الشاعر / محمد بن سليمان المحسن (( الدرم )) : سيرة وقصائد

ولادته ونشأته:
ولد شاعرنا في قرية القصورية غرب مدينة القويعية وبالقرب من مدينة
الرويضة سنة 1345هـ وكان والده شاعراً ولكنه مقل ، كما كان جده لأمه محمد السلمان شاعر معروف بشاعريته الجزلة المعاني قضى بقية حياتة في قرية أم سريحة غرب القويعية.




لذا لم يكن مستغرباً شاعريته التي ولدت في سن مبكرة حيث قال الشعر وعمره عشر سنوات، واجه شظف الحياة ومتاعبها وعاصر فترات قلة ذات اليد فله تجربة غنية نراها بارزة في شعره تصور الحياة الاجتماعية في الماضي اشتغل في مقتبل حياته بالزراعة بحثاً عن لقمة العيش ولكن معاناة المزارعين ومشاكلهم في الماضي كبيرة ولقد زرع في احد السنوات اجتهد في بذره وسقياه طول الموسم فلما أوشك على حصاده هجم عليه (الدبا- نوع من الجراد) فأبادهعن أخره فخرج خالي الوفاض من محصول الموسم فقال معبراً عن هذه المعاناة الكارثية بقوة إيمان فطرية:

أنا احمد الله راس مالي عباتي
والبس زرابيلي وادبر مع الريع

ومن سالني ويش الخبر والسواتي
قلت الدبا في زرع ربعي مشاريع

ومن قب ما هو زاهي في النباتي
جاه الدبا الكتفان عجل سواريع

وكان شاعرنا (رحمه الله) ذا ذكاء وفطنة إشتهر بهما . فقد قيل أنه قال أول قصيدة وعمره 10 سنوات عندما كان يعمل على السواني مع شخص يدعى عيد حيث ذكر له بأن سواني بئره تغني ، فقال عيد مخاطباً الدرم وهو صغير:

يالدرم محال البديعه يغني **** مهوب محالٍ على الدلهمية
وغروبهن صفاح ما ركبني*** تقبل وتقفي في جال الركية

فرد عليه الدرم في قصيدة مطلعها :

محالنا ياعيد ما يمرحني **** ولا أوضعن عصير والشمس حية






بعد ذلك انتقل إلى حرفة التجارة بادئاً كغيره آنذاك في نقل الحطب فكثيراً ما يقول الشعر أثناء نقله للحطب وقد كان هناك العديد من المساجلات الشعرية مع سيارته بنوع من الشعر الفكاهي التمثيلي :
كما في قوله مخاطباً سيارته وهي من الفورد القديم :

يا موتري لو أنت كفو استمـارة ***** قصيت لك باصات وألواح وامرور
لكن والله إنك مواري خـسارة ******تبي تبهذلني وأنا منك مخـــطور
واردى لعينك تسعين شــارة ***** كحيان ومبوش ولا فيك مــاطور




فأجابته السيارة قائلةً:

أنته تحرث للردى والجحارة ***** وأنته تبهذلني وأنا أصبر على الجــور
حتى النفود أرقيتني مع زباره ***** جبت الحطب لك من ورا دمخ وغرور




انتقل الى مدينة رأس تنوره يعمل سائقاً في شركة ارامكو في المعدات الثقيلة وقد اشار إلى ذلك في عدد من الابيات:

الا واعذابي جاني العيد يم الراس

مع ريس يامر عليه وينهاني

إلى جيت ابجلس فالعمل ما حصل مجلاس

تحمل فيه من التعب كل ما جاني


استقال من شركة ارامكو وتحول للعمل الحر فاشترى سيارة نقل من نوع (فولفو) وبدأ يعمل عليها:

قبلك وانا ما في يديني دنانير

وان خذت راتب ارامكو نفدنه

واليوم انا يالله لك الحمد في خير

ما عاد ابي لمملس الهرج منه
وكان من المعجبين في سيارته (الفولفو) ويثني عليها في قصائده كثيراً هذا الامر جعل اصحاب سيارات (المرسيدس) يعارضونه بالكثير من القصائد.


