من أشهر قصائد السامريات والهجينيات المتناقلة

هنا بعض قصائد مشهورة بعضها من قصائد السامري وبعضها  من العرضة  

هذه القصيدة المشهورة من السامريات. يقال أنها
للشاعرسالم الحربي.
لا تكاثر جيتي يا نظر عيني=الله اللي جابني لك و مشّاني
ماشي درب مشوه المحبين=بالمودة راجح لك بميزان
احسب اني مثل ما اغليك تغليني=ما دريت انك عدو و قوماني
و اثر لك يا متلف الروح قلبين = قلب يبغضني و قلب يتمناني
كم هنوف عند اهلها تمنيني = كزت المرسول كله على شاني
تحسب ان الله قطوع يخليني=ربي المعبود ما عاد ينساني
تحسب انك يوم قفيت كاويني=يوم تكفي الحوض في وجه ظميان
سيد الخفرات ما توفي الدين=خنتني من غير حق و برهاني
الجفا من بيننا موقفه شيني=من فعل خير يجازى بالاحسان
خوفي الله لا تصيرين لاثنين=صفي النيه و صيري لفرداني
يا حبيبي اسقني لا تخليني=لو اموت من ال؟ما ما احد اسقاني

--------------
وهذه من  سامريه لاحد شعراء اهالي البديع ( الافلاج )

يا ابن سالم ترى قلبي عليكم حزين=و السبب صاحبي زعلً و لا ارضيتناه
صاحبي ينقش الحنا بكف حسين=مثل نقش المطوع بالقلم و الدواة
بو نهيد صغير ما لهجه الجنين=مثل بيض القميري لاجي في حشاه
صاحبي غصن موز و الهوى به يلين=ليت من هو بعالي الغصن يقطف جناه
صاحبي يحسب اني عنه ادور حتين=حالف ما نوى قلبي و لا اطريتناه
في ضحى العيد عدوني مع الميتين=مثل بعض الضحايا قدمت للذكاة
يا هل الغي حياكم نجر الونين=و نتشاكى جميع لا سقى الله الحياة
آه من ونة تودع ضلوعي طحين=ما يجبّر ضلوعي كود والي سماه
طير يا الي ترفرف فوق دار الخدين=خبر امي ترى المجمول حصلتناه

--------------------------
و هذه السامرية للشاعر ضويحي بن فهد الهرشاني.



راعي القرن الاشقر شد قلبي و تله=تلة السيب غيصه من بحور الظلام
ليتني شذرة زمام على مبسمٍ له=فوق خد تكاشف مثل برق الظلام
أو زرار بثوبه غاطي لبة له=فوق فرع النهود و حدر طرق اللثام
كن بعيونه الخزرات جمع و سلة=عسكر الروم حمران الوجيه الطغام
صاحبي و ان ذبحني بالهوى فدوة له=ذبح خلي حلال و ذبح غيره حرام
حب خلي بقلبي ما تعدى محله=كود برق الصبيحية تعدى سنام
قلت يا صاحبي ما هو بذالحب كله=كثرة الحب يضهدني و يبرا عظامي
قال لي مدمج الساقين خله لعله=منك انا مونس حر المودة شمام
عنز ريم تقود الصيد دقه و جله=عذبت ناقل البندق سريع الولام
ما تجي في ملاقيفه و لا مدهل له=حذرة الصيد ما تصطي عليها المرامي
صاحبي بالضماير باني منزل له=قصر خلي عمار و قصر غيره هدام
صاحبي ما هرج  في مجلس بالاظله=و لا يطاوع مشورة خاربين الذمام
لي حبيب ليا قابل حديثه ما امله=كود امل اللبن من در هجنا السنام
يا وجودي عليهن وجد من فاطر له=غره النوم عنها في فروع المظامي
في الحتيفه خلاوي و الدحل ما يدله=ما حواليه من يعطيه حمض العلامي
فوقها قربته و نعوله و مزهب له=و حام دون الدحل عمس معيف و عامي

--------------------

وهذه الهجينية  يقال أنها للشاعر الامير المرحوم خالد بن احمد السديري

تلعب بقلبي على كيفك=انته سبب كل غربالي
تستنفد الصبر يا حيفك=وتزيدني غبن وهبالي
من كبر هجرك وتصنيفك=طويتني وانطوت حالي
يضرني منك تسويفيك =في هجرفه مالها تالي
اثرك شديد على ضيفك=يا غالي ما معه غالي

--------------
حمام ياللي بقيفان الطرب غنّـا=من فوق حدب الجرايد طوح اصواته
بالله ياذا الحمام ان تنزح عنــــــا=خل الهوى والطرب ماذي بحزاته
ذكرتني ناقش الكفين بالحنـــــــــا=سيد العماهيج خدّه كنه مراته
ياناس انا والغضي وش كاركم منــا=خلوني ابرد غليلي من شفياته
والوي ذراعي على عنقه اليا نمنا=والكف الآخر على مفرق نهيداته
ياناصر أشكي عليك الحال عاونا=بالقيل كود الغضي يرخص بجياته
ياغصن موز على الحيطان يتثنا=ما أحلى مع الريح روحاته وجياته

