موسوعة الألغاز

1
انشدك عن شايب (ن)  بالمال مفتون .... ما ذكر يوم (ن) تهنى في شرابه
دايم على شطة المسكين مشحون .... يمشي على سكة ولا اسرع من خرابه

الجواب
/ القلم




2



انشدك عن بيت قديم نزلناه .... شغل الولي اللي لنا مسويه
ما شفت مثل صنعته ومبناه .... ماأحد يقدر على صنع مثله لو تعب فيه


الجواب / رحم الام




3



انشدك عن عذراء ضروسها في قفاها .... ما هيب تخجل من كثير اعيوبها
مصلحتها ضاهرة من وراها .... صاحبها معها ودارس ما جوبها



الجواب / حراثة الفلاح



4



انشدك عن ربع ثلاثين عدهم .... حدوني عن الماء وزرق لجم حايم
حدوني وحدو كل جملة قبيله .... حدوني وقويت على رد العزايم


الجواب / أيام شهر رمضان



5



انشدك عن عود كثير المضرة .... وكل شكا مضرته من هباله
ماحد سقم بلاه لله دره .... واللي سقم ببلاه يلقاء نكاله



الجواب / مرزام البيت



6



في هالزمن بنشدك عن حاكم جار .... ومضى حكمه بليا شريعه
وانثاه في يمناه مرت على النار .... والى ومرها في المظالم تطيعه



الجواب / النجار



7



انا انشدك يا رجال عن بنت غناويه .... يصبحها غناها وفقرها بالليل يمسيها




الجواب / مبايعة الدواب في الليل لا توجد فيها حيوانات ونهاراً تمتلأ



8



انشدك عن بنت لها رجل هذور .... في شورها ماهوب يخلف رايها



الجواب / البطارية والراديو



9



انا بنشدك من عذراء مع رجالها مطواع .... تساعد على ما راد ولو بالنار يرميها



الجواب / الملعقة



10



انشدك عن بنت تمشي بلا رجلين .... ما تعرفون طولها من عرضها
تحسون بها في كل وقت وكل حين .... تدرون بها لكن ما تشوفونها



الجواب / الرياح



11



انشدك عن رجل ما يظهر كماه .... غالي رخيص وفيه زين وفيه شين
يفرح به الطرقي الى سوا غداه .... يقلطونه باليسار وباليمين



الجواب / الماء



12



انشدك عن طير يطير ولا يطير .... ماله جناح لا يمين ولا شمال
ما هو يوفر لا صغير ولا كبير .... والى حكم تخضع له ارقاب الرجال


الجواب / النوم



13



انشدك عن طير ولا فيه جنحان .... اسرع من البرق المذكر مسيره
في ساعة يوصلك لندن .... وعمان وفي لحظة ياصل جميع الجزيره



الجواب / الهاجس



14



انشدك ما ساير بالاراضي يسير .... ما هو بلا يشرب ولا يذوق الطعام
تراه موجود بالاراضي كثير .... حلوا كلامي يا هل العرف التمام



الجواب / ظل الجسم



15



انشدك وش خمسة رجال مكتفين .... تشيلهم عذرا وفوق امتانها
اثنين منهم من يسار ومن يمين .... واما ثلاثه فاتحة حنكانها




الجواب / اصابع اليد



16



انشدك عن رجال مايقدر يقوم .... عليه طاقية ولا يمشي بها
الناس تمشي به على سلم السلوم .... لا ياخذ العازه ولا يلفى بها




الجواب / عود الكبريت



17



ياويش عذراء فالنواظر جت بعيد .... والى ظهرتوا في الخلا تمشي بها
الناس بادت وذي عيت لا تبيد .... عذراء عقيم ما يدرج صيبها



الجواب / الشمس



18



انشدك عن بنت في حبس جميع .... في غرفة نوره وهن معذبات
غرفة ضيقة ما لها سقف رفيع .... الدار ضيق والبنات مطيعات



الجواب / النعلين



19



انشدك عن بنتين في قصرجميع .... متساعدات في العمل بر واخلاص



الجواب / العينين



20



انا بنشدك ما عقرب ولكن خرزها سود .... تشاف ابنصف الليل الاول والا نصفه التالي


الجواب / عقارب الساعة


21



انشدك عن رجال راسه فيه نار .... قوايمه ثلاث لكن ما يسير
تراهن اشكاله مع العالم كثار .... اللي يحل اللغز رجال يصير



الجواب / الدافور



22



انشدك عن شيء تكاشح بروقه .... يوضي على ناس وظلماء على ناس
من غير روح وفيه نار تسوقه .... مكلبشينه يمشي بكفيه حراس




الجواب / الكهرباء




23



انشدك عن شيء بعينك حقيري .... محقور في عينك وباسه قويا
تراه في بيت الغنى الفقيرى .... ما يومن شره ولو هو شويا

