دكتور
انت جالس تتكلم عن النسوية
والله لا إنت ولا اللي معك عارفين وش النسوية !!!
أنا لي معاهم سنوات
وأم ل 3 شباب وبنتين،
يعني ماني جاهلة
تلقفني هذا التيار بعدما أدمنت على التويتر والانستغرام
الله لا يسامح اللي دخله علينا
كنت عايشة في أمان الله
وزوجي طيب ، والله طيب ، وابن حلال كريم ، لكن حازم معي ومع بناتي ..
تعرفت على حريم من خلال التويتر والانستغرام
وكانت حوارات قوية كلها تركز على كره كل ما هو ذكر :
زوج ، أب ، أخ
وأكثر ما يركزون على ( شيطنة الزوج )
وأنه لا يمكن أن تكونين سعيدة في ظل زوج إلا
إذا استسلم لك أو الطلاق !!!
كنت في البداية أشارك في الحوارات عن طريق وسائل التواصل من باب التسلية وغير مقتنعة !!!
إلى أن شبكوني مع حريم واصلات في نفس مدينتي
حاولوا يعزموني لمناسبات ، لكن زوجي يرفض أي عزيمة ، من غير أقاربنا
صرت أكذب عليه
أقول : هذه ملكة بنت زميلتي، هذا سابع ولد زميلتي ووو .. وكل مرة بكذبة.
كنت أراهم سعيدات .
ما في شي يقيدهم .. لا في اللبس .. ولا في الخروج .. مرررة بدون قيود !!!
كنت أحضر هذه المناسبات
وكنت أقول : كيف كنت دامرة نفسي ؟
او ( هم حسسوني ) أني دامرة نفسي !!!
مناسبات منفتحة جدا جدا
ما تعودت عليها لكن زينها لي الشيطان وصرت ما عاد أصبر عنها
كنت اشوف أنها جنة وأشوف بيتي جهنم وزوجي الشيطان الأكبر !!!
كنا نستأجر استراحات شاليهات .. أحيانا في بيت واحدة منا
كانت معهم سيولة كبيرة
كلهم موظفات
واللي ما هي موظفة يشوفون لها وظيفة أهم شي ما تحتاح للرجل
مجالسنا رقص أغاني حرية مطلقة
لكن الأخطر
كل وحدة تقص قصصها مع زوجها كيف أدبته
كيف جرجرته في المحاكم
كيف ورطته في الديون
كيف خليته يمشي يكلم نفسه وووو
وانا جالسة أسمع مثل الهبلة
وأشحن في نفسي !!!
كان يجونا احيانا وهو قليل ( رجال ) يعطونا محاضرات في تنمية الذات والاستقلالية ووو الخ !!!
وخلال كلامهم تكون تريقة وطقطقة على الأزواج !!!
وصرت أشوف زوجي شيطان
وأنه حرمني السعادة ومستنيه اليوم اللي أنفجر في وجهه
وجاء ذاك اليوم .. وأنا مشحونه صح.
قلت له : الليلة بروح مناسبة زميلتي
قال من : زميلتك؟
قلت له : مو شغلك !!!!
وأول مره اقول هذي الكلمه!!
طالع في بحده ، وقال لي : ما تروحين ..
قلت : بروح واللي في رأسك سويه.
ولا أدري كيف قلت هذي الكلمه !!!
عمري في حياتي ما قلتها !!!
لكن هذا نتيجة شحن أكثر من سنة.
المهم قال لي : تراك إذا خرجتي من الباب أنت طالق
قلت له : عز الطلب . !!! تراني طالعة ..
وأنا اسوي هذه الأشياء وكأني ( مبرمجة ) !!!
وكان والله عاقل وحكيم ، لم يتصادم معي.
وكنت ( أتمنى يتشابك معي ) حتى أتضارب معه .. وأتصل على الشرطة وأجرجره في الأقسام والمحاكم
( حسب توجيه العصابة ) !!!
وأنه في حال وصول القضية للشرطة سوف يوكلون لي من يتولى القضية !!!
المهم طلعت وحضرت المناسبة
وقصيت عليهم اللي صار
زعقوا وزغردوا وشالوني فوق الأعناق وكأني حررت لهم القدس
واشتغلوني أسبوع مباركات على تحررك من (التيس)
على العموم من صباح ليلة المشكلة أثبت زوجي الطلقة في المحكمة وجاتني رسالة على جوالي. وأرسلت للعصابة صورة الصك،
سووا لي حفل خاص !!!
وباركوا لي هذا الانتصار العظيم.
تركت بيتي وعيالي. واستأجرت شقة قريب من عملي.
وصارت شقتي وكر من أوكارهم !!!
وصلتني تحويلات مالية بسيطة !!!
مرة أنها هدية .. ومرة مساعدة تأثيث شقة ووو
اختصار الكلام استمريت معهم ما يقارب ٤ سنوات
تكشفت لي
(حقيقة هذه العصابة المجرمة)
وأنها تسعى لتدمير البيوت
عن طريق ( خلق عدواة وحقد )
على الرجل وأنه شيطان
وأن المرأة لازم تستقل براتبها وسيارتها
ولا تسمح لرجل أن يسألها حتى لو أبوها
بعد أربع سنوات صحيت لنفسي وأخذت اراجع نفسي
انا وش حصلت من هذه الشلة ؟؟ !!!
ضيعت بيتي ، وضيعت زوجي الرجل الحنون الشهم الكريم
احتقروني عيالي وبناتي ولا عاد يزورني إلا بضغط من والدهم ودقائق ويمشون
كنت أحتقر نفسي قدام بناتي
العيال رافضين زيارتي
كدت ( ألجأ للمخدرات ) حتى أهرب من واقعي
لكن كان أخف الضررين الأدوية النفسية
صحيح أني عدت لله والتزمت ديني وصلاتي
لكن عيالي مو راضين يتقبلون مني
عمري الآن 42 سنة اللي يشوفني يقول عمري 60 سنة
الشر يبدأ من المقاهي اللي يسمونها كافيهات كلها شر . كلها دشير
أقسم لك بالله ماتروح لها وحده صاحية
يا دكتور الحقوا البنات
الحقوا الحريم المتمردات
والله إنهم أخطر من داعش والقاعدة
والله أخطر من تجار المخدرات.
يا دكتور عندي الشيء الكثير عن هذه العصابة لكن
صحتي ما تساعدني اكتب أكثر ،
اكتب لك وأنا منهارة ويدي وجسمي يرتعش
يااااا.رب تبت إليك ..
يارب رجع لي زوجي وعيالي وبيتي اللي دمرته بنفسي.
واذا كان تدخل واسطة صلح
أبغى أرجع بيتي
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..