للشاعر عثمان بن سليمان


--------------------

أحب الخضر يوم أن لى صاحبٍ خضر
وأباهى إبزينه جملة البيض ومارى
مِجِيَه نهار العيد سبب لى الكدر
ومن حين شفته يا سعد ضاعت أفكارى
عرض لى ضحى العيد بمشجر حمر
يتل الردايف تلة الحصن للقارى
أبو خدةٍ توضى مثل دارةِ القمر
إلى شعشعت يسرى على نورها السارى
وله غرةٍ عفر وطوقٍ على النحر
وأطواق من اللؤلؤ على دار ما دارى
قصر خطوة الأقدام من زايد الدجر
يطرب إلى دقوا هل الفن خمارى
عليه المشَّجر زاهى جنه الزهر
تخطىّ على هونه يبى يشغل أفكارى
ومركب غرامى دش فى لجة البحر
يقفى ويقبل بين الأمواج سمارى
ألا واعنا قلبى من الضّيم لا ذكر
عشيرٍ بخيل ما على حالى يدارى
أنا اللى ذبحنى يا سعد زايد الصبر
وأنا خايفٍ عقب الصبر تكبر أضرارى
أنا من عرفته ما أذكر بحالتى نظر
قريب بعيد فيه أنا حارت أفكارى
فلا شك كل إنسان بأمره قضا و قدر
وأنا عبد لا معبود فى حكمة البارى
ياليت أتحصل لاماه لوتالى العمر
عسى الله يجيبه قبل قصّاف الأعمارى

ضويحى بن رميح الهرشانى

------------------سامريه دوسريه

ياللــــــــه اليوم ياروّاف=يابو الافراج عاونــــــــي
خوفوني وانا ما اخاف=وأحسب الضلع يزبنّي
هيه يالايم الميــــلاف=ماتشوف الجمل حني
ليت لي بكرة ميلاف=وأحتلبها على المني
الحذايا غدن رهــــاف=والحفا يرعب الجني
يحسبني عمي مااشوف=يتقي بالنخل عنــي
لابس ثوبه الرفـــــراف=والردايف يهبّلنـــــــي

مجهول قائلها

----------------هذه السامريه وهي من اقدم السامريات واختلف الرواة في نسبها الى اثنين هما:
فهد العجمي او عبدالهادي الروقي ... ولاكن حنا ماعلينا الا من القصيده!!!

وتقول

عديت في مرقب ٍ و الليل ممسينـــــــي= بديار غرب ٍ لعل السيل ما جاها
اضحك مع اللي ضحك و الهم طاويني= طية شنون الطلب لا سربو ماها
و راك ما تزعجين الدمع ياعينـــــــــــي= على هنوف ٍ جديد اللبس يزهاها
هبت هبوب الشمال و بردها شيــــــــن ِ= ما تدفي النار لو حنا شعلناهـــــــــا
ما يدفي الا حضن مريوشة العيــــــــــن ِ= و الى ظمينا شربنا من ثناياهـــــــا
ياشبه و ضحى فتاة ٍ دلها زيـــــــــــن ِ= داجت على عقلة ٍ و الورد ما جاهـــــــا
ياعل من لامني يعطى عمى العيـــــن ِ= مخباط صمعا جليل الفخذ يشظاهــا
جعله حسير ٍ كسير و راكبه ديـــــــن ِ= و اتلى حلاله ذلول ٍ راح يطلاهــــــــا

----------------------
وهذه عرضه  من شعر / عبدالرحمن بن صفيان


نحمد الله جت على مـا تمنى = من ولي العرش جزل الوهـايب
خبر اللى طامــع في وطــــــــنا = دونهـــا نثني الى جـت طلايب
واجــــد اللى قبلكم قــــد تمنى = حربنا لي راح عـاف وتايب
يا هبيل الراى ويـــن انت وين إنــا = تحسب ان الحرب نهب القرايـب
لي مشــى البيرق فـ زيزومــها حنا =  حنا هل العـــادات واهل الحرايــب
كـان مـا نجـهل على اللى جهلــــنا = ما سكنا الدرا يوم الجلايـب
ديرة الاسلام حـــــأمينها حـنا = قاصرين دونـــــها كل شــارب

