نجمة الصبح ( نمر ابن صنت)

نمر ابن صنت شاعر هذه القصيدة الرائعة .. ولها قصة ( لا أود التطرق لها)

وأكتفي بأبيات القصيدة لعلها تنال رضاكم

يانجمة الصبح كبدي منك مرهوقه لا شـــعّ نـــورك علـيـنـا لا تغيبـيـنـي

ستايـر القلـب مــن فـرقـاك مفتـوقـه أصبـر مـن العـام ليـن انـك ذبحتينـي

الــوِد لــو نـتـركـه عـنــا و طـاروقــه أظـنــي أرتـــاح وأنـتــي تستريـحـيـنـي

لبيـك يالـلـي تـجـر القـلـب وعـروقـه كلـه علـى شـان يــوم أنــك تلبيـنـي

تلحـنـي لـــح ركـــب عـجـلـوا سـوقــه أو جـــــل ذود مـسـريـهــن شـيـابـيـنــي

عديت عـن مبسـم المجمـول لا أذوقـه أنــا بــلاي الحـيـا وأدرى عـلـى ديـنــي

يا قلـب ياللـي مـن الجـازي دنـا عوقـه يـا نــاس شـيـروا عليـهـا لا تقاصيـنـي

و إن كان قلبي تلبـش عنـه صندوقـه شــدوه لـيـن اتـجــود فـيــه بيـديـنـي

قالـوا معاليـق قلـبـك مـنـه مسـروقـه قلنا خذتهـا الضحـا و النـاس واعينـي

يـا ليـت ربـي ومـر "خالـد" علـى شـوقـه                    يـفـك حبـلـه ولــو يعـطـى ملايـيـنـي

الأولــه لـيـت أبــو خـلـي مــن الـروقـه والثانيـة ليـت أبـوي مـن القحاطيـنـي

يــا لله يــا خـالـق الـدنـيـا لمخـلـوقـه تقدر علـى المـوت تذبحنـي وتحيينـي

تـلـم شمـلـي لا بــد الــروح مـرفـوقـه بأربـع هناديـس فـي قـبـري تخاويـنـي

تحياتي لكم جميعا


القصة
هذه قصه قصيدة الشاعر المعروف / نمر بن صنت الحافي
في معشوقته الجازي القحطانيه .
اللتي طلب فيها جاه الامير خالد السديري
وقد أخذ قرابة تسع سنوات وهو يحاول مع أهل محبوبته الجازي
ويأمل منهم الموافقه على زواجه منها وقد تقدم بجاهية لإهل معشوقته
ومن ضمنهم الأمير خالد السديري والذي طلب منه في قصيدته التوسط لـه
عند أهل الفتاة الجازي وقد بذل الأمير خالد السديري كل مافي جهده
وبعـد ذلك وافـقـوا أهل الفتاة وتحقق المطلوب
وتزوج نمر بن صنت بمحبوبته الجازي
بعد جهود شاقه وقد عاش معها حياةً حلوةً وسعيده
وقيل أنه قصد في محبوبته الجازي أكثر من مئة قصيده
ومنها  هذي القصيده المشهوره نجمة الصبح