يا موتري والله تشيل القناطير **** ما شالت المورات شل مثلهنّه

إلى أن قال :

وان ما خذيت الجايزة في المحادير **** لا قام راع المور الافنس يحنه
وعقب الغلا عود حصيله فواتير **** ومطوف ٍ اقصاد واخذوه منه

وكما في قوله مادحاً سيارته الفولفو وذاماً سيارة المورسيدس :

إلى وطت رجلي الديزل وجودت الدركسون **** أوصلت وارد رشيد مع الخطوط العوج حده

إلى أن قال :

ياجعل يمنى السويدي ما تشل وتسلم الكون **** إللى تحدى لوارد بون غصب وجاب ضده

وكما في قوله :

ياراكب اللي فيه عشرة تعاشيق ****ومكتوب في خشمه ثمان وثمانين

إلى أن قال :

وقل له فعلنا السرف في أهل الصناديق **** دوك ابن فايز موتره راح نصفين
المــــور صار يذرق الزيت تذريق**** يزيده الســواق خمسة جوالين
وإلى عطينا مـــع طوال الطواريق **** يبــون سبقتنا وحــنا معيين


بعدها بفترة باع سيارته الفولفو بعد أن حصل معه موقف سيئ واشترى سيارة مورسيدس :


موتري ما هيب عـــادة يسعفونه **** والجمالة في المـواتر عادة له
عقب ممشى الجور خرب وشان لونه **** ما ينومس خاطري مافيه شلة
النشامى مــــن تهامه يسحبونه **** حازمينه في ذنب مــور يتله



بعد ذلك التحق موظفاً في وزارة الداخلية وهو بلاشك شاعر متميز ذو تجربة في الحياة صورها في قوله:

من شايب قد جرب الزين والشين

والمر والحالي يعرفه وذاقه

خذا من الدنيا تجارب وتمرين

يا كثر من صكات بقعا فلاقة
ورغم أن قصائده في بداية حياته تميل إلى الطرافة والسخرية إلا أن قصائده بعد ذلك تتسم بالجزالة والسلاسة فهو شاعر مطبوع تظهر في قصائده الحكمة بجلاء وقد تطرق لمختلف أعراض الشعر ومارس فن المحاورة مع كبار شعرائها ومن قصائده الوطنية الجميلة هذه القصيدة:


يالله يالله يا منشي المزون اللي مطرها حقوق

يا منزل الغيث من عندك تغيث الناس باوطانها

في ليلة ينعش المسنين زلزال الرعد والبروق

والصبح سيله على التنهات مل كل ريضانها

من باب جدة إلى ساحل عمان أرقاب مزنه تسوق

متراكم السحاب وضارب القاع ربانها

من حد الأردن إلى حد اليمن مافي خياله فتوق

ينثر قراح الغدير اللي يعل العشب ودانها

جعله على الدولة اللي عند اهلها ما تضيع الحقوق

من عدل حكامها حدب السيوف احما لميزانها

حكامها نسل اخو نورة ذرى الخايف مخلى الطروق

ما جابت البيض مثله فوق الارض وكثر سكانها

اللي مشى بالسريا مر حدر وبعض الأمرار فوق

والليل مثل النهار مخلين ريمات بأرسانها

سبب تلقيبه بالدرم: عندما كان صغيراً كانت والدته تداعبه مرددة ً كلمة الدرم لقصر قامته وهو صغير ، فلقب بالدرم وهو كبير مع أنه طويل القامة وقد استحسن هذا الإسم لنفسه وأصبح فيما بعد يعرف بالدرم .


الدرم محامي بارع من خلال شعره :

لقد جالس الكثير من أخصامه أمام القضاة ، في مطالبات لأراضي ومزارع تعود له ولأهله فهو شاعر و محامي وقد أشار إلى ذلك في العديد من قصائده :


افرج لمن عوج الطلايب تنكد **** ومــا فيه يوم سج وانساح باله
متبهذلٍ من كثرة الخذ والـرد **** وما ضاع من معروض يرفع بداله

وقوله في عرض قصيدة له شاكياً على أصحاب السمو الملكي الأمراء / سلمان بن عبدالعزيز والأمير سطام بن عبدالعزيز :


أنا أترجى نصركم طـول الأيام **** علي ظلم وجــور وأمر سماوي
في ملكنا اللي راح من بين الأقلام **** وحالت عليه الواسطة والدعاوي
ومعنا الصكوك السابقة مالها أقيام **** وش رايكم يامــزبنين الجلاوي


وكما في عرض قصيدة له يوضح فيها قضيته لصاحب السمو الملكي الأمير / سلمان بن عبدالعزيز أمير منطقة الرياض حفظه الله .