----------------------

وهذه سامريتان لسليمان ابن شريم

سرى البـارق اللـي لـه زمانيـن مـا سـرى × صـدوق المخـايـل بـارقـه يـجـذب الـسـاري
عـلـى فـرعــة الـــوادي وسـيـلـه تـحــدرى × وغنـت طـيـور الـمـاء عـلـى حـايـر الـجـاري
مـرامــي غـــزال عــقــب عــرفــه تـنـكــرى × عليـه الله أكـبـر كــل مــا حــل لــه طــاري
بـرى الجـرح منـه ومـنـي الـجـرح مــا بــرى × وهـو يحسـب انـه يـوم طـال المـدى بـاري
نطحـنـي بـجـز الـثــوب حـــدر المـشـجـرى × جـمـيـل المـحـاسـن لاضـخـيـم ولا عــــاري
ابــو لـبــة مـثــل الـقـمـر ضـــاح واسـفــرى × والـى غابـت القـمـرا تـقـدى بــه الـسـاري
تــرى سلـبـة العـاتـق الــى صــد مـــا درى × كمـا سلبـة العرجـون فـى صفحـة الـذاري
صويب الهوى مسكيـن مشيـه علـى ورى × ترى النقص فيه وحيله أقوى من الضاري
وهذا رابط لسماع القصيده بالصوت
  (هـــــنـــــــا)
......................
السامريه الثانيه
حـيـا الله الـلـى يغـيـب ويـســرع الـــرده × الـلــى يجـيـنـي الـــى مــنــه تـبـاطـانـي
قـلـبـي يـــوده و حـالــي كـنـهـا الــقــده × ودي بشـوفـه ودونـــه حـــوم عقـبـانـي
يـا صاحبـي جـارك الله وش هــا الـصـده × مــهــوب حــــق تـولـعـنـي و تـنـسـانــي
ان كان عنـدك حكـي بـي خامـل السـده × فانـت المصـدق وانـا حقـي ومــا جـانـي
اهــرج عـلـى مــا تــورى والـبـخـت بـــده × لا تـسـتـحـي يـابـعــد حـــــي وحـيــاتــي
تـــرى حـــلاة الـهــوى لا طـالــت الـمــده × مـهــوب يـــوم صـديــق ويـــوم قـومـانـي
وان كان ما انت بمصافيني على الشده × وقـــت الـرخــا واجـــد ربـعــي وخـلانــي


--------------------
وهذي سامريه غزليه لدخيل الله بن مرضي الروقي (الملقب بالدجيما )

يـاجـر قـلـبـي جـــر لـــدن الـغـصـون × وغصـون ســدر جــره السـيـل جــرا
واهلـه مـن اول بـالـورق يورقـونـي × عـلــى غــديــر تـحـتــه الــمــا يــقــرا
عـلـى الــذي مـشـيـه تـخــط بـهــون × والعـصـر مــن بـيـن الفريـقـيـن مـــرا
لا والله الـلـي بالـهـوى هـوجـرونـي × هـجــر بـــه الـحـيـلات عـيــت تـســرا
لا مــبــعــد عــنــهــم ولا قــربــونــي × ولا عـايــف مـنـهـم ولا نــــي مــــورا
واكثر عـذاب القلـب يـوم سنحونـي × بـيــح بـصـبـري لــــو بـغـيــت اتــــدرا
لا ضاق صدري قمت اباري الظعـون × كــنــي غــريــر بـالـدلـوهــة مــضـــرا
وقبلي عليه اشفق وتبكي عيوني × والــحــال مــــن ود الـحـبـيـب تــبــرا
يـا عزتـا لــي مــن تـفـرق شطـونـي × يـعـزا لــي ارمــي بالسـلـ واتـعـرا
ان مــت فــي خــد بعـيـد انقـلـونـي × عـلـى هــدي الـزمـل مـشـيـه تـــدرا
بـيـن الـنـهـود وقـــد روس الـقــرون × عــــن الـهـبـايـب مـسـتـكــن مـــــذرا
يـالـيـتـهــم بــالــحــب مـاولــعــونــي × كــان ابـعــدوا عـنــي بـخـيـر وشـــرا
والا انــهــم يــــوم إنــهــم قـربـونــي × خلـونـي اقـضـي حـاجـتـي واتـــدرا
وياليتهـم فـي الـدرب مـا واجهونـي × ويالـيـتـهـم مــــازادوا الــحـــر حـــــرا
وياليتـهـم عــن حاجـتـي سايلـونـي × يــوم انــي اقـعـد عـنـدهـم واتـحــرا
وياليتـهـم مــن زادهــم اطعـمـونـي × انـــــا عــلـــى زاد الـيـتـيــم اتــجـــرا
لا قـــربـــوا مـــنـــي ولا بــعــدونــي × ولا مـيــس مـنـهـم ولا نــــي مــــورا
الـخــد بـــرق فـــي عــلــو الــمــزون × تـقــول بـــراق مـــن الـصـيـف ســـرا
وقـفــت عـنــده شـايـحـات عـيـونـي × كــنــي غــريــر بـــــاللهاوي مــضـــرا

-------------

هذي قصيده للشاعر عبيد الرشيد


ياحمود انا عارضي شاب%% طرد الهوى جزت أنا منه

ياكود وضـــــــاح الانياب%% هــــذاك مني وانا منـــه

عسلوجة حـــــشو الاثياب%% وردوف للثوب شــالــنه

يما حلا جدع الاســــــلاب %%واركاي سني على ســنه

والزين لو هو ورا الـــباب%% لازم عيونـــــي يراعـنه

يـــــارب اغفر لـــمن تـــاب %%الـــعبد مطلــــوبه الجنه

------------------

و هذه أبيات قيل انها لسليمان بن علي (سدير)
و قيل انها لماجد الحمود الرشيد(حائل )


