الامير الشاعر محمد الاحمد السديري :نسبه.. حياته.. بعض قصائده

      شاعر بجمال محمد الاحمد السديري الحديث عنه ذو شجون…لنك تجد امامك وانت تبحث في حياته الكثير والكثير مما يستحق ان تكتب عنه…شاعر تميز بشاعريته الجمه…حقق جمال الشعر بما كتب واستمر ماكتبه باقي بيننا رغم مرور السنوات على رحيل الشاعر يرحمه الله …

هو معالي الامير الشاعر محمد الاحمد السديري وهو غني عن التعريف لما له من شهرة واسعة ومكانة كبيرة

وشاعرية فذة فهو اديب كبير ساهم في خدمة الادب الشعبي ورقيه وتألقه,

شاعرنا هو محمد بن احمد بن محمد بن تركي بن سليمان السديري – رحمه الله تعالى – ولد عام 1340ه تقريبا في مدينة ليلى بالافلاج حيث كان والده اميرا عليها ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,, في السابعة عشرة من عمره اختاره الملك عبدالعزيز – رحمهما الله – اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدود الشمالية والشمالية الشرقية ثم انتقل الى منطقة جيزان عام 1363ه وتولى امارتها ومكث هناك، وعندما ثارت المشاكل على الحدود السعودية اليمنية بعد الاطاحة بالامام يحيى بن احمد سيطر معاليه على الحدود بحنكة ودهاء وعين عام 68ه قائد للفدائيين السعوديين في فلسطين ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينة عرعر مركزا للمحافظة وكانت حينذاك صحراء قاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر والقيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم,

بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398ه بالرياض ودفن بالخفيات في شمال القصيم – رحمه الله – وأسكنه فسيح جناته وقد رثاه عدد كبير من الشعراء بقصائد تدمي القلوب,

اما شعره فهو يعد من ابرز الشعراء وأرفعهم منزلة وله مكانة في قلوب عشاق الشعر ومحبيه,

 

ابو زيد ياليت الدهر ما غدى به =ياليت نفسه توهبت هبوبها

رحل عن الدنيا وذكراه باقية= وسط المجالس معجزاته حكوا بها

ابو زيد نطاح الامور الصعايب =لولا الشهود الناس ما صدقوا بها

الله من ناس تذكر محمد =إليا ابتلتهم مشكلة وابتلوا بها

——-

نعم كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من جميع انحاء المملكة والخليج بل والدول العربية من ادباء وشعراء كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة ملما بأحوال العرب واشعارهم وأدبهم وحروبهم ومواقفهم عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة وشعره القوي العذب له عدد من القصائد يفاخر بها ويحق له الفخر منها قوله

 

الله من هم بروحي سهجها =بخا في ضميري في كنين الحشا لاج

احر من نار توقد وهجها =منها خطر روحي على سلك ديباج

وعين عسى المولى يعجل فرجها =يفوح ناظرها كما عين هداج

استرسلت للدمع من مارهجها =غيظ يكظ عبارها مثل الامواج

كم واحد له غاية ماهرجها =يكنها لو هو للادنين محتاج

يخاف من عوجا طوال عوجها =هرجت قفا يركض بها كل هراج

يقضب عليك المخطية من حججها =حلو نباه وقلبه ابيض من الصاج

الله خلق دنيا وساع فججها =وعن ما يريب القلب لك كم منهاج

والرجل وان شطت لياليك سجها =عسى تواليها تبشر بالافراج

——-

اما قصيدته الثانية التي لاقت شهرة واسعة وصدى طيبا والتي تغنى بها اخيرا فنان العرب محمد عبده وأداها بلحن جميل واثبت ان الشعر الشعبي متى ما وجد من يخدمه بالشكل اللائق فانه ينجح نجاحا باهرا وان له عشاقه ومتذوقوه الذين يطربون له ويفهمونه ويتفاعلون معه,, القصيدة التي معانيها جزلة وتصويرها بديع وهي مترابطة وسلسة وبها من الحكم ما لا يقوله الا حكيم مجرب اذ يقول شاعرنا

 

