هذه القصيدة الرائعة للشاعرمحمد العلي الجاسر من اهالي الزلفي لها مناسبة ومناسبتها انه قلط عنده عيال .. وقام بواجب الضيافة اتجاههم ولكنهم امتحنوه بطلب اشياء ما هي
بموجودة عنده وعابوا عليه القهوة اللي قدمها لهم وأشياء اخرى لزعمهم انه لا يجيد إصلاحها وأشترك في سبب انشاء هذه القصيدة عجوز تتحدث مع زوجته بناحية البيت وكان يسمعها وهي تقول وش تبين به ليش ما تتركينه وأنتي تدرين انه عقيم ما يجيه عيال وصار كبير ما تشوفيني انا حرمت الزواج لأني كبرت ولا لقيت اللي تشتهيه نفسي يداعبني وأداعبه
خطو الولد يخطي على غير مقدات=ويعجب بنفسه من قرادة نصيبه
ما يشكر المعبود والي البريات=ويصبر بحكم الله على ما يصيبه
يوم ارتهى النعمه تباهن بألأوقات=يقضي ولو سمع الندى ما يجيبه
ما تمنعه زجر المواعظ وألأيات=يقرا كتاب الله ولا يقتديبه
بيحت سدي من سبب خارب الذات=ماهوب ودي مار ربي حسيبه
لتيت له حب اليمن عشر مرات=ويقول فنجالك كثير سريبه
والخبز ماجود على كل حزات=والبيض مفروض لزوم نجيبه
عاف اللحم والعيش يوم الغدا فات=يقول ما ناكل فضال غبيبه
ما صكته سود الليلي بليعات=وافق سنين مرغدات خصيبه
زكن علينا بالشروط العنيفات=من غير حق واجب يدعي به
ليته بعمره حاضر له سنينات=يوم السحايل والسنين المشيبه
يومن لحم الحرج يؤكل الى مات=والرجل بالوجبه يرهن قليبه
والله يا عصر على جيلنا فات=شئ يروع القلب ما ينحكيبه
بين العرب ضاع الحيا والمروات=والله ما يرحم قريب قريبه
خلو حريم ضايعات وعيرات=تصخف لهم صم القلوب الصليبه
تسمع لهم بين العشاوين جضات=جوعا تلاعا يا لها من مصيبه
يم البنادر بيعو بالخوندات=كن العذارى من جلايب عتيبه
والله ما تسوى المرأة عشر بيزات=بارت ولوهي من بيوت عريبه
واليوم ما تلقى عجوز بألأميات=وما تنستر لو كل شئ تجيبه
والى قطعت اغلاطها بالغويشات=تقول هذا شايب ويش ابيبه
ما تستحي لو هي عجوز موذات=تقول سرحي ما يوافق عزيبه
وراع العقل من مقصر لأبو طرفات=مناب أحبه مار شر يصيبه
ولي عسى يبلاك رب السماوات=الواحد اللي فوق خلقه رقيبه
بلوا عظيمة شأنها كبر ابانات=عشرين عام ضايع بك طبيبه
هذا وعصك يابس تقل علبات=وسقفك كما المدان يسرب هضيبه
والشوف ألأقشر والعنوف الخفيات=بين المحقب والنهد والتريبه
واليوم مابك عيشة يالمهبات=مثل الجريد اللي تشلهب عسيبه
لونك تغير والصوابر مشيبات=وضرعك عن الورعان نشف حليبه
منتيب عنز يذبحونك ولا شات=والله ما تسوين كسرة زبيبه
وبنذر الصبيان عن خمس شارات=لو صار كل ماله الا نصيبه
لا تأخذوز العجز لوهن رخيصات=حاذور يالجاهل ترى العجز خيبه
العجز لو صلن ترى ما لهن ذات=والله ما يعمر مكا ن وهيبه
والعجز لو تنفس بحرث الوطن مات=تيبس بساتينه ويمحل شعيبه
لو هي تخاف الله وتدري العقوبات=ما فرقت بين الحبيب وحبيبه
ومن لامني بالعجز شبك الحبالات=لعل ما صاب الرعيضا يصيبه
زمايل الشيطان ما همب سهلات=من يهتني بالنوم وانتن حريبه
كم من اسير فكته بالحيلات= وكم من صحيب دارته عن صحيبه
وكم غافل تضرب محله بغارات=الى اذن المذن وكبر خطيبه
تقول انا لك من زمان موصات=وعندي غريض كان ودك تجيبه
