قصيدة نوره الرشيد رحمها الله
طبعاً سمعتوا البيت اللي يقول:-
لولا ظروف الوقت مـــاقلت تكفى
لكن أغلبكم ماقرا القصيده كاملة
تمتعوا بقوة القصيدة
ــــــــــــــــــــــــــــــــــــ
مـن ذاق حـر القايلـــه يعشـق الليـل
ومـن شـب ضـوه ليلــــة البـرد يدفى
امســـيت في جيلٍ ولاهوب ذا الجيل
و اصبحـت والا ديـرتي شـبـه منفى
واللـــي حمـا بيتـه بطيــرٍ ابـــابيـل
ماجيت ادور كـل مـن صـد واقفى
ولا جيـت ابشحـذ يانمـا دلـــه وهيـل
جيتـك وجـرح الظـلـم غديه يشفى
جيتــك بكلمـه كــنهـا صعــقـة الويـل
وان قـــلـت تكفــــى لاتهــاون بتكفى
تكفى تراها كلمــةٍ تقــطم الحيـــل
لا بـــالله الا تـــــنسف الحــيل نسفا
تكفى تـرا تكفى لهـا هــــدرة الســيـل
فـــي صدر حرٍ ينــتف الطيـب نتـفا
تكفى تـرا تكفـا لـها تِسرج الخيـل
ان كــان لك في مجمع الـخيل عسفا
تكفى تـــراني من قرومٍ مشاكيل
حمـــــاية الــسـاقـه بـــسيفـٍ وشــلفـا
تكفى تـــرى تكفى تهـز الـرجاجيـل
لولا ظروف الوقــــت ماقلت تكفى.
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..