على حسب مامرني ومن علوم الاولين
وجهة نظر ويجوز فيها اتفاق وانقسام
الاوله
اترك مسافه كافيه بينك وبين الاخرين
بعض البشر ودك حدود المعرفه معهم سلام
والثانيه
اصمت ولاتحرص على كثرالكلام الصمت زين
اللي سكوته ساتره يمكن يعريه الكلام
والثالثه
واذا تكلمت احذر تكون اطول المتكلمين
السالفه لاطولت يضعف معاها الاهتمام
والرابعه
امزح ومزحٍ باللسان اخير من مزح اليدين
مزح الرجال العاقله على حدود الاحترام
والخامسة
اضحك ولاتضحك برفع الصوت رفع الصوت شين
من الادب والذوق عند الضحك ضحكٍ بإبتسام
والسادسة
اكرم .. و بيبان الكرم واجد ولا يحتاج دَين
وترى الرجال إكرامها ماهوب في كثر الطعام
والسابعة
احلم ولا تعجل ولا تغضب ولا تشري بـ دَين
وشاور ولو رايك معك لا شرت عداك الملام
والثامنه
واذا شريت بـ دَين لاتبطي على المتجملين
كلٍ حلاله غاليٍ عنده لو انه مايسام
والتاسعة
ولاجاك مديونك معه بعض الوفى وبعضه لحين
فأستدّ باللي جاك ، وش دراك .. لله الدوام
والعاشرة
وترى التغافل فيه لذه وانشد المتغافلين
وان جات كلمه توجع اطلقها ومع سرب الحمام
و ١١
وارضى ليا جاك الرضا لو العذر ماهو سمين
وترى التسامح ميزة الساده رفيعين المقام
و ١٢
وصادق واذا صادقت ماجربت ماصادقت لين
اما يطول بك السهر والا يطيب لك المنام
و ١٣
والصدق مع نفسك وتلقى نفسك من الصادقين
والنفس خيل ابليس لاتعطيه نفسك واللجام
و ١٤
وليا نصحت انصح خفا لاتفضحه بالحاضرين
ترى الرجال يقودها لين الحكي قود الخطام
و ١٥
ولا تواضع في حضور العالم المتكبرين
تكلم بنفس الطريقه معهم ونفس النظام
و ١٦
واخلاقك وتواضعك عامل بها المتواضعين
ونصف الادب مجامله جامل ولاتجامل لئام
و ١٧
واذا تسولف عن طموحاتك مع المتفرغين
كنك تسولف للنصارى عن حلال و عن حرام
و ١٨
والعمر ماهو فرصةٍ وحده ولاهو فرصتين
مع كل مطلع شمس لك فرصه وخطوه للامام
والأخيرة
هذا ولازلنا تعلمنا الليالي والسنين
والعلم اخير من الجهل والنور جلاي الظلام
وجهة نظر ويجوز فيها اتفاق وانقسام
الاوله
اترك مسافه كافيه بينك وبين الاخرين
بعض البشر ودك حدود المعرفه معهم سلام
والثانيه
اصمت ولاتحرص على كثرالكلام الصمت زين
اللي سكوته ساتره يمكن يعريه الكلام
والثالثه
واذا تكلمت احذر تكون اطول المتكلمين
السالفه لاطولت يضعف معاها الاهتمام
والرابعه
امزح ومزحٍ باللسان اخير من مزح اليدين
مزح الرجال العاقله على حدود الاحترام
والخامسة
اضحك ولاتضحك برفع الصوت رفع الصوت شين
من الادب والذوق عند الضحك ضحكٍ بإبتسام
والسادسة
اكرم .. و بيبان الكرم واجد ولا يحتاج دَين
وترى الرجال إكرامها ماهوب في كثر الطعام
والسابعة
احلم ولا تعجل ولا تغضب ولا تشري بـ دَين
وشاور ولو رايك معك لا شرت عداك الملام
والثامنه
واذا شريت بـ دَين لاتبطي على المتجملين
كلٍ حلاله غاليٍ عنده لو انه مايسام
والتاسعة
ولاجاك مديونك معه بعض الوفى وبعضه لحين
فأستدّ باللي جاك ، وش دراك .. لله الدوام
والعاشرة
وترى التغافل فيه لذه وانشد المتغافلين
وان جات كلمه توجع اطلقها ومع سرب الحمام
و ١١
وارضى ليا جاك الرضا لو العذر ماهو سمين
وترى التسامح ميزة الساده رفيعين المقام
و ١٢
وصادق واذا صادقت ماجربت ماصادقت لين
اما يطول بك السهر والا يطيب لك المنام
و ١٣
والصدق مع نفسك وتلقى نفسك من الصادقين
والنفس خيل ابليس لاتعطيه نفسك واللجام
و ١٤
وليا نصحت انصح خفا لاتفضحه بالحاضرين
ترى الرجال يقودها لين الحكي قود الخطام
و ١٥
ولا تواضع في حضور العالم المتكبرين
تكلم بنفس الطريقه معهم ونفس النظام
و ١٦
واخلاقك وتواضعك عامل بها المتواضعين
ونصف الادب مجامله جامل ولاتجامل لئام
و ١٧
واذا تسولف عن طموحاتك مع المتفرغين
كنك تسولف للنصارى عن حلال و عن حرام
و ١٨
والعمر ماهو فرصةٍ وحده ولاهو فرصتين
مع كل مطلع شمس لك فرصه وخطوه للامام
والأخيرة
هذا ولازلنا تعلمنا الليالي والسنين
والعلم اخير من الجهل والنور جلاي الظلام
ـــــــــــــــــــــــــــــــــــــــــــــــــــــــــــــــــــــــــــــ
مواضيع مشابهة - أو - ذات صلة :
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..