يا الله الا يا والي الامر=يا مسندي و انت اللطيف
انك تعاوني على الصبر=و زريع قلبي لا يهيف
ونيت ونة زلزلت مصر=و قصور مكة و الشريف
عيت ذلولي تقطع الجسر=و صويحبي يم القطيف
سواني يسنن على الجسر=سواقهن عقله خفيف
متى نشد ركايبناالعصر=عن هالمكان اللي يخيف
لي صاحب خواتمه عشر=يرجس كما مهرة شريف
ابو وسيط ينهصر هصر=و قذيلته ذيل العسيف
ابو جديل ينشره نشر=ثوبه على متنه خفيف


---------------------

و هذه القصيدة للشاعر احمد الناصر


الا يا عين هلي....دموعك يا شقيه=على عصر مضى لي....الا يا عين هلي
انا المغبون انا الي..عمايه من يديه=الا وا عزاتالي...انا المغبون انا اللي
متى علمي بخلي..شهر عيد الضحيه=الا وا همالالي..متى علمي بخلي
الى صفيت اصلي....طرى خلي عليه=يهوجس فيه بالي...الى صفيت اصلي
و هو عزي و ذلي...و لا لي مقدريه=و لا يعلم بحالي...و هوعزي و ذلي
و لاني مسفهل...عقب صافي الثنيه=ال وا طي حالي...و لاني مسفهل
بغيت و لا حصل لي..مواصلة خفيه=وصل غالي لغالي...بغيت و لا حصل لي
ذبحني بالتغلي...له عزوم قويه=يقول الوصل تالي...ذبحني بالتغلي
ليالي قد مضن لي..سنين الجاهليه=ابي هاك اليالي...ليالي قد مضن لي

-------------

و هذه للشاعر احمد السديري

تلعب بقلبي و انا اطيعك=و انت سبب كل ما جاني
انا اللي اشريك ما ابيعك=لو كثرو فيك الاثماني
صارت لغيري منافيعك=عقب الغلا كيف تنساني
لولا قبالك و تفريعك=دخلت في دين الإخوان


-----------------

هذه القصيدة مشهورة جداً وكثير من الناس يرددها عندما يكون المجال مجال غناء ..
يقول الشاعر إبراهيم الكنعاني :

يا حمامٍ على الغابه ينوحِ =ساجِعٍ بالطرب لا وا هنيّه
قلت: حيّهْ! ولا كنّه بْيوحي= مَرْ عَجْلٍ ولا سلّم عليّه
وا عسى السيل دايم ما يروحِ= ما يْفارقْ جْفار الصالحيه
يا شريفهْ متى وِدّك نروح= يَمّ ديرةْ هَلِك يا العسوجيّه
قالت: اصبرْ يطيبنْ الِجروح= شهَرْ وعَشْرْ وْدنّوا لي مطيّه
كنْ في ضامري قِدْرٍ يفوحِ= أو غْروبٍ تُوَامى في ركيّه
روح روحي بغت روحي تروحي= يوم قيل الغضيْ فيه جْدريّه
جيت أبَشرب وإلى مِسْكٍ يفوح= غاسْلٍ فيه وضّاح الثنيّه
جِعْل زمْلٍ يبي خلّي يروحِ= ينكسر في شعيب الصالحيّه


-------------
وهذه ايضا قصيدة رائعة و مشهورة للشاعر عبد الرحمن البواردي


حمام يا اللي بالبساتين=يلعب طرب و الهم ما جاه
هو معجبك طلع الرمامين=او معجبك خضاب حناه
او معجبك حضر مقيمين=هل القصور اللي مبناه
او معجبه بدو مقيمين=يرعون براق نثر ماه
ذبحتني يا بو عكاكين=يا خالط ورده بحناه
ذبحتني و اهلي مقيمين=و اهلك ضعنهم ما لحقناه
عساك يا الروضه تسيلين=و السيل يملا لي ركياه
حيثك مقر دويعج العين=محبوب انا ما شفت حلياه
يا العين هودي لا تلجين=صيري صبوره يا المشقاه


---------------

و هذه ايضا للشاعر حمد الرمضان من اهالي بلدة الشعرا و هي من نوع الردادي


عديت في مرقب غنى بركنه حمام=و اثر الحمامة تهيض القلب بلحونها
سلام يا اللي تبون مني سلام=واثني التحية على اللي يستحقونها
من لامني في الهوى و مرودعات الوشام=جعل النصايب على قبره يرزونها
ابو نهيد صغير مثل بيض الحمام=مثل الفناجيل بالدير يعدونها
يا رجف قلبي عليها ارجاف طي المقام=او ارجاف خيل على الحاكم يعنونها
يا بري حالي عليها بري عود الثمام=وقع عليه الجراد و طار بغصونها
و يا ونتي ونة اللي دش بحر الظلام=يبغي المراكب و حال الموج من دونها
يا زين ما ترخص الحبة و ترخي اللثام=حيث انها لا تبين و لا يقصونها
حب اريش العين وقع في ضميري وحام=و الحب الآخر على كبدي و من دونها
يا داخل السوق ما عينت ظبي العدام=ما رييته في البلد ما شفت انا لونها
ابو جديل تهلهل مثل ريش النعام=ياصل ردوفه الى دلو يعملونها
ياصلك مني يا صاحبي ردود السلام=ياصلك مع ذا الهبوب اللي جرى عونها