عوج الطلايب مشاكلها تخلي كل صاحي عليل*** مغير يقبل ويقفي بين طــرد أرقام ومعامـلات
ضرتني البقعة اللي جعلها طول الدهر ما تسيل *** جابت لي الضغط والسكر مع الأمراض متنوعات




وقـد رافق رحمه اللـه صـاحب السمو الملكي الامير ( نايف بن عبدالعزيز آل سعود) حفظه الله في الكثيـر من رحـلات الصيد خارج الوطن

وكان له العديد من القصائد الوطنية الرائعة ، دفاعاً عن الوطن وفي الذود للنيل منه ومن حكامه .
ومنهـا هذه القصيدة التي يقول فيها :

قـول مـن يشفـق علـى زيـن الأشـعـار ..وبالعقـل يازنهـا عـن النـقـص والــزود
مـن شـان لا عرضـت علـى كـل بيطـار..مــاعــاد يلـحـقـنـي مــلامــه ومـنـقــود

الى ان قال

ولاعمـسـت الاريـــا وقـلــنّ الاشـــوار ..الـشـور عـنــد مـعــرب الـجــد مـاجــود
الله يــحــرم والـديــنــه عـــــن الــنـــار..ويعطـي محمـد طـولـة العـمـر وسـعـود
نايـف ولـد مـروي شـبـا السـيـف بـتـار..عبـد العزيـز اللـي خـذا الحـكـم بالـكـود
طلع من المشرق علـى هجـن وامهـار..غير الصعب والطوع عـاري ومشـدود
وخـذ مـلـك ابــوه وخــذ لجـدانـه الـثـار..وخـلا الديـار اســلام وسـهـود ومـهـود

وكـان للشـاعرة المعروفه" الغيوض " مجاراة لهـذه الابيـات وهي قصيده طويله ومنها:


ساعة قريت اليوم لي عـدة اسطـار..من شعر شفتـه بالمجـلات مرصـود
جلسـت اعيـد قرايـة الشـعـر تـكـرار..حيثـه يمـدح معـرب الـخـال وجــدود
في مدح من له بالشرف والفخر كـار..ساس المكارم من على عصـر داود
يـا الـدرم لونـمـلا الجـرايـد بالأشـعـار..في مدح نايـف منبـع الفخـر والجـود
مـا ندركـه يـالـدرم لــو صــار مـاصـار..لو نعمل بسـاط مـن الشعـر ممـدود
نقطة مطر يالدرم في عمق الأبحـار..مـحـال مــا يصـبـح لـهـا بالبـحـر زود
ونايـف بحـر ماترفعـه رشــة امـطـار..ولا تنقصه فـي حالـة المـوج وركـود

الى ان قالت :

غيـث لكـل الشعـب يـا الـدرم مــدرار
شي عليه اثبـوت يـا الـدرم وشهـود
ابـن العريـب اللـي لـه النـاس تخـتـار
عبدالعزيز اللي على الطيب محسود
عبدالعزيـز اللـي علـى ايتـام وصغـار
يعطف وعطفـه عـم للطفـل والعـود
عبدالعزيـز اللـي علـى صغـار وكـبـار
ينفـق وساعـه راح يـا الـدرم مفقـود


=================
=================

أشتهر شاعرنا بالكرم الغير محدود ، ينفق كمن لا يخشى الفقر أبداً يمسي غنياً ويصبح فقيراً فمن السهل أن تنال منه ما تريد مهما كان ثمنه وذو قناعة عالية ، وله الكثير من القصص التي تحمل في طياتها شيئاً من الطرافة والسخرية المقبولة مع الكثير من أصدقائه وأقاربه .
ومع شهرته ومكانته وكثرة أصدقائه من مختلف شرائح المجتمع إلا أنه اشتهر بغنى النفس وعزتها لـم يطلـب ذو جاه أو مال ولم يستغل ملكته الفذة في الشعر في ذلك كما يفعل الكثير من الشعراء..
حتى وافته المنيه رحمه الله ..

