على حسب مامرني ومن تجارب الأولين
وجهة نظر ويجوز فيها الإتفاق والإنقسام
إترك مسافة كافية بينك وبين الآخرين
بعض البشر ودك حدود المعرفة معهم سلام
إصمت ولاتحرص على كثرالكلام الصمت زين
اللي سكوته ساتره يمكن يعريه الكلام
وإذا تكلمت إحذر تكون أطول المتكلمين
السالفة لاطولت يضعف معاها الإهتمام
وإمزح ومزحٍ باللسان أخير من مزح اليدين
مزح الرجال العاقلة على حدود الإحترام
وإضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بإبتسام
وأكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام
وإحلم ولا تعجل ولا تغضب ولا تشري بدين
وشاور ولو رأيك معك لا شرت عداك الملام
وإذا شريت بدين لاتبطي على المتجملين
كلٍ حلاله غاليٍ عنده لو إنه مايسام
ولاجاك مديونك معه بعض الوفى وبعضه لحين
فأستد باللي جاك وش دراك لله الدوام
وترى التغافل فيه لذة وإنشد المتغافلين
وإن جات كلمة توجع أطلقها مع سرب الحمام
وإرضى ليا جاك الرضى لو العذر ماهو سمين
وترى التسامح ميزة السادة رفيعين المقام
وصادق وإذا صادقت ماجربت ماصادقت لين
إما يطول بك السهر وإلا يطيب لك المنام
وإصدق مع نفسك وتلقى نفسك من الصادقين
والنفس خيل إبليس لاتعطيه نفسك واللجام
وإذا نصحت إنصح خفى لاتفضحه فالحاضرين
ترى الرجال يقودها لين الحكي قود الخطام
ولا تواضع في حضور العالم المتكبرين
تكلم بنفس الطريقة معهم ونفس النظام
وأخلاقك وتواضعك عامل بها المتواضعين
ونصف الأدب مجاملة جامل ولاتجامل لئام
وإذا تسولف عن طموحاتك مع المتفرغين
كنك تسولف للنصارى عن حلال وعن حرام
والعمر ماهو فرصةٍ وحدة ولا هو بفرصتين
مع كل مطلع شمس لك فرصة وخطوة للأمام
هذا ولازلنا تعلمنا الليالي والسنين
والعلم أخير من الجهل والنور جلاي الظلام
وجهة نظر ويجوز فيها الإتفاق والإنقسام
إترك مسافة كافية بينك وبين الآخرين
بعض البشر ودك حدود المعرفة معهم سلام
إصمت ولاتحرص على كثرالكلام الصمت زين
اللي سكوته ساتره يمكن يعريه الكلام
وإذا تكلمت إحذر تكون أطول المتكلمين
السالفة لاطولت يضعف معاها الإهتمام
وإمزح ومزحٍ باللسان أخير من مزح اليدين
مزح الرجال العاقلة على حدود الإحترام
وإضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بإبتسام
وأكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام
وإحلم ولا تعجل ولا تغضب ولا تشري بدين
وشاور ولو رأيك معك لا شرت عداك الملام
وإذا شريت بدين لاتبطي على المتجملين
كلٍ حلاله غاليٍ عنده لو إنه مايسام
ولاجاك مديونك معه بعض الوفى وبعضه لحين
فأستد باللي جاك وش دراك لله الدوام
وترى التغافل فيه لذة وإنشد المتغافلين
وإن جات كلمة توجع أطلقها مع سرب الحمام
وإرضى ليا جاك الرضى لو العذر ماهو سمين
وترى التسامح ميزة السادة رفيعين المقام
وصادق وإذا صادقت ماجربت ماصادقت لين
إما يطول بك السهر وإلا يطيب لك المنام
وإصدق مع نفسك وتلقى نفسك من الصادقين
والنفس خيل إبليس لاتعطيه نفسك واللجام
وإذا نصحت إنصح خفى لاتفضحه فالحاضرين
ترى الرجال يقودها لين الحكي قود الخطام
ولا تواضع في حضور العالم المتكبرين
تكلم بنفس الطريقة معهم ونفس النظام
وأخلاقك وتواضعك عامل بها المتواضعين
ونصف الأدب مجاملة جامل ولاتجامل لئام
وإذا تسولف عن طموحاتك مع المتفرغين
كنك تسولف للنصارى عن حلال وعن حرام
والعمر ماهو فرصةٍ وحدة ولا هو بفرصتين
مع كل مطلع شمس لك فرصة وخطوة للأمام
هذا ولازلنا تعلمنا الليالي والسنين
والعلم أخير من الجهل والنور جلاي الظلام
عبد الله علوش
-
روووعه
ردحذف