---------------
وهذه للشاعر محمد بن حمد بن لعبون المتوفى سنة 1247 هـ

ياذا الحمام اللي سجع بالحون=وش بك على عيني تبكيها

ذكرتني عصرٍمضى وفْنون=قبلك دروب الغي ناسيها

لا تطري الفرقى على المحزون=مااحب أنا الفرقى وطاريها

يا من ينادمني على الغليون=والدلة الصفرا مْركيها

أنتم تلوموني ولا تدرون=والنار تحرق رجل واطيها

شفت البناجر في يد المزيون=يوم أقبلت والنور غاشيها

والبّتة الصفرا زهت باللون=توّهْ اضحَيّ العيد شاريها

عمرَهْ ثمان مع سبع مضنون=مشيَ الحمام الراعبي فيها

تَلّيْت ردنَهْ وانهصر بالهون=وْلَهْ قذلةٍ بالمسك عابها

---

و هذه سامرية

:)

كريم يا بارق سرى=ما احلى رزيم الرعدفيه
يا زين عشبه الى اخضرا=و البل ترعى مفاليه
نطيت انا الحيد الاسمرا=و هيضت انا عبرتي فيه
و البل يا زينة الذرا=كم من غريب توديه
عينت ظبي تحدرا=يرعى الزهر مع مثانيه
جيته مع السطح ما درى=و الى القمر شارع فيه
الى لمسته تهصرا=يا خوي ما نيب قاويه
عليه ثويب عن العرى=جعل اريش العين يبليه
بطنه لبيب و مزعفرا=يا زين طي الحقب فيه
ابو بريم مقمرا=من فوق الاوراك زاويه
يا بو زميم مشذرا=و مزهي وجه راعيه
قم حبني لا تعذرا=و العذر ما نيب باغيه

---------------

ألا يا أهل الهوى واعِزِتالى
عديل الروح مَكَّنْ بى صوابه
عشيرٍ بالمحبه سَمِ حالى
وأنا واحَسْرِتى قلبى غدا بَهْ
هَنِيَّ اللى ينامون اللِّيالى
وقلبى ما طَرَقْهُمْ مثل ما بَهْ
أغْبط اللى من الحب صار خالى
وأنا قلبى مْشَقّىَ واعذابه
أمير السمر مَدْرِى وِشْ نِوىَ لى
ألا يالله تَعْتِجْ لى شِبابَهْ
أخذ روحى ولانى عنه سالى
وأنا وإن راح عمرى وا سفا بَهْ
حشى ما غاب عن ذهنى وبالى
ولا ساعة أحسب بِحْسَابَهْ
وأنا لى بإسم حرف النون غالى
بَخَتْ مِنْهُو حَظَىَ بَهْ وإلتوا بَهْ

عبدالله فضاله



-----------

البارحه يا عبيدى عييت أناما
درب الخطا كَثَرْ علىَّ الهواجيس
غديت مثل الذى طواه الهياما
ياحالى ياللى مثل طَيْ القراطيس
يالايمِ فرخ القطا والحماما
ومخضبات يطربن روس النواميس
والله لاأصلى له فروض التماما
وأسجد لربى من فوق روس الطعاميس
بالك تشرفنا نايفات العداما
ويلوعك غروٍ إبزين الملابيس
يا لايمى جعلك فى بحر الظلاما
وإلا حسيرٍ فى دروب المحابيس

نقيان سالم العميرى

------------

الله أقوى يانصيبي و أنا وش بيدي
كل ماعدلت واحد يميل الثاني
ولعوني بالهوى من نهار العيـدي
وعادة الأعياد تلعب على الشباني
قيدوني يالله أنك اتبطل قيدي
من يحل القيد ومن يرضي الزعلاني
من عثر حظه يصير القريب بعيدي
والصديق اللي نبي يستوي قوماني
ليش ماتشفق على عشرتي ياسيدي
ابو شامه لا تشمّت بي العدواني
ماهقيت انه بعد ما يطب البيدي
لية ٍ فاتت جرحني ولا داواني
مانفع به كثرة العلم والترديدي
جادل ٍ ماشي على الكبر والطغياني

فهد بورسلى

--------------

برقٍ تلالا قلت عزَّ الجلالا
وأثره جبين صويحِبى وأحسبه برق
يا شبه صفراً طار عنها الجلالا
طويلة السمحوق تنزح من الورق
له ريجٍ أحلى من حليب الجزالا
وأحلى من السكر الى من جا من الشرق
حنيت انا حنه هزيل الجمالا
ينقض روىَ الخيل قد مسّه الفرق
ويا قلته فى عاليات الجبالا
ماها قراح مير من دونها غرق
ماعاد للصبيان فيها إحتمالا
من كود فرقها يديهم لها طرق
قالوا تتوب من الهوى قلت لالا
إلا أن تتوب رماح ... من الزرق
قالوا تتوب من الهوى قلت لا لا
إلا إن تتوب الحناشل عن السرق
قالوا تتوب من الهوى قلت لا لا
إلا إن تتوب الشمس عن مطلع الشرق
أخذت منها حبتين تتالا
يوم أن نسناس الهوا تطرقه طرق