يقول من عدا على راس عالي =رجم طويل يدهله كل قرناس

في راس مرجوم عسير المنالي =تلعب به الارياح مع كل نسناس

في مهمة قفر من الناس خالي =يشتاق له من حس بالقلب هوجاس

قعدت في راسه وحيد لحالي =براس الطويل ملابقه تقل حراس

متذكر في مرقبي وش غدالي =وضعقت بالكفين ياس على ياس

اخذت اعد ايامها والليالي =دنيا تقلب ما عرفنا لها قياس

كم فرقت ما بين غالي وغالي =لوشفت منها ربح ترجع للافلاس

يقطعك دنيا ما لها اول وتالي= لو اضحكت للغبن تقرع بالاجراس

المستريح اللي من العقل خالي= ما هو بلجات الهواجيس عطاس

ماهوب مثلي مشكلاته جلالي =ازريت اسجلهن بحبر وقرطاس

حملي ثقيل وشايلة باحتمالي= واصبر على مر الليالي والليالي والاتعاس

وارسي كما ترسي رواس الجبالي =ولا يشتكي ضلع عليه القدم داس

يابجاد شب النار وادن الدلالي =واحمس لنا يابجاد ما يقعد الراس

ودقه بنجر ياظريف العيالي =يجذب لنا ربع على اكوار جلاس

وزله الى منه رقد كل سالي =وخله يفوح وقنن الهيل بقياس

وصبه ومده ياكريم السبالي =يبعد همومي يوم اشمه بالانفاس

فنجال يغدي ما تصور ببالي =وروابع تضرب بها اخماس واسداس

لاخاب ظني بالرفيق الموالي =مالي مشاريه على نايد الناس

لعل قصر ما يجيله ظلالي =ينهد من عال مبانيه للساس

لاصار ما هو مدهل للرجالي= وملجا لمن هو يشكي الضيم والباس

بحسناك يامنشي حقوق الخيالي= ياخالق اجناس ويامغني اجناس

تجعل مقره دارس العهد بالي =صحصاح دوِّ دارس مابه اوناس

البوم في تالي هدامه يلالي =جزاك ياقصر الخنا وكر الادناس

متى تربع دارنا والمغالي =وتخضر فياض عقب ما هيب يباس

نشوف فيها الديدحان متوالي =مثل الرعاف بخصر مدقوق الالعاس

ونثير على البيدا سوات الزوالي =يشرق حماره شرقة الصبغ بالكاس

وتكبر دفوف معبسات الشمارلي =ويبني عليهن الشحم مثل الاطعاس 

——-

ومن القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه

 

ياقلبي اللي من هوى البيض معتاذ =واليوم اشوف الوجد والشوق بذه

حسبي على اللي للمواصيل جذاذ =حبل الوصل من بيننا البعد جذه

يسقي منازل لين العود رذاذ =يلقى بها ظبي الطعاميس لذه

الصاحب اللي عن هوى القلب مالاذ =لاقلت دوك القلب يازين غذّه

ولانيب من هرجه كثير وهذاذّ =ماشاف في ليله نهاره يهذّه

عساك تأتي لي يابو زيد نفاذ =قلب تحذى الشور ياخوك حذه 

وقد اجابه شاعرنا الامير محمد السديري – رحمه الله – رغم صعوبة القافية الا عليه فانها لا تصعب مهما كانت فقال

 

أسهر طوال الليل واغضي على الحاذ =وعن الصديق القلب ما فيه شذه

شكواك خلت بسرة القلب تخاذ =ولا عاد في قلبي من الصبر فذّه

اللي يا بو بندر جعل قلبك افلاذ =مشربك ياممدوح الأفعال عذّه

طفل سهم عينه بالاعماق نفاذ= والحق عليك بقذة عقب قذّه

ان كان مالك فيه مدخل ومنفاذ =له الشبك في مدهل الصيد بذّه

وإليا دخل وسط الشبك يابن الافذاذ =غوجك لساعات المهمات حذّه 

——–

اما المساجلة الاخرى فهي بينه وبين صديقه الخاص الشاعر زبن بن عمير العتيبي – رحمهما الله – اذ قال شاعرنا محمد السديري

 

يازبن ودعناك في يوم الاثنين =لعلها لك ياخو صنعا مسافير

بجيرة الله ياعشير الغلامين =يامقفي عنا ذكرناك بالخير

نغليك يوم إنك بعيد عن الشين= وريف لضيفك في ليال المعاسير

يوم تغيبه عندنا قدر عامين =ويوم نشوفك فيه عز وتباشير

هذا الفراق اللي نظرناه بالعين =وعز الله انك ناوي بالمحادير

يازبن يالبراق بالله الى وين =واسلم ورد العلم يازبن العمير 

فأجابه زبن بن عمير على الابيات الماضية قائلا

 

