سؤال السكبه.. ( من قصص المنتدى السابق)

---

بسم الله الرحمن الرحيم
الحمد لله والصلاة والسلام على رسول الله
******
( اصــــــــول النكبــــــــه ... و ســـؤال السكبـــــه )!
كاد ابو فيصل ان ينكب العفش ويخليه .. قش صل.... عند سؤاله لي !

ابا فيصل ! .. تحياتي لك وللأخوان ..
واظنك طلبت الرقم الخطأ باستفتاء من لآعلم عنده..
ما شأ ني انا .. بأختيار( ذوات المريفق)(45) للجيوب ؟
ومع ان هناك فرضيات افترضها محدثكم من ربع قرن في مجلة الجامعة،
تقول (أن الحريم تحب الرجل على شان جيوبه .. وتكرهه على شأن جيوبه!
كيف ؟! انا اقول لكم ..
تحب جيوبه للفلوس اللي فيها .. وهذا شيء طبيعي ..
ويمونن على قلوبنا .. فما بالك ..ب ..
جيوب فاضيه الا من بقايا كلينكس ..
ومفتاح هايلوكس ( ونيت )
ومفتاح بيت ينتهي مفعوله الساعه11:00 مساء!
حيث المزلاج .. وسوء المزاج !

اما كيف تكرهه على شأن جيوبه ..
نعم ..
متى ما تعطلت جيوبه الأنفيه وما عادت تعمل بشكل صحيح ..
وبدأ يشخر,..
انتهى زمن .. الود وصار بدل ما تحس انك تغرد ..
تصير للطير تشرررد!

والسيارات الجيوب ..
مثل الجيوب اللي فيها الفلوس !!


عموما .. هاك جوابك في هاتين البيتين ..
وفقك الله .. ولا تعد..
عندك بعض الناس الشامتين..
ولا يفتى ومالك في المدينة
ولا والشراع فوق السفينه!

يقـول ابـو فيصـل : ورى الجيـب مـرغـوب ؟عـنـد الحـريـم الـلــي تـســوق السيـايـيـر!

وش هـالـسـؤال الـلــي مــوجّــه ومـصـبــوباحـراج لــي وانــا ارتـجـي مـنـك تقـديـر!

لاشــك احــاول لــو جـوابـي .. لـمـنـدوبحضـرة جنابـك .. يسـعـدن دون تفكـيـر

أظــن.. لأجــل انــه ، جـيـوب مــن جـيـوبتـشـريــه ، وتـسـوقــه جـمـيــع الـغـنـاديـر

ايـضـا عـلـى شـانـه .. رفـيـع (ن) ومهـيـوبالـنــاس تـحـتـه بـالـكـورولات .. تحـقـيـر

من صوب ، خزّ عيـون .. وتسـوق مـن صـوبوالله فـــــلا اظــنـــه تــوفـــرك تــوفــيــر

والـلــون الأســـود عـنـدهـن دوم مـطـلــوبيـعـنـي سـتــر .. مـثــل عــبــاة المـسـاتـيـر

الله .. يابـو فيـصـل .. انــا شـفـت رعـبـوبيـسـوق لــه جـيـب ( تمـاتـيـك ) بالـقـيـر

يستاهـلـه ، مـانـي حـسـود(ن) لـــه بـنــوبلا شـك مــا ودي ..عـلـى الـقـار .. ويطـيـر

ودي يـــهـــدّي ويـتـمـخــطــر ، ويـــــــادوبعشريـن كيلـو .. فوقهـن شخـط.. لا غيـر

عـنـد الأشــاره .. وقّـفــت تـقــل مـصـلـوبوانـــا تـعـطـل مــوتــري واوقــــف الـسـيــر

قالت لي : وش في تايرك؟ قلـت معطـوب!من شـاف زولـك .. بـارك(ن) كنـه بعيـر

قـالــت تـجــاري ..يــاولــد قــلــت دنــلــوباصـلــي ضـمـانـه ضـــد كـــل المـسـامـيـر

لا شـــك انـــا بالـحـيـل يـابـنـت مـغـلــوبسلة هدبـك .. تقـول سيـف .. ومـع اميـر

واظـن لـك رغبـه.. ب( لاعــب وملـعـوب )صـاب الـهـدب تـايـر.. ولا عــاد فــي خـيـر

قـالــت تــوقّــع ويــــن ؟ طــيّــرت ارنــــوبخلّيـتـهـا فـــي عـالــي الـجــو .. وتـطـيــر!

أعقب ! كلامـك ذا .. ملفّـق ، ومكـذوبيـا لـعـن ابــو تـايـرك .. صـنـع الخنـازيـر

شف لك كلام(ن) غير ذا .. وارفع الثوبانــزل وصـلّـح مـوتـرك .. وافـتـح الـسـيـر

مــن شـفـت جـرأتـهـا وانـــا تـقــل يـعـقـوبواظــنــه الـلــعّــاب .. والــظـــن تـقـصـيــر

هـا يـا بـو فيصـل .. قلـت هالـرد .. وآتـوبمـاعـاد اجـــاوب واشـتــرك مـــع عيـايـيـر

بـرّد علـى قلبـك .. وانــا اجـيـب مـشـروبحــق الشـبـاب الـلـي يسمّـونـه (اكـسـيـر)

ارجو الصفح ان مسست احد بسوء
ولكم خالص الود والتقدير

سليمان
24/5/1425هـ
6:43 مساء