محسن الهزانى


---------------

تخاويت أنا والذيب سرحان
دعيته بأمان الله وجانى
لقيته خوى يقضى الشان
ندبته على المرقب شفانى
عقرت السمينه له بصفطان
وعطيته مواثيقى وأمانى
وأنا من سلايل نسل خرصان
إلى جَت مواجيب العوان

محمد بن ضبان العجمى

----------------

جَرى الدَّمْع من عينى على الخد وأنتِثَر
وِبَيَّحْ بْسَدى يا على دَمْعى الجَارى
شِجانى حمامٍ ناحٍ بِالْموقِ الحَضَر
وِهَيَّضْ غرامى تالى الليل أفْكارى
ألا واسقىَ قلبى من الويل لى ذكر
حبيبِ جِفانى يوم ونت بِهْ أشعارى
جِفانى وعَرَضْ بالجفا روحى الوَّعَر
وجسمٍ دعاه من اللحم ناحلٍ عارى
نَحَلْ حالِتى من هَجْرَهْ ويا ليت ما هجر
محبٍ يروف بْحالته دوم ويِدارى
خَنين الذِوايبْ يا على كلما خطر
على البال ذكره سَبَهْ البال بذكارى
أنا كيف بسلا عنه وأصبر كما صبر
وأنا اللى بحبه للملا شاعت أخبارى
تِلِفْنى على فرقاه وجدى من السهر
فهل يا على مِتْلِفى عن حالتى دارى
ضُحوك إللى له غرةٍ جنها القمر
إلى شَعْشَعَتْ يَسْرِى عَلىَ نورها السَّارى
حَسينٍ سِواتَهْ محدٍ شاف أو نظر
غزالٍ بزينة يَخْجِلْ البيض ويمارى
أنا سبب شوفى للغَضى فى شهر صفر
نِطَحْنى عصيرٍ وساطع نورها وارى
نِطَحْنى وِحَيَرْنى بها صافى النَّحَر
وسبه دليلى عقب ما تيه أفكارى
ألا ليت عن حالى حبيبى خَذْ الخَبَرْ
وإلى قلت قولٍ قال والله بيعارى
ألا يا أهل الهوىّ ما يِنْفَعْ الحَذَر
قَضى الله ربى ما قضى بأمْرَهْ الجَارى
بَلانى الهوىَ وبليت بالجادِلْ العَفَر
وهذا المُقَدَرْ يا على حكمة البارى
هواى الذى عنه أتحفنى مَدْ الدَّهَرْ

وهو ما يسلِ عنى ولاهوب فى كارى
أرى منه روحى يا أهل الغَّىْ فى خَطَر
إلى مت فأحذوا منه يا أهل الهوى ثارى

عبدالله الفرج

-------------

حَمامِ ياللى على روسِ المبانى
ذَكّرْتِنى مغرمٍ روحَهْ شِجِيَّه
ذَكَرْتِنى جادلٍ حِبَهْ سِبانى
مَدْعوج الأعيان مَرْدوع الشِفِيَّه
لا نبا مِنَهْ ولا خَطْ جانى
وين أتِصَبَرْ وهو يَطْرى عَلَيَّهْ
زول المَها صَدْ عنى من زمانى
وش فى ايدينى على جالِ الثِنِيَّه
يا ناس راعى المُوَّدَه ما يِدانى
ما يبكى إلا من جروحٍ خَفِيَّه
بسِ من اللوم جانى ماكفانى
معذور ياراعى النَّفْس الخليه

منصور الخرقاوى

-------------------

سلموا لى على اللى سم حالى فراقه
حسبى الله على اللى حال بينى وبينه
قايد الريم تاخذنى عليه الشِفاقه
والله إنى عليه أحن من والدينه
عقب ذيج الليالى اللى مضت والصداقه
عود القلب يرجف مثل رجف المكينه
آه ياقلبى اللى راح منى سْراقَه
تل عِرْجْ الموده وإنقطع فى يمينه
عقب ماهو نديمى صار شوفه شْفاقه
الله أكبر على بوعشر وأربع سنينه
زامياتٍ نهوده يوم زَرَّرْ إشباقه
مثل خوخ المورد توهم قاطفينه
والردايف تشيل الثوب عن حجل ساقه
مثل برقٍ تكاشف لى كشف عن جبينه
أبْعَده الشوق عنى وأنا ما أقدر فراقه
واعذاب المولع ما لقى من يعينه
أشتهى عشرته وأنا عشقته عشاقه
فى زمان مضى واليوم وينى ووينه

فهد بورسلى

****************************

سلموا لى على زين التهايا
كامل الزين مردوع الثِنِيَه
داخل السوق يشرى له مرايا
ليتنى يا فهد ذيك الشريه
جان أعَيِّد وأصير من الرعايا
كل يومٍ أقدم له التحيه
قايد الريم منبوز الشطايا
أريض العين سوى بى سويه
ليت يرجع ويرجع لى هنايا
غصون قلبى تغريف لى نديه
حسبى الله على شين الحلايا
قاضب الدرب وعيونه قويه
يا عساه توطاه الحيايا
يوردونه على حياض المنيه