وانا بعد ودعتك الله بتسعين= وداعة من حفظ والي المقادير

ياباذل الحسنى على المستحقين =ونطاح بالضيقات وجه المناعير

ياللي بدرب الطيب جالك براهين =ولبست بالبيضا ثياب مشاهير

يبون دربك ناس واجد وعجزين =يجي لهم من دون دربك عواثير

ولا يختفي فعل به الناس دارين =لين انها تمحى الجبال المزابير

من يوم عنك اقفيت والقلب والعين =عندك,, وفي جسمي تشب السواعير 

———

وله ابيات تظهر لنا حكمته وعقله وسعة علمه واطلاعه وايمانه بالله عز

وجل فيقول عن المعجزات الثلاث

لولا الهرم والفقر والثالث الموت

يالا دمي بالكون ياعظم شانك

سخرت ذرات الهوى تنقل الصوت

وخليتها اطوع من تحرك بنانك

جماد تكلمها وهي وسط تابوت

تاخذ وتعطي ماصدر من بيانك

وعزمت من فوق القمر تبني بيوت

من يقهرك لو هو طويل زمانك

لولا الثلاث وشان من قدر القوت

نفذت كل اللي يقوله لسانك

——–

إن باعوا الشيمة

 

إن صـار زود المال بيدين الانـذال =حنـّا مـن المعـروف تندا يدينا

وان كانهم شرهوا على طيب الافعال =حنـّا وردنـا جـمامها وارتوينا

وان فكـّروا للجـود يمشون رحّال = حنـّا قبـل يمشون يـّمه خطينا

يـا مـا لبسنا للشرف كـل سربال =وعلـى البسيطة للفضيلـة مشينا

فـي دوحـة العربـا لنا مجد وظلال =وحنـّا علـى در المكـارم غـذينا

لـو نـجمع اللي فات منا مـن المال=إن كـان شيدنـا القصور وبنينا

نـعطي ولا نـتبع عطانـا بالاقـوال =ونبـذل ونسكت كنـنا ما عطينا

وان باعـوا الشيمـة بديـنار وريال =حنـا دخلنـا سوقهـا واشتـرينا

نطلـع لها لـو هي على روس الاقذال = لـو هـو عسيـر ٍ دربها ما انثنينا

بـافعالنـا نرسم دروب ٍ للاجيـال =إلـي نساهـا غيـرنا مـا نسينا

أسـود سـادات ٍ تسجل للاشبـال = فضايـل ٍ شـمنا لهـا واهتديـنا

بـيض ٍ نسجلهن جديدات وسـمال =حـفايـظ ٍ لاحفادنـا اللاحقيـنا

نصبـر على الشـّدات لـو شيلنا مال =لـو سـال دم دفوفـنا ما شكينا

نـخاف يلقـى سـدنا كـل ختـّال= ويـبني هـزيلات المعانـي عليـنا

الليـل يـا خالـد علـى والدك طال =وهنـّيـت ناس ٍ بالكـرا نـايمينا

يا عـز راسـي شفت مـا خبث البال =شـي ٍ يهـوّل شيـّب الـجاهلينا

شـي ٍ مـن اسبابـه يشيب بالاطفال =فطّـر خـشوم مهجـرعات الحنينا

أديـر قـالات ٍ عريضـات وطوال =قـالات خـلنّ المخفـىّ يـبـينا

منهـن رزيـن العقـل بالوقت يهتال = بـوقت ٍ عبـوس ٍ فطّـن الغافلينا

وقـت ٍ من اسبابـه شكى كل ريبال =نصبـر ونسكـت كنـنا غايـبينا

النـاس بـالأيـام راحـل ونـّزال = وتفجعهم الدنـيا وهـم دالـهيـنا

وحـيـات رب ٍ نزل آيات الانفال =عـالـم خفايـا نـية الحاقـدينا

ما اترك طريق العدل في كـل الاحوال = لـو يـرحـل المـريـخ للفرقدينا 

—————-

قل لي هلا

 

قل لي هلا وآقول صبحك بالخـير =وقل مرحبا واقول يا روح روحي

يابـو ثـمان ٍ بالمبيسـم مغاتيـر =أغليك وانت اللي تسبب جروحي

جاوبت من فرقاك خلج ٍ على ضير =وناديـت باسمك والمخاليق توحي

حيثك هواي من البني الغـناديـر =وليا عذلنـي واحد ٍ قلت ما اوحي

أغليك ما طاوعت عذال ومشـير = وحيـات من مشى السفينة بنوحي

قلبي على لاماك يكفـخ كما الطير =مـا عادلـت روعات قلبي فروحي

ورجلي تزيد المشي يـمك بتصخير = ولا تـعـدت يـم غيرك شبوحي

وهموم قلبـي منـك ورد ومصادير = اكـّن عبـراتي ودمعـي يفوحي

وش جابنـي لولا ان هذي مقاديـر = الا انـها كتبت بلـوحك ولوحي

————-

ولشاعرنا الكبير قصيدة جميلة في احد ابنائه..
وهو العميد ركن د. تركي بن محمد السديري .