فقد قال : اكتسب الشرف لا المال :

إلى كسبت الشرف والعافية فالـرزق مضمون **** الموت لاجا إبن آدم ماأحد يقدر يرده
ياما خذا الموت من طيب ومن صاحي ومجنون **** والأنبياء والملوك ومن تهرب عنه شده
المال لو هـو يفك مــن المنايا فك قـارون **** اللي حلاله يبهذل كـل حسابٍ يعده



===================
===================



ومن قصائده:

بنـت ماحطيـت لصـدوغـي وســاده
......................واتـوخــر كـــل مـانـكــف الـضـلالــي

ولاخذيـت الـنـوم بالمـشـراق عــاده
......................أطـرد العيشـه وابـي مكـسـب حـلالـي

فـوق اخـو فلـفـا واكـمـل لــه عـتـاده
......................محـتـسـي فـيــه الاوانـــي والــدلالــي

فـي فيافـي نجـد وامشـي فـي بــراده
......................كــل مـاهـب الـهــوى يـنـسـاح بـالــي

والـفـتـى لاعـــاد مـايـغـلـي بــــلاده
......................مايـجـي فــي ديــرة الاجـنـاب غـالـي

حالف(ن) مرضى لنفسي بالزها ده
......................زال ماحـطـيـت فـــي قــبــر هـيـالــي

من مـدارس بـول حصلـت الشهـاده
......................قـبــل دلـــه يفـتـحـون الـهــا مـجـالــي

واشتـغـل واخــذ بيـمـنـاي الـزيــاده
......................ماخضـعـت لمـشـرف مـثـل النـعـالـي

ولاطلبت مساعـدة صاحـب سعـاده
......................ولاطلـبـت معـاونـة صـاحـب معـالـي

أطلـب اللـي رحمتـه تشـمـل عـبـاده
......................عــالــم الاحــــوال يـعـلــم مـابـحـالــي

ربـي اللـي يــرزق عـيـال الـجـراده
......................لارمتـهـم بالخـلـى مــن غـيــر والـــي



====================
====================


انا هالزمان مهون من هـوى فطـوم :

قصة القصيدة - كما يرويها ابنه - أن شاعرنا كان في مدينة تبوك معه سياره مرسيدس شاحنه كبيرة وكان باقي على عيد الاضحى يوم فقط وكان يريد ان يصل الى الديرة بأسرع مايمكن حتى يتعيد مع اهله واثنا رجوعه في الطريق وقفه المرور والسبب السرعة الزائده وعندما شاهد الضابط الذ أوقفه أنه شايب وكذلك أنه رخصه قديمة أخلى سبيله وقال له راح نسمح لك عشان رخصتك قديمه ووكذلك انك شايب لكن لا تسرع قال الدرم هذي سواقتي دائم !! وعندما ركب سيارته تمثل بهذه القصيدة فقد كانت هناك بنت من اهل الشرقية اسمها فطوم صغيرة في السن وكان الوالد صديق لوالده وعندما كان عندهم كان الوالد يمزح مع ابوها ويقول له تجوزني البنت فطوم مجرد مزح

وتذكرها الوالد تذكر البنت فطوم انها صغيره وليست في سن الزواج وليس هناك توافق بينه وبينها هو كبير في السن وهي صغيره. .