عبدالله سنان

-

شـ أقول ياأهل الهوى شـ أقول
هذا نصيبى من الخلاّنى
وش فى يدينى على المَجْمول
يرضى الضَحى والعصر زعلانى
لحُّول ياأهل الهوى لحّول
تباتل الصد والهجرانى
الخد مثل الفَنَر مشعول
ياضى على الحوش والجيرانى
مضَمّرٍ والشعر منسول
لي جيت أحب النحر غطانى
عين الظبا والهدب مكحول
موتٍِ حمر نهضةِ الحجَانى
فى ذمتك يازريف الطول
عيد النظر وأدحر الشيطانى
أنا فهد من  هل العاقول
والقلب ساكن فريق ثانى

فهد بورسلى

--------------

ياهل الشرق مروا بي على القيصريّه
عضدوا لي تلقون الاجر والثوابي
واطلبوا دختر العشاق يكشف عليّه
بس يمسح على جرحي ويبري صوابي
كود يرفى جروح ٍ بالضماير خفيّه
من رفا جرح مسلم فاز يوم الحسابي
وياغريب ٍ لفانا من ديار مديّه
الغريب الهلّه وانا على العذابي
قالت الناس شوفه قلت انا وش بآيديّه
جابه الله من دياره يعزر بحالي
واتحرى مراحه واتريا مجيّه
مثل ماورى للعطشان ضوح السرابي

------

يابن سالم ترى قلبى عليهم حزين
مزعلٍ صاحبى واليوم أدور رضاه
والله إنى عليه أشفق من أم الجنين
لونسانى ترى قلبى حشى مانساه
كان ماهو معايدنى مع المسلمين
مت واللى ذبحنى يابن سالم غلاه
فى ضحى العيد عِدونى مع المَّيتين
وأحسبونى ضحية قد مت للذكاه
ياهل الغى وين أنتم نجر الونين
ونشاكا جميع ولانبا هالحياة
صاحبى يحسب أدور حتين
مادرى أنه هو اللى سم حالى هواه
أدعج ينقش الحنة بكفٍ حَسين
مثل نقش المطَّوع بالقلم والدواه
عود موزٍ اليا هب الهوا به يلين
كل ماذعذع الغربى لواه وثناه
روح ياناصر وقل لحبيبى كلمتين
قل عشيرٍ يودك صار هجرك جزاه
ياعيون الوحش برضاك لا تبخلين
انتى أسباب جرح القلب وإنتى عناه

----

يا بنات الحَّىْ ما أشوف الحَسِين
بينكم لى صاحبٍ حِلْوِ الشِفاه
خَبِرونى وِشْ عَلامَهْ ما يِبين
ليش ما يلعب معاكم وِشْ بَلاه
كل يومٍ  أتعنى للقِطِين
أتغنىَ وأتَغَزَلْ فى هواه
وأتَلَفَتْ عن شِمال وعن  يمين
أتمنى شوفِتَهْ وأحْكى معاه
كيف روحى ما رَحَمْ قلبى الحزين
كامل الأوصاف عَذَبْنى هواه
صابنى فى رمشِ عينه والجبين
لا حشىَ ما أحب مخلوقٍ سِواه

-------------
يا بوفهد منى غدا الشوق ويلاه يا بوفهد
والشوق لامنه غدا من يجيبه يا بوفهد
صد الخليل وجايد اليوم ملقاه يا بوفهد
يا فرقة الخلان ياهى مصيبة يا بوفهد
وش حيلة اللى ضيع الشوق هقواه يا بوفهد
من تسبب الفرقا عسى الله حسيبه يا بوفهد
اللى حرمنى مزةٍ من شفاياه يا بوفهد
جِعْلَهْ عليلٍ وما يحصل طبيبه يا بوفهد
خِلى من الخَفْرات ماشفت حِلْياه يا بوفهد
هو سلوة العشاق وغيره شبى به يا بوفهد