ولنترك المجال في الحديث عنها لمن قيلت فيه… يقول العميد ركن د. تركي:
قيلت هذه القصيدة عندما كنت ادرس الطيران في ذلك الوقت وذلك عندما رغبت ان التحق بالقوات الجوية وكانت هناك معارضة من والدتي – امد الله في عمرها – وطلبت من والدي ألا يوافق على دراستي للطيران ،وعندما شعرت بأنني لا استطيع تحقيق رغبتي ذهبت لسمو سيدي الأمير سلطان بن عبد العزيز – حفظه الله – الى قصر سموه العامر في الخالدية بالطائف وتقدمت له بأن يحقق رغبتي وشجعني – امد الله في عمره – وقال لي بعد صلاة العشاء ائتني وسوف احقق لك رغبتك وحضرت لسموه الكريم وطلب مني الركوب معه في سيارته الخاصة وذهب بي عند الوالد في بيتنا في الخالدية وعندما دخلنا ورآه الوالد قال له (سواها,, سواها) يا سمو الأمير فقال له سمو الأمير سلطان (انني اطلبك اياه يا خالي) ومن ثم حصل لي ما كنت اتمناه وشعرت ان الوالد اخذ في خاطره ظاهرياً وكان سعيداً داخلياً ولم يشعرني برضاه في بداية دراستي ثم ارسل لي رحمه الله هذه القصيدة وكان ذلك عام 1389هـ .

قلبي 

ذكراك في قلبي وروياك بالعين =وغلاك عندي كل يوم يزيدي
ياالساطي القطاع بالعسر واللين =يااللي لعصمان الشوارب عنيدي
غاذيك لايامٍ بها الربع ربعين =لنطح العدو وان جا نهارٍ يكيدي
ابيك طيرٍ ترتفع بالجناحين =حرٍ لجزلات المعاني تصيدي
ابيك لي وإلى غدا الجمع جمعين =لكسب المعالي ما تجيب الزهيدي
أبيك وان ثاروا هل الدين بالدين= تصير مفراص الحديد الحديدي
وسلم على خالد زبون المخلين =اخوك عزك بالنهار الشديدي
اخوك بالشدات طلق الذراعين =اخوك كساب الثنا والحميدي

———

هوجاس 

الذل يوذي لابسات المقانع =وشلون يرضونه رجالٍ لهم ساس
يابوعبيد الوقت ماهو مسانع =وعيني يذاودها عن النوم حرَّاس
وفكري بغبات الهواجيس دافع =وان فات هوجاسٍ دخل فيه هوجاس 

——–

كما انا شعر محمد الاحمد السديري لم يخلو من القصائد الوطنيه الجميله جداً منها تلك القصيدة التي يقول فيها 

ياللي لكم في منبر المجد محراب=نلتوه من عقب الكدر والمصايب

نلتوا رفيع المجد بسيوف وحراب=وعدوانكم شافوا كثير الغلايب

بحزم ولطم فيه تقطيع الارقاب=وعزم جلاميد الصخر منه ذايب

وحرب مرير فيه تقتيل الاشناب=يقلب شعر راس الولد منه شايب

يشهد لهم بالطيب من وسط الاصلاب=والحي واللي حد رعوج النصايب

صفوة هل العوجا مهدين الاصعاب=تارد حياض الموت ورد الجلايب 

———-

ومن القصائد النادرة للامير الراحل قصيدة سلمى … والتي كتبها الشاعر الراحل في عام 1377هـ ويقول فيها… 

سلمى تقول ان الموده غرابيل= وانا على سلمى عليل الضماير
سلمى تقول الحب ويلٍ بثر ويل=وانا حشاي بجاير الحب فاير
وسلمى لها بقصى الضماير مداهيل =وعندي لسلمى بالموده سراير
اسأل عليها كل ما يقبل الليل=والصبح اوصي يمها كل طاير
الحب في قلبي صبغ صبغة النيل=بين المحاني صايب الحب جاير
وياما توجَّد والضماير مغاليل =وياما على سلمى عطيت البشاير
طفلٍ سلب عقلي بسودٍ مضاليل= منها قلوب اهل الموده عثاير
ورموش سودٍ ما تكحل من الميل =سواه خلاق البحر والجزاير
دارٍ لسلمى ما تجيها المراسيل =دارٍ لقلبي في حماها ذخاير
ارسل لها من ناحلات المراميل =ما يصلنه ناقلات المجاير
اطلب لها من رايح المزن بالسيل=منه الزبيدي نابتٍ بالمحاير

———–

وله رحمه الله مجموعة كبيرة من الابيات لايعرف الكثير انه كان قائلها… ومن تلك الابيات..

