهة أو ذات علاقة بالموضوع :