طرق العناية بكبار السن

بسم الله الرحمن الرحيم

بالنسبه للجروح :

اهم نقطه  اضيفها على الموضوع :

كبار السن بشراتهم تكون حساسه جدا فاستغرب من اللي يستخدمون لهم ديتول لانها تحسس
لهم بشرتهم جدا ..

انا اقول لك عن افضل معقم "مضاد حيوي" و خصوصا للجروح و خصوصا جروح السرير ,
وعن تجربه كل شئ جربناه لوالدي  : كريمات و معقمات من الدكتور وما تفيد , عشان كذا :تعرفي المر   من العطار ودقيه ونقعوه في ماء دافىء لمدة نص ساعه وعلى طول استخدموه و مسحو له بشاش و يفضل يكون الشاش معقم "و ليس قطن لان القطن يلصق بالجرح 
و راح تلاحظون نتيجه المر من اليوم الثاني انه الجرح التأم ..

عموما اي شئ يتنقع في مويه لايزيد عن 3 ايام بعدها ارميه واعملي جديد ..
وهكذا

بالنسبه للدواء :

والدي رحمه الله كان فاقد الوعي تقريبا فكان لا يستطيع البلع بسهوله  ;
فبالنسبه للادويه مثل ما ذكرت وحده من الاخوات جزاها الله خير انو لازم من الهاون الخشب عشان طحن الحبوب "الادويه" عشان تصير مثل البودره ثم توضع في فنجان و تضاف لها القليل من الماء حتى تذوب ثم يسحب هذا المذاب بواسطة السرنجه ثم توضع في فم المريض  ; ثم يسحب كميه كافيه من الماء بواسطة السرنجه لانه لازم ماء مع الدواء يكون تقريبا بمقدار كاسه ..

بالنسبه للاكل :

ايضا كان بواسطة السرنجه و يكون الاكل سائل او مطحون بالخلاط ..

قبل اي شئ افضل انه يعطى " ملعقة اكل عسل + ماء " مقروئ عليهم على الريق ..

مثلا :
الفطور : عصيده بالدقيق الاسمر بعد ما تطفي عنها اضيفي لها
ملعقه زيت زيتون "نادك عضوي"+ ملعقة عسل "لانجنيز عسل الغابه السوداء "..
الغداء : أرز اسمر و لكن لازم يطحن بالخلاط ويصير شكله مثل العصيده ..
العشاء : شوربه "عدس او بطاطس او خضار وطبعا تطحن بالخلاط تصبح سائله"    ;
بعد ما تطفي عنها اضيفي لها ملعقه زيت زيتون ..

بالنسبه للماء و العصيرات :

لازم يشرب 8 كاسات في اليوم لا اكثر من كذا و و زعيها بالساعات ..

و تقدري مثلا تستبدلي كاسة الماء : 1- بانك تضيفي له عصيرات طازجه و احسن شئ عصير التفاح لانه يبرد المعده
"انتي اعمليه له" , مثلا اجعليه له في الليل .. 2- ولا تنسو على شانهم ما يتحركون فطبيعي الغازات عندهم تتعبهم اعملو لهم "يانسون او شمر " و ليس كل يوم   اغلي مويه و طفي عنها بعدين ظيفيلها ملعقه "يانسون او شمر" و غطي عليها لمدة ربع ساعه ثم صفيها و خليه يشربها  ;   مفيده جدا للغازات ..

ملاحظه عن اليانسون : لو كان يستخدم اسبرين فلا تعطينه "يانسون او شمر او حبه سوداء
" لانه كلها مسيله للدم ..
انا كنت مثلا لو كان يوم واحد فقط باعطيه هوه مع الاسبرين ..
لكن لو كان اكثر من يوم وراء بعض باعطيه اليانسون اوقف عنه الاسبرين هذيك الايام لاني اخاف  ;
ما ادري قدرت انا اوضح هذه النقطه

ملاحظه بالنسبه لي مهمه جدا :

الارز الاسمر "أبازير" , طعمه غير مقبول ابدا لكن لما ضفته لوالدي في نظامه الغذائي بعد شهر بالضبط رجع ضغطه للطبيعي لانو كان ضغطه عالي جدا , تخيلي يوصل "200 " , و كان يستخدم حبوب للضغط لكن الحمد لله بعد شهر ما عاد يستخدمها و كمانا السكر تشافى منه ..
; وهذا الكلام عن تجربه مني انا وليس كلام سمعته ..

بالنسبه للعطور :

الابتعاد عن العطور و البخور لان الجهاز التنفسي عندهم يكون حساس جدا ..

بصراحه مافي احلى من  المسك الابيض السائل .. و بالنسبه لمزيل العرق ابتعدي تمام عن دوف و نيفيا "الكيماويات عموما"
واستبدليها "شبه مطحونه + بودرة اطفال + مسك سائل او مطحون + ماء ورد" 
روعه

بالنسبه للاستحمام :

 افضل طريقه   :

لا تستخدمي الليفه او الديتول نهائيا لانها تسبب حساسية في الجلد لهم ..
انتبهي , و لا تكبي المويه على راسه بجك او اي شئ عشان لا يتفجع

الافضل انو تشتروا له سرير مثل اللي في المستشفيات , جيبي مناشف ناعمه صغار 6 مثلا (او) قطن قطعيه كذا قطعه كبار "افضل القطن لانه انعم" لانو بشرتهم تكون مره حساسه .. جيبي قدرين ( قدر حطي فيه مويه دافيه و صابون + جيبي ثاني قدر وسط حطي فيه مويه دافيه فقط ) .. جيبي اول قطنه وغمسيها في قدر الصابون و ابدئي بالراس وهكذا وارمي القطنه وبعدين جيبي قطنه كبيره وحطيها في قدر المويه كانها تشطيفه وهكذا .. كل جزء في الجسم بقطنه و التنشيف اخر شئ .. وبالنسبه للابط بعد ما نشفتيه خلاص حطيله بودره او نشا . المنطقه الحساسه نشفيها مزبوط بالمناديل عشان لا تلتهب و حطي نشا ..