يامعدي المرقاب خله لمشتاق     حول وخل معذب القلب يرقا
ياليت ربي ماخلق وفراق       وإلا خلـق حبٍ على غيـر فرقا

وحين قال

الى هب الهوى يزداد وجدي       على شانه يجي من يم نجدي

يمر ديار معسول الثنايا      ابو شعر على المتنين رجدي

واما اخر بيت من الشاعر قاله الشاعر وكان هو اخر بيت في حياته…
فهو قوله رحمه الله…

( أن شفتـكم ربّع فؤادي بالأزهــار…. وان كان غبتو صـفق القلب مقـهور )

رحم الله شاعرنا الكبير الامير محمد الاحمد السديري رحمة واسعه واسكنه فسيح جناته… واعتذر عن اي قصور… ولكن ذلك ما استطعت جمعه.. ولكم كل التحيه…

اعداد:
  فهد المحيسن   14/05/2016
   
-

--------------------
إضافة من موقع آخر
 

الأمير محمد بن أحمد بن محمد بن أحمد بن محمد بن سليمان السديري ولد في نجد بحدود 1915 ميلادي وتوفي في الرياض 1979. شغف بالشعر والفروسيه والقنص. يعتبر من الشعراء الكبار في الخليج والجزيرة العربية. اشتهر بشعر الغزل وكذلك الحكم وتجارب الحياه.

وقد برز محمد الأحمد السديري سياسياً عندما تولى أمارة الجوف في سنة 1938م وكان في الخامسة والعشرين من عمره، حيث عهد إليه الملك عبدالعزيز بعدة مهام منها التوفيق بين القبائل المتناحرة، حيث تمكن من ذلك بفضلٍ من الله ثم ببراعته وحنكته.

عين سنة 1945م أميراُ على ولاية جيزان الجنوبية وأستمر في حكمها حتى سنة 1948م.

عين أميراً للمجاهدين سنة 1948م على قوات المجاهدين من أجل فلسطين عندما اندلعت الحروب بين العرب واليهود وقد تم تعيينه أميراً للمجاهدين بعد اجتماع جلالة الملك عبدالعزيز بجماعته المقربين ومنهم الشجعان والفرسان والقادة، وبعد ان تكلم عن فلسطين ومن يقود المجاهدين لها، فكان أول من قال انا لها هو الأمير محمد.

و قد أعطاه جلالة الملك عبدالعزيز الصلاحيات في التصرف في الأراضي وقد أسس ثلاث مدن عرعر و القيصومة و طريف .

عين مشرفاً على الحدود الجنوبية بمنطقة جيزان سنة 1962 بعد الأنقلاب العسكري الذي أطاح بإمام اليمن محمد البدر بن أحمد حميد الدين أخر أئمة اليمن.

توفي الأمير الشاعر محمد بن أحمد السديري في سنة 1970م تاركاً ورائه تاريخ حافل وديواناً شعرياً يضم أكثر من 220 قطعة شعرية ويوجد له الكثر من القصائد التي لم تنشر، وكتابات أدبية مثل (الدمعة الحمراء) وتاريخية مثل كتاب (ابطال من الصحراء) والذي يتحدث عن سيرة بعض شيوخ القبائل.

 

 

بعض من أشعاره:

كما يعرف متابعون الشعر النبطي ان الشاعر محمد السديري من الشعراء المتمكنين والنوادر، حيث انه برز بروز عظيم بين جيله والجيل الذي سبقه، فعُرف محمد الأحمد متمكن وضليع في كل طرق الشعر النبطي، من الحكمه، والفخر، والرثاء، والوصف، والغزل، وله في الهجاء ولاكن لم ينشر من هجائه شي حتى الآن وعُرف من قصائده ثلاث ملاحم شعرية عظيمه وهي، الملحمة عكاظ، وملحمة الزايدية، والملحمة الشعبية.


