شاعر وقصيدة ( ليته سكت)

يا مضحّك الناس ما يِطري عليك الفضول
                                 الناس تضحك معك وإلا عليك ضحكت؟
الشاعر الكبير ؛  عبدالله الطلحي الهذلي٠٠ شاعر حكمة من الطراز النادر، وقصيدته ( ليته سكت ) التي نستعرض أبياتها هنا  خير شاهد على ذلك،   فهو يُحدثنا هنا عن إحدى السمات المُلازمة للرجل الحكيم دائماً،  وهي سمة الصمت/ السكوت،  وقد تكون هذه القصيدة تأكيداً   لمقولة أحد الحكماء حين قال:  ٠(  الحكمة عشرة أجزاء،   تسعةٌ منها في الصمت  )٠
وفي الحديث   .( فليقل خيرآ أو ليصمت ).
يقول الطلحي:

ما كل دخان في المجلس يجي له قبول
من قال دخان عود الطيب مثل البكت

ولا كل قافٍ سمعته قلت ليته يطول
                     قيفان ما هزت إحساسي ولا حركت

ولا كل راعي سوالف ملتزم بالأصول
                       كم سالفه من خيال الراوي تفبركت

يا مضحّك الناس ما يِطري عليك الفضول
             الناس تضحك معك وإلا عليك إضْحكت  ؟

إن كان ما أنته بقايل شيء يملى العقول
                 الصمت لك خير  من ترديد بعض النكت

محدٍ بقايل لراعي الصمت ليته يقول
                    لا شك.. كم قيل للهرّاج ليته سكت !

ويا شاعرٍ صرت من دنيا الهوى في ذهول
                 دنيا الهوى شربكت دنياك وتشربكت

ما تهرج إلا عن الفرقا وظلم العذول
               وقلوب تشكي لها ، وقلوب منك اشتكت

لو القصايد تقدم للقضايا حلول
              ما كل ساعة نزف جرحك وعينك بكت

في سكة الوهم ما تلقى محطة وصول
                   كم ضيعت ناس قدّامك  وناس أهلكت

قبلك ترانا مشيناها طلوع ونزول
                     سقنا الركايب بدرب الجهل لين بركت

حتى وصلنا بعد مرّت علينا الفصول
                     لنهاية الصيف وأيام الخريف أوشكت

من هرجنا ويش مكسبنا بعد ما نزول
                    ياما حكينا وياما الناس عنّا حكت !

والهرج من دون قال الله، وقال الرسول
                          جسمٍ بلا روح لو إن العقول أدركت

        ------------
صح لسانه حيآ وأمد في عمره  ورحمه الله ووالديه ميتا 


مواضيع مشابهة - أو -ذات صلة :

الا يالله طلبتـك يــا إلـهـي و انـتـه المطـلـوب