صدر الشمالي

السلام عليكم ورحمة الله وبركاته اخوتي الكرام
بعض القصائد من تسمع منها بيتا
...
تبحث عنها
لماذا ؟
قد يكون انها صورة لموقف مررت به
او حالة لاحظتها
او تعاطف مع صاحب تلك الحالة

اليكم صيد هذا اليوم ...

يقولون العرب صدر الشمالـي .. مايضيـق بسـاع
  وانا اقـول الصـدور اليـوم .. ماعـادت شماليـه                               
بدت في داخلـي ضيقـه عجـزت القالهـا مطـلاع
  تغيب . وترجع .. وترجع تغيـب ... ومالهـا نيـه                               
عمتني كلمة ٍ جتني . وضقت .. وضاق صدر القـاع
   الا يالله لاتـجـزى غشـيـم ٍ .. قالـهـا فـيّــه                                   
لا هو صفـاع .. ياربـي .. ولاهـو للعـرب نفـاع
  بلانـي وابتلـى حالـه ... وبعـض النـاس مبليـه                               
نهيته قبـل هالمـره .. يخلـي سيرتـي .. ماطـاع
  الا يالعنبـو جــد القصـيـد .. ولعن أبـو بـيّـه                                   
ضعيف النفس ( نسونجي ) يشوف بعينـه الاطبـاع
  يحسبنـي مثـل ربعـه .... يسـوق بضاعتـه ليـه                                 
انا اشري .. لا بغيت اشري .. ولا ني مساوم البيـاع
  الـى مـن قال لـي ميـه .. عطيتـه فوقهـا مـيـه                                  
انا اكتب .. لأجل من يقرا .. ولا ارجي من يقول ابداع
   و ابـد لاتحسـب أن مثـلـك يشّكل لـي أهـميه                                   
ترى ياهيه .. لامني نويتك .. بـس اطـق اصبـاع
  يجينـي الـف شيطـان ... ووراهـم الـف جنيـه                                   
أجرك من طرف حرفك .. وارد الصاع مية صـاع
  جنون القاف ... ارقصها ... على راسك .. هجائيه                           
يا ويلـك لـو توليتـك .. وربـي .. مالـك الشفـاع
  يجيك من القصيد .. احسـب .. ثلاثميـه.. ثلاثميـه                        
ولكن .. خلك بحالك .. مادام ان الصـدور وسـاع
  تـرى للحيـن ماضاقـت وما زالت .. شمالـيـه                                        



للشاعر :
خلف المشعان