حظك مع الأبراج !

بسم الله الرحمن الرحيم

لازم مقدمة شويتين !
احبتي ..
السلام عليكم ورحمة الله

مع التغير في اسلوب حياتي هاليومين ..
وبعد ما وصلت العييل للمدارس .. الساعه ما بعد جت 7:00 am !
وش الحل يا رجل ؟!

قلت ما هنا الا اني اروح على هاك النفود وآخذ لي غفوه قبل تشتد الشمس ..
لعلي اجد ..( وهذي مستحيلة طبعا )
او
احلم براعي النفود

قبل لا يقطع علينا الحلم راعي النفوذ (5)

وعندما هممت ان انزل من السياره ..
لقيت مجله شاريها احد العيال البارحه ونسيها معي ..

قلت اقلبها واتفرج واقرأ

ووقع نظري على صفحة الأبراج ( اعزكم الله ) ..

فقلت هالبيتين تصور لكم اثر ذلك عليّ ..

الـيـوم فـــي عـطـلـة عـمــلواجلـس عـلـى رمــل النـفـود

أقـــــرأ مـجــلــة بـالـعــجــلمتصـفـح (ن) كــل البـنـود

ودّي انـــام ، مـــن الـكـسـلواستمتع ب ( غفـوة شـرود)

لـقـيـت صـفـحـات الــدجــلابــــراج ووعــــود وعــهـــود

بـرج الدلـو ، بــرج السـطـلوالـثــور والــحــوت وفــهــود

حظك قرب ، حظك وصـلوالـحــظ مــربــوط بـقـيــود

الــبــرج وشــــو يــــا رجــــلقـل لـي متـى وقـت الـوجـود

فـكّـرت ، مـالــي أي دخـــللكـن ابــا أغـيـظ الحـسـود

وين الكتب ؟ وين السجـل؟تـعـال شــوف بـكــل بـــرود

مـولــود فـــي بـــرج الأمـــلعـنـدي أمــل مـالـه حـــدود

عــنــدي أمــــل ان الـعــمــلبالـجـد وأخـــلاص وصـمــود

يغنيـك عـن مسكـة حبـلأوهــــام مــابـــه أي ّ فـــــود

مسكيـن ( نـايـم )بالعـسـلويـقـلّــد أفــعـــال الــقـــرود

ان قــال لــه : بــرج الحـمـليفرحـك ، وايامـك سـعـود

قال : الحمل .. برجي كملأرجوك عطنـي .. هـات زود

أقــــول: ايـمــانــك ذبـــــلولـخـالـقـك .. لازم تــعــود

يحتـاج اضــرب لــك مـثـل؟( البـرج مـا طـقّـك بـعـود)

الــبــرج مـثـلــك يـحـتـمـلانـــه يـعـانـي مـــن جــمــود

امــــــا طـــلـــع والا نـــــــزلعـابــد ولا هـــوب امـعـبــود

سبـحـان مــن خـــط الأجـــلوحـنـا عـلـى خلـقـه شـهــود

صـلـوا عـلـى خـيــر الـرســلاعــداد رمـــل(ن) بالـنـفـود

]طبعا لا حظتوا (عداد رمل بالنفود .. )

البيئة تحكم الوضع احيانا
والنفود عندي على مد النظر



آمل ان التقيكم على ضفاف النفود


تحياتي لكم جميعا

سليمان

21 / شعبان / 1425