تجيك مثل ابليس مع كل وجهات=كل تويق بعورته وتحكيبه
يكرم بعضهن ما نجيله بعرضات=ماهو كل العجز تتهم بريبه
تلقى بهن خطو الحرار العفيفات=اصايل من كل خير قريبه
وحاذور عن شوها من المشفحلات=تشيب رأسك قبل حزة مشيبه
ما شومة من جاحدات الحسنات=تحب عدوانه وتبغض قريبه
والثالثة خرقا سروق مطورات=الى تغرب زوجها تستغيبه
مجهولة تأخذ حلاله ميادات=هذا تبايع به وذا تشتريبه
والرابعة هوجا هروم مشقات=مع صير البيبان مثل الرقيبه
كم ليلة من وسط بيته مسرات=يغتاب خلق الله وعيبه يجيبه
تقول كل قوتنا يا ولد هات=وباقصى محله مثل نار اللهيبه
ولا تاخذ الرفلا تشوف العزارات=لو ان ابوها بالمثل ويش طيبه
خطو المرأه تحدث بألأجواد غمات=ونانة منانة ما تثيبه
وخطو المرأه ما تثمن بالجنيهات=مستورة عذرا ودود حبيبه
عذرا تباشر زوجها بالتحيات=وتمشي بشفه عند حزة مشيبه
رعبوبة حسنا من الفهلات=هذيك من بين العذارا غريبه
ما كل من غاص البحر جاب حصبات=وما كل حض وافر ينعديبه
يالله بعفوك من جميع الخطبات=توبة نصوح قبل فجوى المصيبه
يا موجد المعدوم والي البريات=تضفي ثياب عفوك وهيبه
وتبدل السيات لي بالحسنات=وتشفي جروح بالضماير عطيبه
يا واسع الرحمة مزيل المهمات=ترحم ذليل شايف كبر عيبه
يوم الفضايح والفزع والهولات=ما دون عفوك مهرب نلتجيبه
العبد فرض يسألونه الى مات=ويحاسبونه من شبابه لشيبه
اما الى روضة نعيم وجنات=وعالي فراديس وحور عجيبه
والا عذاب سرمدي وحيات=ونار تلظى دايم تتصطليبه
عقب الرواشن والقصور المنيفات=ضيق اللحود المظلمات المهيبه
يرمس بغيوب الثرا بين ألأموات=عقب الشرف رزوا عليه النصيبه
تومي بك الدنيا دقايق وساعات=ومسيوره منقضية بالليهيبه
كم دمرت ملك عظيم ودولات=وناس لهم كار عظيم وهيبه
تاجد ارسوم اديارهم مضمحلات=كن الوطن باثارهم ما وطيبه
ما يشكر المعبود والي البريات=ويصبر بحكم الله على ما يصيبه
يوم ارتهى النعمه تباهن بألأوقات=يقضي ولو سمع الندى ما يجيبه
ما تمنعه زجر المواعظ وألأيات=يقرا كتاب الله ولا يقتديبه
بيحت سدي من سبب خارب الذات=ماهوب ودي مار ربي حسيبه
لتيت له حب اليمن عشر مرات=ويقول فنجالك كثير سريبه
والخبز ماجود على كل حزات=والبيض مفروض لزوم نجيبه
عاف اللحم والعيش يوم الغدا فات=يقول ما ناكل فضال غبيبه
ما صكته سود الليلي بليعات=وافق سنين مرغدات خصيبه
زكن علينا بالشروط العنيفات=من غير حق واجب يدعي به
ليته بعمره حاضر له سنينات=يوم السحايل والسنين المشيبه
يومن لحم الحرج يؤكل الى مات=والرجل بالوجبه يرهن قليبه
والله يا عصر على جيلنا فات=شئ يروع القلب ما ينحكيبه
بين العرب ضاع الحيا والمروات=والله ما يرحم قريب قريبه
خلو حريم ضايعات وعيرات=تصخف لهم صم القلوب الصليبه
تسمع لهم بين العشاوين جضات=جوعا تلاعا يا لها من مصيبه
يم البنادر بيعو بالخوندات=كن العذارى من جلايب عتيبه
والله ما تسوى المرأة عشر بيزات=بارت ولوهي من بيوت عريبه
واليوم ما تلقى عجوز بألأميات=وما تنستر لو كل شئ تجيبه
والى قطعت اغلاطها بالغويشات=تقول هذا شايب ويش ابيبه
ما تستحي لو هي عجوز موذات=تقول سرحي ما يوافق عزيبه