الجواب / النار



24



انشدك عن رجل له بطن كبير .... بطنه كبير واربعه اركونها
وانثاه فوقه راكبه عيت تسير .... واللي يقسرها يجيب ابيونها



الجواب / المسجد والمنارة



25



انشدك عن خود معشوقه .... حسينة الخلق ما اشنعها
دايم الافراح مر فوقه .... والحزن دايم يجي معها

الجواب / الدنيا



26



ويش رجل مخشور للحي وللميت .... حتى الجماد اخذ من الرجل قسمه
وهو تفرق ما احكره كان عديت .... محد نظر زوله ولا شيف جسمه



الجواب / الاسم



27



اسايل أهل الفكر واسال بداعين الانشاد .... اللي تصرف معانيها كما صرف الريالي
عن بنت تحبل وتنفس كل يوم بخمسة اولاد .... هذا عملها وتدرج مثل ادراج الليالي



الجواب / الصلاة



28



انشدك عن ذيدان لقاح بليا ظرايب ربعن نجد هو وبروره ........
........ وخلص زمل ضعاف وهن ما كددوهن سواني ولا مطراشي



الجواب / الجراد



29



انا بنشدك عن هجمات اناثي .... تفكر ما عرقت امها وابيها
على اللي عارفه ما هوب غادي .... ودحش الناش لو علم نسيها



الجواب / النجوم



30



انشدك عن عود له اربع رجلين .... وهو متحرول في مكانه ما يسير
يشال ويشيل وله اذنين .... وهو يا عمليلي يشبه للسرير



الجواب / الكرسي



31

أسالك عن شيء شبابه أسبوعين .... مع مثلها لينه معود وشايب







الجواب / الهلال




32
أنشدك عن انثى عذابه يجي كار .... في بطن رجال دوام ومقره
جذعه بحرو راسها يلتهب نار.... ياويلها بالليل مما يمره








الجواب / فتيلة الاتريك




33

انشدك عن ثوب فصلوه البواطير .... ثوب ولا كل العرب يلبسونه
ما يلبسه غير الرجال المناعير .... اللي إلى جت حاجته يحتمونه








الجواب / الدرع





34

أنشدك عن كاسي من اللبس عاري .... ماله ترى راس ورجل تشيله
ما بين بياع وما بين شاري .... نمونته بالسوق ما هي قليلة








الجواب / الثوب





35

يا ويش بنت لا بغى الله يزيله .... يطلع لها ورعان وتشيلها فوق
تقضي عن المسكان وتترك حصيله .... رزق من المولى هو بمسروق







الجواب / النملة





36

يا ويش رجال حديث الولادة .... أطرفه الاثنين ما بين بنتين
من قبل ما يجينا نشوف النكاده .... والطول بالكيلو يجي فوق عشرين







الجواب / جسر الملك فهد رحمه الله




37

ويش عذرا حطها ربي ذلول .... مير ما تفهم من الراكب كلام
باركه للحمل ما خبرت ملول .... أكلها منها ولا تبغى طعام
تنقل إلى راح للحج امحمول .... لين تدخل به مع باب السلام
وتنقله منذا وطيبة والرسول .... ألف صلى الله على سيد الأنام






الجواب / الطريق



38

أه واصدري من اللي فيه ضايق .... لغز لأهل العرف حبينا نذيعه
ويش دقاق بلحظات الدقايق .... من يحمله لازم إنه يطيعه
قسمه ربي على كل الخلايق .... بين مشفوع ويوجد في شفيعه
له مجارى والمجاري له علايق .... كل حي فيه ما يسخا يبيعه






الجواب / القلب



39

ويش خط ما مشى فيه القلم .... لا ولا ينقله فراش البريد
بين لأهل المعرفه كالعلم .... منه بعض الناس منا يستفيد
فيه شيء يدفعه ما ينحكم .... هو لنا طور ويفعل ما يريد
كل من يبغاه يأخذ له رقم .... من قريب الدار والا من بعيد






الجواب / الهاتف



40

يا ويش بنت ما تبين خفيه .... من بين جمع اخوان وام حنوني
اجماد ودعها الخبير وخويه .... وداعة وديعها ما يخوني






الجواب / عدسة العين ( العدسات اللاصقة )



41

أنشدك عن بنت كثير عيالها .... بنت بكر لا شك في بطنها أولاد
ترفع بعالي صوتها من قباله .... تسمع غناها من ورا دار بغداد
أيضا وهي تأخذ وتعطي سؤاله .... ولا لها روح ومع ذا فواد







الجواب / الساعة




42

انشدك عن بنتين متساوياتي .... شهر العسل مع زوجهن ما خذنه
أما يموت الزوج والا البناتي .... وان ماتن الثنتين ثنتين جنه








الجواب / بطارية الكشاف اليدوي




43

يا ويش رجل يمشي الليل كله .... جاه الضحى من ماقفه مامشى بوع
في صوح لوح ما يفارق محله .... تلقى جوابه بالقراطيس مطبوع