 
  زوجاته:

    الشيخه شريفة السلمان ام زيد
    الشيخه نفله الشعلان أم مشعل
    الشيخه رجنة بنت شطي بن فهد الرمال أم خالد
    الشيخه نوف بنت سلطان بن سطام الطيار أم تركي
    الشيخه بنت أبانمي أم شيخة
    الشيخه مها العسيري أم نورة

  أبنائه

    الأمير زيد بن محمد الأحمد السديري
    الأمير مشعل بن محمد بن أحمد السديري وله من الأبناء ( سارة، سامي، ريما، دلال، ياسمين، العنود)
    الأمير خالد بن محمد بن أحمد السديري
    الأمير تركي بن محمد بن أحمد السديري متزوج من ابنة خالة ولة من الأبناء ( محمد ,نايف ,نواف ,عبدالعزيز , ريمة, نوف, عبير)
    الأمير عبدالله بن محمد بن أحمد السديري متزوج من الأميرة نوف بنت مساعد بن أحمد السديري وابنائه هم (نواف , محمد, عبدالعزيز ,فهد ,شروق ,الجوهرة)
    الأمير سلطان بن محمد بن أحمد السديري متزوج من الكويت ولة من الأبناء ( لين وسارة ونوف )
    الأمير أحمد بن محمد الأحمد السديري متزوج من الأميرة الجوهرة بنت خالد بن أحمد السديري ولة من الأبناء ( لامة , سارة , ديانة , حصة , عبير)
    الأمير يزيد بن محمد بن أحمد السديري متزوج من الأميرة سلطانة بنت سليمان بن أحمد السديري ولة من الأبناء (محمد , بدر , فيصل , بدور , نورة)
    الأمير سامي بن محمد بن أحمد السديري متزوج من الأميرة هيفا بنت بدر بن محمد بن عبدالرحمن آل سعود ولة من الأبناء (سعود,سلطان,بدر,هالة,سارة)
    الأمير سلمان بن محمد بن أحمد السديري متزوج من الأميرة مشاعل بنت فيصل بن سعود بن عبدالعزيز آل سعود ولة من الأبناء (فهد , خالد , العنود , هالة)
    الأمير فهد بن محمد بن أحمد السديري متزوج و لة من البنات ( عليا , هيفا , ريمة )
    الأمير فيصل بن محمد بن أحمد السديري ( رحمة الله )

  بناته:
    الأميرة نورة بنت محمد بن أحمد السديري حرم الأمير مساعد بن خالد بن أحمد السديري
    الأميرة حصة بنت محمد بن أحمد السديري
    الأميرة الجوهرة بنت محمد بن أحمد السديري
    الأميرة شيخة بنت محمد بن أحمد السديري حرم الأمير محمد بن تركي بن أحمد السديري أمير منطقة جيزان سابقا
    الأميرة عفراء بنت محمد بن أحمد السديري حرم تركي بن أحمد بن تركي السديري
    الأميرة منيرة بنت محمد بن أحمد السديري حرم الأمير عبدالعزيز بن خالد بن أحمد السديري
    الأميرة مها بنت محمد بن أحمد السديري حرم صاحب السمو الملكي الأمير نايف بن عبد العزيز آل سعود النائب الثاني لرئيس مجلس الوزراء وزير الداخلية السعودي
    الأميرة عليا بنت محمد بن أحمد السديري حرم الأمير تركي بن مساعد بن أحمد السديري
    الأميرة هيفا بنت محمد بن أحمد السديري حرم الأمير عبدالمحسن بن تركي بن أحمد السديري
    الأميرة ريمة بنت محمد بن أحمد السديري تزوجت من أسرة آل ثاني و أنجبت بنت ثم تزوجها من أسرة الشعلان
    الأميرة أمل بنت محمد بن أحمد السديري حرم الأمير طارق بن مساعد بن أحمد السديري
    الأميرة عبير بنت محمد بن أحمد السديري حرم محمد المعمر


اما شعره فهو يعد من ابرز الشعراء وأرفعهم منزلة وله مكانة في قلوب عشاق الشعر ومحبيه,

ابو زيد ياليت الدهر ما غدى به
ياليت نفسه توهبت هبوبها
رحل عن الدنيا وذكراه باقية
وسط المجالس معجزاته حكوا بها
ابو زيد نطاح الامور الصعايب
لولا الشهود الناس ما صدقوا بها
الله من ناس تذكر محمد
إليا ابتلتهم مشكلة وابتلوا بها

نعم كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من جميع انحاء المملكة والخليج بل والدول العربية من ادباء وشعراء كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة ملما بأحوال العرب واشعارهم وأدبهم وحروبهم ومواقفهم عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة وشعره القوي العذب له عدد من القصائد يفاخر بها ويحق له الفخر منها قوله:

الله من هم بروحي سهجها
بخا في ضميري في كنين الحشا لاج
احر من نار قوقد وهجها
منها خطر روحي على سلك ديباج
وعين عسى المولى يعجل فرجها
يفوح ناظرها كما عين هداج
استرسلت للدمع مسمار هجها
غيظ يكظ عبارها مثل الامواج
كم واحد له غاية ماهرجها
يكنها لو هو للادنين محتاج
يخاف من عوجا طوال عوجها
هرجت قفا يركض بها كل هراج
يقضب عليك المخطية من حججها
حلو نباه وقلبه ابيض من الصاج
الله خلق دنيا وساع فججها
وعن ما يريب القلب لك كم منهاج
والرجل وان شطت لياليك سجها
عسى تواليها بتشر بالافراج