وراع العقل من مقصر لأبو طرفات=مناب أحبه مار شر يصيبه
ولي عسى يبلاك رب السماوات=الواحد اللي فوق خلقه رقيبه
بلوا عظيمة شأنها كبر ابانات=عشرين عام ضايع بك طبيبه
هذا وعصك يابس تقل علبات=وسقفك كما المدان يسرب هضيبه
والشوف ألأقشر والعنوف الخفيات=بين المحقب والنهد والتريبه
واليوم مابك عيشة يالمهبات=مثل الجريد اللي تشلهب عسيبه
لونك تغير والصوابر مشيبات=وضرعك عن الورعان نشف حليبه
منتيب عنز يذبحونك ولا شات=والله ما تسوين كسرة زبيبه
وبنذر الصبيان عن خمس شارات=لو صار كل ماله الا نصيبه
لا تأخذوز العجز لوهن رخيصات=حاذور يالجاهل ترى العجز خيبه
العجز لو صلن ترى ما لهن ذات=والله ما يعمر مكا ن وهيبه
والعجز لو تنفس بحرث الوطن مات=تيبس بساتينه ويمحل شعيبه
لو هي تخاف الله وتدري العقوبات=ما فرقت بين الحبيب وحبيبه
ومن لامني بالعجز شبك الحبالات=لعل ما صاب الرعيضا يصيبه
زمايل الشيطان ما همب سهلات=من يهتني بالنوم وانتن حريبه
كم من اسير فكته بالحيلات= وكم من صحيب دارته عن صحيبه
وكم غافل تضرب محله بغارات=الى اذن المذن وكبر خطيبه
تقول انا لك من زمان موصات=وعندي غريض كان ودك تجيبه
تجيك مثل ابليس مع كل وجهات=كل تويق بعورته وتحكيبه
يكرم بعضهن ما نجيله بعرضات=ماهو كل العجز تتهم بريبه
تلقى بهن خطو الحرار العفيفات=اصايل من كل خير قريبه
وحاذور عن شوها من المشفحلات=تشيب رأسك قبل حزة مشيبه
ما شومة من جاحدات الحسنات=تحب عدوانه وتبغض قريبه
والثالثة خرقا سروق مطورات=الى تغرب زوجها تستغيبه
مجهولة تأخذ حلاله ميادات=هذا تبايع به وذا تشتريبه
والرابعة هوجا هروم مشقات=مع صير البيبان مثل الرقيبه
كم ليلة من وسط بيته مسرات=يغتاب خلق الله وعيبه يجيبه
تقول كل قوتنا يا ولد هات=وباقصى محله مثل نار اللهيبه
ولا تاخذ الرفلا تشوف العزارات=لو ان ابوها بالمثل ويش طيبه
خطو المرأه تحدث بألأجواد غمات=ونانة منانة ما تثيبه
وخطو المرأه ما تثمن بالجنيهات=مستورة عذرا ودود حبيبه
عذرا تباشر زوجها بالتحيات=وتمشي بشفه عند حزة مشيبه
رعبوبة حسنا من الفهلات=هذيك من بين العذارا غريبه
ما كل من غاص البحر جاب حصبات=وما كل حض وافر ينعديبه
يالله بعفوك من جميع الخطبات=توبة نصوح قبل فجوى المصيبه
يا موجد المعدوم والي البريات=تضفي ثياب عفوك وهيبه
وتبدل السيات لي بالحسنات=وتشفي جروح بالضماير عطيبه
يا واسع الرحمة مزيل المهمات=ترحم ذليل شايف كبر عيبه
يوم الفضايح والفزع والهولات=ما دون عفوك مهرب نلتجيبه
العبد فرض يسألونه الى مات=ويحاسبونه من شبابه لشيبه
اما الى روضة نعيم وجنات=وعالي فراديس وحور عجيبه
والا عذاب سرمدي وحيات=ونار تلظى دايم تتصطليبه
عقب الرواشن والقصور المنيفات=ضيق اللحود المظلمات المهيبه
يرمس بغيوب الثرا بين ألأموات=عقب الشرف رزوا عليه النصيبه
تومي بك الدنيا دقايق وساعات=ومسيوره منقضية بالليهيبه
كم دمرت ملك عظيم ودولات=وناس لهم كار عظيم وهيبه
تاجد ارسوم اديارهم مضمحلات=كن الوطن باثارهم ما وطيبه
-
.... مواضيع مشابهة أو ذات علاقة بالموضوع :
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..