الجواب / عداد الكهرباء



44

انشدك عن رجال يجزاك بالخير .... وانته لا جل خيره جزيته بشرا
ماهي خسارة موتته يالمناعير .... جالهه سبب موته وهو حي برا





الجواب / الحطب



45

يا هل الألغاز حله لا يفوت .... من يفكر به ترا حله يسير
ويش نفس من هوا ربي تموت .... جل شان الله بالعالم خبير
من نفوس في معيشتهم سكوت .... والصغير يخاف من شر الكبير
ابكم ماله لسان بدون صوت .... بالفضاء مسكين ما يقدر ينير





الجواب / السمك



46

يا اهل المعرفة ويش رجال مفهوم .... الى تنفس ما تشاف الأهلة
يطل قبل أبوه في وقت معلوم .... وابوه بعد فوق راسه يشله
ابوه عود دايم الدوم ملزوم .... الى راح يرجع دايم في حله
ممدوح في عما ولا هوب مذموم .... في محكم التنزيل جبته ادلة







الجواب / الصبح



47

انشدك عن رجل مه البنت ممشاه .... نوب يريضها ونوب بها يسير
يسعى وراء زاد لها حين يلقاه .... يرسل عليه اللي لهن فيه تدبير
ملبوس بلون على البنت حلياه .... ونفع تبين منه يجزا بتحقير






الجواب / عامل البلديه



48

يا ويش عذرا ما بغت غير الاسلام .... له يرحلون من البلاد البعيدة
له ثوب لاكنه بلا جيب وكمام .... جديد لبسه بالليالي الجديدة
عذرا ترحب كل عام باثر عام .... والمقتدر يفعل على ما يريده
الحل يا فاهم لها عشرة أيام .... عسى لياليكم عليكم سعيدة





الجواب / الكعبة المشرفة



49

ويش المكان اللي عزيز مقامه .... اسمه بعيد وأنت ساكن بلاده
واجب علينا جيته واحترامه .... لاشك ربي ساير في مرامه
ثابت محله الى نهار القيامة .... مع ذا وكل له بهذا عباده
الله يرده للعرب بالسلامة .... من حقنا ناخذ علية السيادة





الجواب / المسجد الاقصى



50

انشدك عن عود عظيمة فعوله .... الزاد في بطنه ولا له نظر فيه
ما اكثر اخوانه مير ماهمب حوله .... تقصر خطاهم ما تباري خطامه





الجواب / القدر الكاتم



51

يا ويش رجال يسوا تلاقيط .... حراوي الاثنين قاموا بشغله
له موقع عالي ومن تربيط .... حب ومودة بينات بشكله





الجواب / عش الطير




52

يا ويش بنت عايشة بالمذلة .... ان حدرت وان سندت حقها الطيب
البنت دايم من بغاها تدله .... وان لحفت وان عريت ما بها عيب





الجواب / درج البيت



53

بنشدك عن عود على الضد جبار .... مير رمضان يصير فيه اختلافي
من عادته لا جاع ياكل من النار .... ومن غيوب الشمس ما جاه كافي
يدخل مهمات الحوادث والأخطار .... يفعل وساعتنا علينا عوافي
حله بسيط ولا يبي كثرة افكار .... تراه لأهل العرف ماهو خافي





الجواب / المدفع


54

ياويش رجل يسهر الليل كله .... الليل عنده والنهار متساوي
رجل سكن في دولة مستقلة .... فكر بحله يا بعيد الهقاوي





الجواب / القلب



55

حالم حلم ولاكل الرجال يعبرونه .... يا فهيمين القلوب ويا مفسرات الحلامي
وش رجل له ثلاثة روس شالنه متونه .... كل راس من الثلاثة نابتن له عشر اذاني





الجواب / الشهر



56

يا ويش رجال يجي ناس من ناس .... في كل عام نشاهده بالصحيفة
لا جاء ضعيف العلم يبلش ويحتاس .... والا القوي يعطيه علم بكيفه





الجواب / الاختبار



57

انشدك عن ديرة بيبانها دايم مغاليق .... والا انفتح بابها ما عاد تلقى من يصكه





الجواب / البطيخة




58

انا بانشدك يا مهول .... عن شيء منه تهتالي
قصير المقدم الأول .... طويل الموخر التالي






الجواب / الجربوع



59

انشدك عن رجال للحمل شيال .... يحكم الى قفا ونمشي بطوعه
والى توجه يمنا طيب الفال .... ينفك حكمه ثم تفرق ربوعه






الجواب / الامام في الصلاة


60

يا ويش بنت باسمها يوم تنسب .... لأهل الكرم والجود واهل الشجاعة
كل العرب ما تبيعها لو تكسب .... لو يدفع المليار في كل ساعة
من دونها يرخص غلاء الدم لوصب .... وارجالها كل مجهز دفاعه





الجواب / الجزيرة العربية