انا هالزمان مهون من هـوى فطـوم
سمح خاطري مابي عيونـي تخايلهـا
لا ياقلب بنت الناس ماني بها ملـزوم
ولا هيب من نجعي ولا مـن قبايلهـا
اناشف بالي جـادل جنسهـا معـدوم
تنثر علـى حـد الردايـف جدايلهـا
مداهيلها نجد العذية سهـل وحـزوم
هضاب المـدارة كـل يـوم تـظللها
طمعها براسي ماتبي اللي يعبي نـوم
نظيف المقاطـع كـل يـوم يغسلهـا
ْينام الضحى والليل يسري به الجاثوم
يشجع هل السهرة ويصبـح مقابلهـا
وانا فوق وارد بون حالي كما المسقوم
على رقمـي النجـدة تكلـم باناتلهـا
الي جيت عند الضابط اللي عليه نجوم
تعذرت منه وهرجة الصـدق يقبلهـا
اودي علوم للنشامـا واجيـب علـوم
وشنق هضبة الجولان فالحرب واصلها
الا ياوجودي وجد من جودوه الـروم
ضعيف توامـى فـي يدينـه صناقلهـا
والا ياوجودى وجد من صوبوه القوم
ضرب ركبته مخباط مـاص محولهـا
وقعد والطيور الجايعة يدرجن الحـوم
وشهب الذيابة تسحبه فـي مداحلهـا


===============
===============




كما يتميز بثقافة عالية مع أنه رجل أمي لايقرأ ولا يكتب متأثراً بالمجالس التي يراودها من مثقفين وشعراء وأمراء موظفاً كل ما يسمعه ويراه في قصيدة جميلة :

يالله ياللي كــل شي بقـدرته **** يابا العطايا اللي جــزال وهايبه
ياباعث خـلقه نهـــار القيامه ****وكل عــن أعماله وفعله تحاسبه
ياوامر صرصر على قـوم صـالح **** ثمان ليال مــــذريات هبايبه
يامفنيٍ شــداد ماطــب جنته **** ومـرت عليه الرمل تبني كثايبه
يا مخرج ذا النون مـن بطن حوته **** ودونه غزير الموج تصفق جوانبه
يا منجي يوسف من الذيب والجب **** وعقب البطا لبوه يعقـوب جايبه
يا معــرقٍ فرعون وعصاة قومه **** ويا منجي موسى ومخـلص نشايبه

فعندما نتأمل هذه الأبيات نعتقد بأن قائلها قد تدرج في مقاعد الدراسة أو أنه ذو إطلاع كبير على أمهات الكتب .

كما أن له إطلاع في مجال السياسة ويتتبع أخبارها وقد ظهر ذلك في أقوال عدة :
كل ما راحت لديار يباريها السعد **** في دير(بيقن )(وديان ) زان لها الهدد(1)
وقوله :
يوم ٍشعب الخميني صابه إللي صايب شعب عاد
لعبت به العالم اللي تدخل الشيطان بأعمالها
زمايل إبليس فوق الأرض تسعى في خراب وفساد
من المدينة إلى مكة تشيل عكـوس دجالها
الفرس ماتدري إن قدامها ندر حرار الحماد
برق الحباري تصيد أطيارها قدام جفالها

كما أنه يوظف الألفاظ الحديثة والمصطلحات العلمية في كثير من قصائده :

و في قوله :
والأف والميراج والبنج والميق ****سلطان متفوق على اللي صنعها(3)

وكذلك :
الله يسدد خطاه الله يســددها **** والله يعينه على هـدام بغدادي
يعطيه ضربة جزاء قدام موعدها **** كله على شانه اللي بالخطا بادي


يتميزالدرم بشخصيته القوية ولا يأبه من أحد فقد كان له العديد من المحاورات الشعرية مع الكثير من الشعراء الذين تبارى معهم وجاراهم ،فهو شاعر لا يعترض على أحد ولا يخطي ولكنه لا يتوانا عمن تعرض له بشعر

وأنا على شنة الغارة غليل الضمير **** أبيع في ساحة الميدان وأشـري بها
يقودني يم راع الزود سلك الحرير**** وأهل المواجيب ما اقصر في مواجيبها
واللي يهاب الخطر لعل عمره قصير ****يلبس ثياب النسا اللي تصـلي بها

وكذلك في قوله :

والله إني من ورا حقي ودونه **** والمعاير والقشر ما فيه قلة


فقد كان يخافه الكثير من الشعراء ولا ينازلونه في ميدان القلطة خوفاً من لسانه اللاذع وأبياته المفحمة.


