قصة : تكفا ترا تكفا تهز الرجاجيل

:  قصيدة الأميرة نوره آل رشيد  الحاتميه رحمها الله   ،،   ربما أن أغلبكم سمع بيت الشعر   :-
تكفا ترا تكفا تــــهز الرجــاجيل                                        

   لولا ظروف الوقت مـــاقلت تكفا                                                              
لكن أغلبكم لم يقرأ القصيده كاملة
 أليكم أبياتها  كاملة  
ــــــــــــــــــــــــــــــــــــ

مـن ذاق حـر القايلـــه يعشـق الليـل
                                 ومـن شـب ضـوه ليلــــة البـرد يـدفـا
امســـيت في جيلٍ ولاهوب ذا الجيل
                                  و اصبحـت والا ديـرتي شـبـه منـفـا
واللـــي حمـا بيتـه بطيــرٍ ابـــابيـل
                                  ماجيت ادور كـل مـن صـد واقفـــــا
ولا جيـت ابشحـذ يانمـا دلـــه وهيـل
                            جيتـك وجـرح الظـلـم غــاديه يشفـا
جيتــك بكلمـه كــنهـا صعــقـة الويـل
                               وان قـــلـت تكفــــا لاتهــاون بتكفــا
تــكفا تراها كلمــةٍ تقــطم الحيـــل
                                   لا بـــالله الا تـــــنسف الحــيل نسفا
تكفا تـرا تكفـا لهـا هــــدرة الســيـل
                                   فـــي صدر حرٍ ينــتف الطيـب نتـفا
تكـــفـا تـرا تكفـا لـها تِسرج الخيـل
                                  ان كــان لك في مجمع الـخيل عسفا
تكفــا تـــراني من قرومٍ    مشاكيل
                                     حمـّـاية الــسـاقـه بـــسيف ٍ  وشــلفـا
تكفــــا تـــرى تكفـا تهـز الـرجاجيـل
                                     لولا  ظروف  الوقــــت  ماقلت  تكفا

              هذي القصه حدثت للاميره نوره آل رشيد.....الحاتميه.
عندما وقعت الحرب في حايل خرجت نوره مع عبدها وعندما اتاها خبر مقتل اخوانها حزنت حزناً شديدا وزاد ذلك ان العبد كف عن خدمتها بل اصبح يأمرها  وفي يوم من الأيام يام شافها تبكي واول مره يراها العبد تبكي.. فاستغرب لان نوره كانت شديده وكانوا اخوانها ينتخون بها.. ودمعة نوره غاليه جدا؛  فسالها لماذا تبكين فقالت هذه القصيدة :

أبكـي هلـي هــل العـلـوم المليـحـه
                          ولا ألوم عيني لو بكـت دمعهـا دم
إخوانـي أبكـي والقصـور الفليـحـة
                             إخـوانـي الـلـي لا بـغــو لازمٍ تـــم
ياما إنتخو بإسمي ليا حـل صيحـة
                         اليـا انتخـو بـي كافـر الجـن يسلـم
إسمي كما نجـمٍ ضـرب قـاع بيحـة
                             أو الصواقـع يــوم للضـلـع تـرجـم
نـورة أنـا بنـت الشـيـوخ الفليـحـة
                            أبوي حاكم وإخوتـي صفـوة الجـم
يا حيف حايـل فارقـن ريـح شيحـه
                       بذيك الشغايا تقل ما قيـل لـي سـم
محمـد طـلال اللـي جـرح للقريحـة
                              وناسٍ بنا خانـوا ونـاسٍ بنـا  نـمّ
خانـو بحايـل كاسبـيـن الفضيـحـة
                      وأهـل العمايـم جعلهـم فـي جهـنـم
أهــل العمـايـم يـدعـون النصيـحـة
                         جـهـال بــدوٍ مــا تـعــرف التـيـمـم
يالعبـد عقـب العـز كبـدي جريـحـة
                      حب الوطن يالعبـد مـن عصـر آدم
يالعبد ماهي مـن حكايـا الفضيحـة
                       خل السهر لي وإنت يالعبد قـم نـم
مـن أولٍ نأمـر تجـيـب الــذبيـحـة
                       واليوم ياعبد الندم صرت لي عم.