حل مشكلة هواء تانكي البنزين ( بالصور )

                                                                بسم الله الرحمن الرحيم

السلام عليكم ورحمة الله وبركاته
كيفكم ان شاء الله بخير؟

اليوم يا اخوان جايب لكم حل مشكلة هواء تانكي البنزين
السيارة فورد كراون فكتوريا 2003 سعودي
بسم الله نبدأ....

في البداية ظهرت لي المشكلة قبل سنتين و طنشتها الى ان زادت و اصبحت اعبي 91 بـ10 ريال في 8 دقايق تقريباً
الفيديو يوضح بداية المشكلة

تضاعفت المشكلة الى ان صار الموتر يكتم و يطفي و عزم السيارة ثقيل
يعني بالعربي ما تقدر تحمي الموتر لأن لو خليته واقف يطفي

نزلت موضوع عن المشكلة هاذي وفحصت كمبيوتر و طلع عندي EGR
بدلته و بدلت منظم الريس و خسرت 700 ريال على فحص و قطع غيار بدون فائدة

نظفت سست الكويلات قلت يمكن منها و نظفت بوابة الثروتل لكن بدون فائدة


كلمت احد المشرفين الله يعطيه الف عافية ماقصر معي قال لي اسوي حركة عشان نكتشف سبب المشكلة

بما ان عندي هوا في التانكي الطريقة كالتالي




افك غطا التانكي و امشي بالسيارة فترة و اوقف اذا ماكتم ولا طفأ يعني المشكلة في بلف التانكي
اذا كتم و طفأ يعني المشكلة من بوابة الثروتل تتغير كاملة بـ400 ريال تقريباً اصلية

طبعاً جربت الطريقة و ماكتم

في هاذي الحالة نبدل كنترول البنزين بدلته و الحمد لله ضبط معي و طريقة تغييرة كالتالي


نجي للصندوق الخلفي تحت الشنطة






يجي صواميل 2 يمين ويسار نفكهم











راح يفتح الصندوق بالراحة لاتضغط عليه و تكسره راح تشوف الكنترول في البداية تفصل الفيش و تفك الكلبس





هذا الكنترول القديم طلع معنا







وهذا الجديد مثل ما فكيت القديم تركب هذا تربط الليات ببعضها و تركب الفيش و اهم شي تأكد انه ثابت مكانه مايتحرك








قفل الصندوق و شد شوي مو كثير على الصواميل و تأكد من ثبات الصندوق

وبكذا حلينا المشكلة والحمد لله

طبعاً اسباب المشكلة على حسب كلام الاعضاء و بعض المشرفين و الورشات هو بنزين 91
للأسف بعض المحطات يحطون مويا او قاز و يمشي معاهم بينما 95 اذا خلط معه اي شي ما يتأثر و ان شاء الله اقلب موتري 95 قريب


بالنسبة الى سعر القطعة اصلية بـ370 ريال

اتمنى الموضوع يكون واضح و يحوز على رضاكم و اي استفسار انا حاضر اخوكم
Mr. FORD

_______
مواضيع مشابهة أو ذات علاقة بالموضوع :