بشّروني عن سهيل و خبروني عن براده
الله ايجيب السحاب اللّي لامِن الله قاده
كن الارض من الحياء تلبس ملابسها الجديده
كن في صدري غريبٍ كل مايذكر بلاده
ايتوجد والهقاوي ماش .. و بلاده بعيده
وين الاقي خط سيده وقهوة ٍ ماهي بساده
من تقهواها ملف شقرا يشوفه خط سيده
ودّي بفنجال شاهي سُكّره سُكّر زياده
يجعل الراس المعومس راحته في راحة ايده
رفقة الطيب علاج يزيد هرمون السعاده
والردي فرقاه عيد وجعل ربي لايعيده
الردي كله خساره والكفو كله إفاده
لو كتبت اسمه طلع من طالته جمله مفيده
الوعد في حفل روسٍ يستحقون الاشاده
روس حمران النواظر تستحق اطلق قصيده
من يخاوي له مطيري طوّع الصعب وعناده
يحذف هموم خلافه و الصعايب ماتكيده
يامحمد يابن عبدالله ماتحتاج الشهاده
من كرمك و طيب راسك فعلك ينومس بديده
انسف البشت الحساوي والتعب هذا حصاده
اطنخ ورحّب وهذي ليلة العمر السعيده
ذاخرك راسٍ ليا منّه تراكى في شداده
من نصاه يزينّه ويبشرّه ويعيد عيده
من كرم عبدالله ابن صالح مصخّر عتاده
للضيوف وطيب راسه من وريده في وريده
باعتبار ان الكرم والطيب والفزعه سياده
في مجال الطيب ماهمّه لو يصفّر رصيده
عنده الراي الثمين اللّي مثل قدحة زناده
يقدح من الراس فالميقاف وينومس عضيده
مثل ما بشِّر بحفل محمد وحقّق مراده
الله انه يسعده والله يبشرّه بحفيده
عادة القعوان عشّاق الطناخه و الريّاده
روسهم مليا فخر وقلوبهم مليا عقيده
من بني شلّاح والمتهور يعرف الركّاده
عزوةٍ من هيمنتهم تركد الروس العنيده
عزوة مطير اهل سيفٍ كل مافارق غماده
مايعود في غماده لين ياخذ مايريده
من يعاند روسهم لا واصباحه واهجاده
لو ضلوعه من حجر صافي وقلبه من حديده
الخوي في سلمهم ماينجحد ملحه وزاده
حي روسٍ طيبهم زايد وجعل الله يزيده
السعوديين حب بلادهم مثل العباده
للفخر والعز دايم يا حكومتنا الرشيده
عيضه الثبيتي
-
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..