اما قصيدته الثانية التي لاقت شهرة واسعة وصدى طيبا والتي تغنى بها اخيرا فنان العرب محمد عبده وأداها بلحن جميل واثبت ان الشعر الشعبي متى ما وجد من يخدمه بالشكل اللائق فانه ينجح نجاحا باهرا وان له عشاقه ومتذوقوه الذين يطربون له ويفهمونه ويتفاعلون معه,, القصيدة التي معانيها جزلة وتصويرها بديع وهي مترابطة وسلسة وبها من الحكم ما لا يقوله الا حكيم مجرب اذ يقول شاعرنا:


يقول من عدا على راس عالي
رجم طويل يدهله كل قرناس
في راس مرجوم عسير المنالي
تلعب به الارياح مع كل نسناس
في مهمة قفر من الناس خالي
يشتاق له من حس بالقلب هوجاس
قعدت في راسه وحيد لحالي
براس الطويل ملابقه تقل حراس
متذكر في مرقبي وش غدالي
وضعقت بالكفين ياس على ياس
اخذت اعد ايامها والليالي
دنيا تقلب ما عرفنا لها قياس
كم فرقت ما بين غالي وغالي
لوشفت منها ربح ترجع للافلاس
يقطعك دنيا ما لها اول وتالي
لو اضحكت للغبن تقرع بالاجراس
المستريح اللي من العقل خالي
ما هو بلجات الهواجيس عطاس
ماهوب مثلي مشكلاته جلالي
ازريت اسجلهن بحبر وقرطاس
حملي ثقيل وشايلة باحتمالي
واصبر على مر الليالي والليالي والاتعاس
وارسي كما ترسي رواس الجبالي
ولا يشتكي ضلع عليه القدم داس
يابجاد شب النار وادن الدلالي
واحمس لنا يابجاد ما يقعد الراس
ودقه بنجر ياظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده ياكريم السبالي
يبعد همومي يوم اشمه بالانفاس
فنجال يغدي ما تصور ببالي
وروابع تضرب بها اخماس واسداس
لاخاب ظني بالرفيق الموالي
مالي مشاريه على نايد الناس
لعل قصر ما يجيله ظلالي
ينهد من عال مبانيه للساس
لاصار ما هو مدهل للرجالي
وملجا لمن هو يشكي الضيم والباس
بحسناك يامنشي حقوق الخيالي
ياخالق اجناس ويامغني اجناس
تجعل مقره دارس العهد بالي
صحصاح دوِّ دارس مابه اوناس
البوم في تالي هدامه يلالي
جزاك ياقصر الخنا وكر الادناس
متى تربع دارنا والمغالي
وتخضر فياض عقب ما هيب يباس
نشوف فيها الديدحان متوالي
مثل الرعاف بخصر مدقوق الالعاس
ونثير على البيدا سوات الزوالي
يشرق حماره شرقة الصبغ بالكاس
وتكبر دفوف معبسات الشمارلي
ويبني عليهن الشحم مثل الاطعاس

ومن القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه :


ياقلبي اللي من هوى البيض معتاذ
واليوم اشوف الوجد والشوق بذه
حسبي على اللي للمواصيل جذاذ
حبل الوصل من بيننا البعد جذه
يسقي منازل لين العود رذاذ
يلقى بها ظبي الطعاميس لذه
الصاحب اللي عن هوى القلب مالاذ
لاقلت دوك القلب يازين غذّه
ولانيب من هرجه كثير وهذاذّ
ماشاف في ليله نهاره يهذّه
عساك تأتي لي يابو زيد نفاذ
قلب تحذى الشور ياخوك حذه

وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال :


أسهر طوال الليل واغضي على الحاذ
وعن الصديق القلب ما فيه شذه
شكواك خلت بسرة القلب تخاذ
ولا عاد في قلبي من الصبر فذّه
اللي يا بو بندر جعل قلبك افلاذ
مشربك ياممدوح الأفعال عذّه
طفل سهم عينه بالاعماق نفاذ
والحق عليك بقذة عقب قذّه
ان كان مالك فيه مدخل ومنفاذ
له الشبك في مدهل الصيد بذّه
وإليا دخل وسط الشبك يابن الافذاذ
غوجك لساعات المهمات حذّه

اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري


يازبن ودعناك في يوم الاثنين
لعلها لك ياخو صنعا مسافير
بجيرة الله ياعشير الغلامين
يامقفي عنا ذكرناك بالخير
نغليك يوم إنك بعيد عن الشين
وريف لضيفك في ليال المعاسير
يوم تغيبه عندنا قدر عامين
ويوم نشوفك فيه عز وتباشير
هذا الفراق اللي نظرناه بالعين
وعز الله انك ناوي بالمحادير
يازبن يالبراق بالله الى وين
واسلم ورد العلم يازبن العمير
فأجابه زبن بن عمير على الابيات الماضية قائلا
وانا بعد ودعتك الله بتسعين
وداعة من حفظ والي المقادير
ياباذل الحسنى على المستحقين
ونطاح بالضيقات وجه المناعير
ياللي بدرب الطيب جالك براهين
ولبست بالبيضا ثياب مشاهير
يبون دربك ناس واجد وعجزين
يجي لهم من دون دربك عواثير
ولا يختفي فعل به الناس دارين
لين انها تمحى الجبال المزابير
من يوم عنك اقفيت والقلب والعين
عندك,, وفي جسمي تشب السواعير

وله ابيات تظهر لنا حكمته وعقله وسعة علمه واطلاعه وايمانه بالله عز وجل فيقول عن المعجزات الثلاث:

لولا الهرم والفقر والثالث الموت
يالا دمي بالكون ياعظم شانك
سخرت ذرات الهوى تنقل الصوت
وخليتها اطوع من تحرك بنانك
جماد تكلمها وهي وسط تابوت
تاخذ وتعطي ماصدر من بيانك
وعزمت من فوق القمر تبني بيوت
من يقهرك لو هو طويل زمانك
لولا الثلاث وشان من قدر القوت
نفذت كل اللي يقوله لسانك

---------

انادم اللي رفقته ترفع الراس

ان جا ينادمني وضيع من الناس صديت عنه وقلت منتب نديمي ماهوب كبر وكل ناس لها اجناس وعندي عزيز النفس دايم حشيمي للكبر والله ما توشحت بلباس بكتب التواضع ناجح بتعليمي انادم اللي رفقته ترفع الرأس وياقف معي دايم بوجه الخصيمي ان كبرت القاله والارياق يباس يظيم عدوانه ولا يستظيمي وعندي ليا شفت المناعير جلاس انا لهم بايات فكري كليمي ولا قارب الخايب ولا كل بلاس اللي على نقل النمايم فهيمي نشدتني تقول بالقلب هوجاس قلت أي نعم ما فيه حي سليمي يابو محمد كن ما عندي اوناس اليا خفق فكري بشيء عظيمي اغيب كني وسط ظلمات الادماس واناجي الرب العظيم الكريمي اناجي الخلاق قطاف الانفاس الواحد اللي فوق عرشه مقيمي عز الله اني بالهواجيس غطاس وعزي لمن هو في بحرهن يهيمي يا بندر الجبرين يا معرب الساس اخلصت لك حيثك نديم حليمي العالم الله ما هرجنا بالادناس والله بما يخفي فهيم حكيمي ولادن في جلساتنا حافة الكاس ولا نخوض بكل هرج ذميمي واللي نوده قطعت عنه الارماس ذكراه مثل احلام ليل بهيمي وقت النضا قفا وقفن الافراس وحتى زهور الورد صارت هشيمي والنمر مخلد عقب ما هوب فراس والبوم عقب الذل صبح عديمي وديك الدجاج معلق فيه الاجراس والصقر في صكات وقته سقيمي وابو حقب حصل بالايام موماس الحر غاب وصار عقبه زعيمي وين الرجال مروية كل عباس اهل المهار اللي تعط الرهيمي اقفوا كما غيم تقفاه نسناس ولا حدن بها الدنيا مقيم مديمي كم اوحد في لجة العيب غطاس يفوت عمره في ظلاله بهيمي من الذهب لو هو خزن طرم الاكياس جن من كريم وحرم منها اليتيمي

محمد الأحمد السديري

له عدة مؤلفات منها:

* الديوان الأول للشاعر الأمير محمد السديري. وصل إلى ثمان طبعات
* أبطال من الصحــراء
* الدمــعه الحمراء(قد عرضة كمسلسل بدوي)
* الجديد قصائد الأمير محمد السديري
* محمد بن أحمد السديري أميراً و شـاعراً

وله قصائد عديده في مختلف البحور فقد أبدع بالفخر والغزل والرثاء وفن المحاوره

---

.... مواضيع مشابهة أو ذات علاقة بالموضوع :