شذرات المروءة : رائعة الشاعر مريسي الحارثي رحمه الله

شذرات المروءة : رائعة الشاعر مريسي الحارثي رحمه الله يالله ياللي تعلم الغيب والجهر                       وأنت الحكيم اللي قويه حكايمه عونتك في الدنيا وعفوك فالآخرة                          يارب لاتكتب على العبد أثايمه ياللي رزقت الحوت في غبة البحر                    ورزقت الطيور اللي في العرش حايمه تسرح خماصا في معالي وكورها                          وتضوي بطانا طول الايام دايمه تحسن عواقبنا فالأمور كلها                               العمر قـفا مابقي الا رسايمه شفت الشباب اليوم مالت غصونه                      وشفنا حصاد الزرع بانت حطايمه وتذكرت ماقدمت فأول حياتي                        وكل ٍ تذكر ماعمل في قدايمه والحمدلله مامشينا بمعصيه                       وممنون دام أركان الأسلام قايمه ولاتعدينا على مال مسلم                             لانأكل أعراضه ولامن لحايمه وقطفنا ورود الحب بأول شبابنا                       وهوى البيض في قلبي رمتني سهايمه عاشرت بالمعروف مابحت سدهم                          وعلى من يبيح السد شرهه ولايمه عسى من يبيح بسد خله وصاحبه                                بهـزمة عدو ٍ ماتداوى هزايمه يوسّع أطعونه بين الاضلاع بعدما                           يقف في مكان ٍ ماتقله قوايمه مشينا مع العشاق مده قليله                        وطوينا مشاريع الهوى مع نظايمه وان شفت راع الزين يطفح له النظر                            والقلب بالتقوى قويه عزايمه وعسى الله يهدينا لدينه وطاعته                      ومن لايطيع الـّرب كبرت جرايمه دروب المراجل كلها ما غويتها                    وعنها رديء الحظ تكثر صدايمه ومن كان يزعم بالخطأ رده القدا                         يرد راعي المخطية عن زعايمه ان جاني اللي يطلب الحق مني                          أعطيه حقه قبل تكثرخصايمه ولياطلبت أخذ من الحق قيمه                        وأعرض عن الباطل ونترك زحايمه من أدعى بالصدق والحق يظهره                                ويعينه الله والتزم في لزايمه ومن أدعى بالزور باطل ومظلمه                           عزي لراعي المظلمة من ظلايمه   يزهوي له الشيطان والزور والطمع                           ويردونه عيال النساء عن وهايمه فمن شاور الأجواد قلت ندامته                           ومن شاور الرديان كثرت ندايمه من حل في وادي الجرب صابه الجرب                           ومن حل وادي السقـْم بانت سقايمه ومن عاشر الرديان متهوم بالردى                              سقط من الهيبه وهانت كرايمه يجيب الحكايا ثـم زادوه مثلها                                  ودى نمايمهم وشالوا نمايمه تقفوا عيوب الناس و نسيوا عيوبهم                         وخسران من حط النميمه همايمه ونشرت المعاني لين طالت حبالها                          وطويتها طي السجل من رقايمه راع الشفاء يرغب على منزل الشفاء                           وراعي تهامه رغبته في تهايمه أنا أدور الطـّيب ونشريه بالغلاء                   والدرن ترخص قيمته عند سايمه ونمشي مع أهل الميز والعــرف والفكر                        وراع الشهامه نستفيد بشهايمه وليا سمعنا سالفه عند عارفه                      المرء يأخذ من جليسه بلايمه وكم من عريب الخال يضرب به المثل                            عند اللوازم ماتراخى حزايمه وثني ثنية العرجون وأحتار وانثلم                        وعسر الليالي ماتداوي ثلايمه واللي يلومه من على الحق ينثني                          على حد مرهونٍ قويه صرايمه وكم من رديء عاش في فضل غيره                       أيقظ عيونه بعد ما كان نايمه حصين يلعب في فرايس نموره                     وهي ماهي من صيده ولامن غنايمه شرحت المعاني للقلوب الفهيمه                   وأنا أطيب كلامي يوم أقوله ختايمه ختامها مني صلاة على النبي                          صلاة عدد مايبرق البرق دايمه نقلها لكم : سليمان

.