أيضا حلقي له راسه كل ما روشتيه بآلة الحلاقه مثل اللي عند الحلاقين ,
ترى مره سهله حطيها على صفر , لان الشعر لما يطلع يسبب ريحه للراس ..

اهم شئ تغيري له ملابسه كل يوم او مرتين في اليوم ..

المفرش تبع السرير غيريه كل يوم او مرتين في اليوم لو اتعدم ..

غيري سدحته كل ساعتين عشان ما يطلع له جروح ..

ارفعي رجوله على مخده بسيطه عشان ما تتنفخ ..

عموما سبحان الله الكبار مالهم ريحه وحشه عشان كذا روشيه مره وحده في الاسبوع عشان لا يتعب كمانا ..

هذا مقطع فيه طريقة الاستحمام
"لا تخافوا التطبيق على دميه وليس شخص حقيقي"

خذ اللي يناسبك  في هذا المقطع و اتركي اللي ما يناسبك

Giving a Patient a Bed Bath


 

انا افضل القطن مثل ما ذكرت لكن لو ما توفر مناشف ناعمه جدا ..

مثلا فرشاة الاسنان مستحيل تعمليها لمريض فاقد الوعي عشان لا يشرق ..

بالنسبه لتغيير مفرش السرير :

ما عرفت اشرحها لكن لقيتها مشروحه في منتدى :

إذا كان الشخص المريض عاجزا تماما عن النهوض من السرير ، هناك طريقة سهلة :

1 - اقلب أولا المريض على أحد جانبيه .

2 - حرك المريض حتى طرف السرير مع التأكد من أنه مستلق في وضعية ثابتة .

3 - لف نصف الملاءة القديمة طوليا باتجاه المريض ، ثم لف نصف الملاءة النظيفة طوليا وضعها على السرير مع وجود النصف الملفوف في وسط السرير .
4 - حرك المريض بحيث يصبح جسمه فوق نصف الملاءة النظيفة وانزع الملاءة القديمة .
5 - أخيرا افرش النصف الآخر من الملاءة النظيفة وشدها بإحكام ثم ثبتها تحت الفراش .

هنا ايضا هذا رابط طريقة تغيير السرير وسهله :

Making an Occupied Bed
http://www.youtube.com/watch_popup?v=6tF9GZfG3z8&vq=l arge

بالنسبه لجلوس المريض :

طريقه جدا سهله لا انتي تتعوري ولا المريض يتعور

Tips for helping someone sit up in bed
http://www.youtube.com/watch_popup?v=UDJ8BkRO6iM&vq=l arge

ملاحظه :
انتفاخ الاقدام عند كبار السن تسمى "الاديما" معناته عنده مشكله اما في القلب او الكلى .. و ارفعي أرجله على مخده بسيطه عشان ما تتنفخ الاقدام ..
ولا تتجاهلي المشكله لازم تنبهي الطبيب عليها ..

بالنسبه لطريقة استخدام جهاز السكر للمريض :

Blood Glucose Testing
http://www.youtube.com/watch_popup?v=MmQzk3f1fKQ&vq=s mall

============================== ============================== =========

صورة السرنجه وهي اصلا مخصصه للاكل :

الشاش المعقم

مكاين الحلاقه   :

   للرأس والشنب : تشبه للي عند الحلاقين و سهله انا اكثر شئ استخدمها هيه , و لو استخدمتي مقاس صفر الشعر يكون كانه توه نابت هههه

انا لا استخدمها كثيرا لاني لا اعرف لها اخوي يعرف لها , افضل استخدام الآله الاولى

مفارش السرير للامتصاص : "قطن ومن تحت بلاستيك"

مستطيلة الشكل توضع تحت المريض مباشرة للامتصاص مثلا " البول "
; من الصيدليه

حفائظ كبار السن :

جهاز قياس السكر :

المسحه الطبيه

============================== =========

   ; جمعيات جديده  للتو اعرف عنها
تساعد اهالي مرضى الزهايمر وتزودهم بالمعلومات الازمه :
جمعيات لمرضى الزهايمر : http://alz1.org.sa/main/

============================== =========================

حاليا وزارة الصحه وفرت الرعاية المنزليه : ايضا هذه خدمه جديده و دوبني اعرفها .. المستشفى توفر لكي كادر طبي يجوا للبيت يساعدوكي مثلا : استحمام المريض , "اتوقع مره في الاسبوع او على حسب حالة المريض " و هيه خدمه مجانيه ..

ازودكم ببعض الروابط واذا منطقتك غير موجوده في هذه الروابط ابحثي عن الشؤون الصحيه لمنطقتك او وزارة الصحه واكيد راح يدلوكي على اقرب مستشفى متوفره لديها هذه الخدمه :

http://www.saudihomehealthcare.org/http://www.ngha.med.sa/Arabic/Medica...ealthcare.aspx http://www.hhcc.med.sa/ http://www.zmzm.org/

============================== =================

ولا ننسى اهم شئ وهو الرقيه .. نسمعها للمريض كل يوم

رابط رقية منتدى شفاء ...

رابط سورة البقرة

مواضيع مشابهة - أو _ذات صلة:

افضل طريقة للعناية بالمسنين و بكبار السن

طريقة في التعامل مع كبار السن

 غربة كبار السن بين أبناءهم