======================
======================

قيلت هذه القصيده عام 1406هــ في حفل الجنادرية في عهد خادم الحرمين الشريفين الملك فهد بن عبدالعزيز رحمه الله وتحمل هذه القصيدة روعه السبك والصور الشعرية الجميل والرائعة مثل وصف السحاب ووصف السيل مما يجعلك تحلق بالفكر عاليا وتعيش اجواء جميلة مع الوصف كأنه حقيقة ماثلة أمامك .


يا لله يا لله يا منشي المزون اللي مطرها حقوق =
في ليلة ينعش المسنين زلزال الرعد والبروق =
من باب جده إلى ساحل عمان أرقاب مزنه تسوق =
من حد الأردن إلى حد اليمن ما في خياله افتوق =
جعله على الدولة اللي عند أهلها ما تضيع الحقوق =
حكامها نسل أخو نورة ذراء الخايف مخلا الطروق =
اللي مشى بالسرايا مر حدر وبعض الأمرار فوق =
خلا القبايل هبايبها تصافق لين راحت رفوق =
ولا عود إلا عقب ما كتف الخاين وجاب السروق =
واليوم في عهد أبو فيصل فاعل فعلٍ يسر ويشوق =
الجسر جابه من البحرين مر به الحسا والفروق =
والجود لخوانه اللي للضعوف مفتحين البنوق =
خلو وساع الصحاري للنخيل مشكلات العذوق =
والعلم من راس عبدالله إليا يبست وساع الحلوق =
ورد لها نوع ترنيدو وهوك وكل مسبق سبوق =
وارفع سلامي لبدر اللي بنى لتراث الأجداد سوق =
وبرجع سبب اقلاله من قصائد المدح إلى أنه لم يتخذ الشعر كوسيلة للترزق إضافة إلى أنه لا يمدح إلا من يستحق المدح وهم قلة في نظر شاعرنا رحمة الله تعالى فقد قال هذه القصيد في أمير بلدة عروى ألأمير جهجـاه بن نـايف أبن حمـيد


سـلام ياجهجاه ولـد ابن جهجاه
.......................والجد ابن هنـدي وتركي وسـلطان
حرٍ يحوش الطيب من طيب يمـناه
.......................وقفو الـه الـكرزان سـاطين الأيمان
وافي الخصايل يمدحـه كل من جـاه
.......................لااهـوب دجـــال ولا هـوب خـــــوان
ماجابت الخفرات مثل وشرواه
.....................على النقى مادق به عرق قمــــــلان
يوم أمدحه مانيب أبي من عطايـاه
......................ولانيب جيعــان ولانيـــب ظمــيـــان
واقـول ياطيب الرياجـيل طيـباه
....................مرذين عوص الجيش من بين الأكوان


====================


قصيدة في مدح صاحب السمو الملكي ولي العهد ووزير الدفاع والطيران سلطان بن عبد العزيز ال سعود حفظه.


عزالله ان سـلطان سـلطان سـلطان
.. اللي على المخـطي يسوق المغيره

قائد اسطول الحرب في كل ميدان
.. معمــي مـفتحت الـعيون البــصيره

حـرٍ عليه اوصـاف جـده غــــزالان
.. على النقى ما صار في الطيب غيره

ينقل على متنه نـجومٍ وتـيجان
.. ورمــاح ورهــاف السـيوف الشـقيره

مهوب يمشي على غير بـرهان
.. دون الخـطر مــهوب رجــله قـصيــره

في مجلسٍ مغير احاديث واقران
.. ومــبشـــر بالـــعـز واللـه بشـــيره

يفرح به اللي حده الوقت فقران
.. يــاكثر مـا يعــطي ويـا كثر خيره

هداج تيماء يارده كل ضميان
.. مروي الكبود السود صافي غديره

من كثر خيره لاعنن كل شيطان
.. ومــوســعٍ كل الـدروب الصـــغيره

ما هوب لا حاسد ولا هوب منان
.. الخـــير منـــه وفيه خيرٍ وخيــــره

ومن طيب حظه يتبعه كل ديان
.. وصيته ظهر في كل دولـه وديره

وصلاة ربي كل ما هل ودان
.. على الرسـول اللي ينومس مسـيره




======================
======================


معاناته من مرض الغرغرينه الذي اصاب رجله في أواخر حياته فجادت قريحته بهذه الأبيات:
يارجـلـي الـلــي صـابـهـا غرغـريـنـه
.............................بالصـبـر اعالـجـهـا وعـيــت تطـيـبـي