--------------

ياجر قلبى جر لدن الغصون
وغصون سدرٍ جرها السيل جرا
على الذى مشيته تخطَّى بهونى
وعصير مابين الفريجين مرا
مابين أهل جبلة وشرق إنطحونى
اللى غلاهم بالضمير إستقرا
قَرَّت عيونه ياسعد فى عيونى
ما عاد لى عن سهم عينه مفرا
غير الجروح الأوله زودونى
جرح جديد شفت منه المضرا
يا ليتهم بالدرب ما واجهونى
شوفى لهم مابه لحالى مسَّرا
حسبى عليهم ليتهم ما إنظرونى
يوم إنظروا بى طار قلبى وفرا
لاقربوا منى وإلا بعدونى
وأنا عليهم ما أقدر أتجرا
رجواى فيهم مثل من يرتجونى
مدة حريص للبخالة أمضرا
بسكاتهم يابوفهد حيرونى
لالامسٍ منهم ولانى امورا
يا ليتهم يوم أنهم صادفونى
خلونى آخذ حاجتى وأتدرا
أوليتهم عن حاجتى سائلونى
يوم إنى أقف عندهم وأتحرا
وإلا بعد يا ليتهم كلمونى
قالوا ترانا منكحنا إنتبرا
لا شك لاهذى ولاذى عطونى
دون العطا ماشفت علمٍ يسرا
أبرا لهم من حبهم وأفضحونى
من شافنى جنه علىّ اتزرا
ياليتهم بالحب ما ولعونى
كان أبعدوا عنى بخيرٍ وشرا
ما عاد ينفع عقب ما إهجرونى
هجرٍ به الحيلات عيّت تسرا
زودٍ على هجرى بعد قيدونى
ومعقدين القيد تسعين مرا
ضاع الفكر فيهم وحارت ظنونى
والحال من ود الحبيبة امبرا
ابو خدودٍ مثل برق المزونى
وضاح براق من الصيف غرا
ياليتهم من هل العذاب ارحمونى
منهم ترى ما شفت مثقال ذرا
خطرٍ من اسبابه تجينى جنونى
وارمى اهدومى ياعرب واتعرا
ياحظ منهو من نصيبه يكونى
لعل عنهم حظنا ما يغرا
وان كان حظى غر قفت ظعونى
عزى لحالىمنه انا مت حرا
لامت فى خدٍ بعيد انقلونى
على هدى الزمل مشيه تدرا
واذا وصلتم فى حشاه ادفنونى
فى مستكن الروح ما هو بّرا
بين ....وحدر شقر القرونى
عن الهبايب مستكن مذرا
وان ما حصل فى دربهم اقبرونى
حتى الى من مر قبرى تطرا

*******************

يا حبيبى حكمت وخل حكمك عدال
سوى بى ما تشاء وافعل على ما تريد
الله اللى عطاك وصورك بالجمال
فارق بالبها والملح فرق بعيد
من تجى راس ماله مايبى راس مال
ان حيا جنته وان مات يكتب شهيد
ليت من ينبه يا سعود ذاك الغزال
ثم يزبن عليهم مثل زبنة رشيد
آه من فات عمره ما اهتنى بالوصال
راح عمرى وعشت عيشة رشيد
جل من صورك وكملك بالكمال
اشهد ان اللى نالك ذاك حظه سعيد
يا حسين البها ماعاد فينى احتمال
باح صبرى وحبك كل يوم يزيد
ساهرات عيونى فيك طول الليال
باكى واتذلل كود فيكم يفيد

************************

يا ذا الحمام إللى لَعَىَ بغصون
وِشْ بكْ على عينى تِبِكيها
ذكرتنى يا ذا الحمامِ بِفْنون
قَبْلك عصور الغيّ ناسيها
ذكرتنى غِرْوٍ حَسين اللون
يازين ذيك النَّفْس وراعيها
يامن يناصرنى وأنا مفتون
والروح فيها والذى فيها
ومن الوَلَعْ ياسعود صرت مجنون
يا سعود قل لي  ش الحول فيها

------------

ياسعود فات من الشهر خمسة وعشرين ..... ما شفت خلى
خايف عليه من الخطر بين البساتين ..... شرقى حولى
خوفى يشوقه غرسهم والمنظر الزين ..... ماى وظلى
ما أحلى قوامه لى مشى مابين ثنتين ..... وأقبل يهلى
نافلٍ عليهم بالقدم والخشم والعين ..... ردفٍ يتلى
بينى وبينه نلتقى مابين عيدين ..... وا كبر غلى
يا سعود ما بصويحبى شىٍ من الشين .... كود التغلى
يرضى ويزعل صاحبى وإن زاد يومين .... ياخذ ويخلى

-------------

يا على صَوَّت الرفيع .... يا مَرَة لاتذبين القناع
قل لها المهرة الصفرا الصنيع ... سنها عندكم وقم الرباع
نشترى منك جان إنك تبيع .... بالعمر مير ماظنى تباع
سايمين الهوى يامن يبيع.... تشترون الهوى يا أهل الرفاع
شاقنى يا على قمرٍ وربيع.... يوم أنا آمر وكل أمرى مطاع
يوم أهلنا وأهل مَيٍ جميع... نازلين على جال الرفاع
ضحكتى بينهم وأنا رضيع .... ما سوت يجيتى يوم الوداع
هم برونى وأنا عودى رفيع.... يا على مثل ما تبرى اليراع
طَوَّعونى وأنا ما كنت أطيع ... وغلبونى وأنا قرمٍ شجاع
وَجْدِ عينى علىَ ظبىٍ تليع ... عندكم جن فى خده شماع
وأنت يالايمى جعلك تضيع .... ماتمارى بها مثل الشعاع
ودى أسلاه والكون الفنيع .... سلوتى يا على ماتستطاع
شيبتنى وأنا توى رضيع ... جاهلٍ توفى سن الرضاع
دون مىْ الظبى وأم الوضيع ....  والثعالب وتربيع الشراع

---------

يا ليت من يدرى عن المرضانى
اليوم عقب اصخونته وشلونه
لا عاد لا جيته وهو ما جانى
من كثر حساد الجماعة دونه
ليت الوجع يضفى على الريدانى
إلا عشيرى ما تجيه اصخونه
والله لولا هرجة العربانى
واخاف فى درب الردى يرمونه
إنى لجيله الصبح و مسيانى
واقول ما جور من المعونه

------

مواضيع مشابهة أو ذات علاقة بالموضوع :