راحـت ادقاقـه عقـب ماهـي متيـنـه
...............................وعقب الشباب الزيـن ياكثـر شيبـي

الشـيـب اعـرفـه والـعـرب عارفـيـنـه
..................................ومن عقـب التسعيـن مالـه طبيبـي

ياقـلـب يالـلـي يـبـس مــوزه وتيـنـه
....................................عقب المطر والسيل يبست قليبـي

مـن يــوم خلـيـت الشـفـا والمديـنـه
...............................ونايـف مسـهـل كــل دربــاً صعيـبـي

الـلـي حـمـى ملـكـه وربـعـه وديـنـه
............................الطيـب فيـه ومـاخـذن كــل طيـبـي

كـــل الـمــلا ومـلـوكـهـم عـارفـيـنـه
.............................ومــع الـرجـال مطـوعـيـن الحـريـبـي

يـاكـثــر مــالـــن يـدفـعـنــه يـديــنــه
...........................والله يـقـود لــه الـرجــاء والنصـيـبـي

جـــده وبـــوه وخــالــه مشجـعـيـنـه
.............................حـطـوه شـمـس نـورهــا ماتغـيـبـي

وليـا شـرع فـي الهـرج يختـار زيـنـه
.............................واحلى من السكر وصافي الحليبي

======================
======================

 


ومن قصائدة القديمة جداً هذه القصيدة الأكثر من رائعة :-
يا صرم قلبي من الفرقا وطول الهجر صرماه

......................................كما تصرم نبانيب الهشيم البالياتي

في وادي ماخذ تسعين عام السيل ما جاه

......................................على جنابه كثيب الرمل كن مزعلاتي

ولا والله اللي تهشم حجر عيني وانتثر ماه

...............................من كثر ما ابكي على راع الثمان المرهفاتي

لا جيت فالشارع اللي يدهله خلي وياطاه

....................................يا كثر لثة قدم رجلي ويا كثر التفاتي

مغير اسوق القدم ولا يطاوعني بممشاه

....................................كنه يجر الحديد اللي حلاقه مبهماتي

الحب يخلف سليم العقل الين يضيع ارياه

...................................يجلب عليه الروابع لين يعذر فالحياتي

والله ما لي جدا إلا كل ما قمت اتمناه

................................واقنب قنيب اشهب الذرعان فيام الاشاتي

خليتني يا وزين الروح مثل مقيط ورشاه

.....................................تقطعت بي حبال الوارده والصادراتي

واصبر على شري الخافي واغط العلم وأكناه

..................................من قل ما في يدي والناس تفرح بالشماتي

والله ما خبر الرفيق اللي يعرف الحال ونصاه

....................................الا أبو سلطان عاداته يحوش الطايلاتي

واشكي على اللي يحوش المدح والطول بيمناه

.....................................ولد سعود الكبير اللي يطوع كل عاتي

ولمعرفه بعض كلمات القصيده حيث تتضمن كلمات شعبيه قديمة

الصرم === القطع
كما تصرم نبانيب الهشيم البالياتي ===النبانيب بقايا الاعشاب بعد الجفاف
الهشيم === النبات بعد مايكون جف وتبعثر في الارض
البالياتي === الشي البالي القديم مامنه فايده

ومعنى البيت

ان قلبه تقطع بعد فراق محبوبته مثل النبات الجاف يقطع ويصرم ويصبح هشيم بالي

مزعلاتي === كثبان رمليه شرق مدينه الرياض وتسمى مزعله



يا كثر لثة قدم رجلي ويا كثر التفاتي === في شطر هذا البيت روعه المعنى وسوف اذكر لكم السبب

الكثير يمر على هذا البيت مرور عابر ويفهم البيت ان الشاعر يمر على شارع محبوبته فقط والنظر لشارع هنا الوضع عادي وطبيعي وغير مستغرب
ولكن

ياكثر لثه قدم رجلي == هنا المعنى الحقيقي للبيت وروعه البيت وهو الثه هو ان الشخص يكون سائر في طريقه ولكن القدم لا شعوريا تريد الانحراف نحو شارع المحبوب بدون سيطره الشخص على القدم

وهو يريد المسير ولكن القدم لا تطاوعه في المسير كن في قدم رجله حلق حديد مربط من الثقل الي في قدمه

هنا يكمل جمال البيت والمعنى الحقيقي له وقد شهد على هذا البيت الكثير من الشعار على انه من اروع ماقيل ..


واقنب قنيب اشهب الذرعان فيام الاشاتي اشهب الذرعان = الذئب والمعروف لدى الجميع يسمى صوت عوى وعندما يعوي الذئب يسمى كذلك يقنب الذئب يعني يعوي من الجوع او نداء لجماعته

الاشاتي === فصل الشتاء

مقيط ورشاه === مقيط اسم رجل
الرشاء === الحبل

وهنا بصوته


=================

ومن شعره :




ياعيـن هلـي دموعـك ياشقـاويـه
........................وابكي على جـادل بالحـب عنانـي

تعبري كـل صبـح وكـل عصريـه
.........................لين الفلك يستديـر وينقضـي شانـي

حيل الله اقوى تكسـر عبرتـي فيـه
............................والوصل مقطوع والموت الحمر جاني

ياوجد روحي على المرواح والجيـة
...............................واخاف من واحـد بالهـرج يقفانـي

ميـلاف والقلـب تشعـاه السنافـيـة
..........................شعية قطيع شعوهن ركـب كرزانـي

اقفو عليهـن باهـل تسعيـن منقيـة
......................مع مربع(ن) ما يجيه الذيـب سرحانـي

تقاسمـوا جلهـن حمـايـة الهـيـة
.........................ومفـرق ولفهـن تركـي وسلطانـي

على هنوف لها فـي البيـض ماريـة
..........................ماوقفـت تلتفـت لفـلان وافـلانـي

ياعيـن شيهانـة ماهيـب وكـريـة
............................اومى لها بالعشا رجـال ابـن ثانـي

العنق عنق الغـزال الحـذر وادميـة
.............................اقفت مع الصبح يم هضـاب بسيانـي


===============================
في فجر يوم الاثنين بتاريخ14/8/1428هـ في مستشفى الامير سلمان توفي الشاعر محمد بن سليمان المحسن الملقب (بالدرم) رحمه الله


جادت قريحة العضو ( الصييفي ) الدكتور خالد بن مسعود مدير الأقسام الأدبية بمنتديات بني زيد بهذه القصيدة الرثائية في المرحوم محمد بن سليمان المحسن ( الدرم ) :-

لا و الله الا مـات شيـخ القوافـي
...............................اللي يصخِّر ناهي القـاف تصخيـر

من عام قالوا "الدرم" صار متشافـي
.....................................و اثـر العلـوم الثابتـه بالتقاريـر

يوم البشر لا وقـف مالـه سعافـي
...................................و لو كثّروا له بالـدوا و المشاويـر

و الى تشاوى ثـم صـار متعافـي
.....................................ينسى نصايح دختـره و المحاذيـر

و ان وقف يومه راح للقبـر حافـي
...................................و لا مِعِه غير اعمِلِه، شرّ او خيـر

يبو سليمان انـت بالشِّعـر وافـي
................................و عسى نصيبك وافي(ن) بالمقاديـر

ربـك يغفـر ثقالهـا و الخفـافـي
...................................و رحمته عمت كل خلقه مع الطيـر

عساك في يمناك تعطـى الصحافـي
.............................وفي جنة الفردوس لك منزل(ن) غير


وفيما يلي مقطع صوتي لقصة وقصيدة لشاعرنا رحمه الله

[rams]http://www.dwaihi.com/ram1/1shrhan26.ram[/rams]





المصادر:
- ما تم استقاءه من كبار السن وبعض الشعراء في المحافظة.
- جريدة الرياض.
- منتديات سبلاش
- ابن الشاعر.

_______
مواضيع مشابهة أو ذات علاقة بالموضوع :