الشاعر كتب
ابياتا وهي خاطره وضعها توقيعا لمشاركاته في منتدى الفردة واحس ان هذه الابيات لابد ان تكون قصيده فاكملها واصبحت كالتالي :
يـانـاشــد ٍ عــنــي تــســرك عـلـومــي=انــــا بـفـضــل الله بـخــيــر مـــــن الله |
مـقـصـر ومـذنــب واصـلــي واصــومــي=وازل واسـتـغـفـرعـلـى كــــــل زلـــــــه |
واقــوم فـــي وقـــت الـلــزوم بـلـزومـي=واشــوم عــن هــرج ٍ مـهـو فــي محـلـه |
واحب فعل الطيـب مـن عـرض قومـي=واكــره دروب المسكـنـه والمـذلـه |
واحـفـظ تقالـيـدي واراعــي سـلـومـي=وابـعـد عـــن المـنـقـود دقـــه وجـلــه |
ولا واطـن مصاحـب عيـال الرخـومـي=الـلــي تناشـبـنـي عـلــى كــــل زلــــه |
واتــــوق لـلـبـطـران نــســل الـقـرومــي=الــلــي لارحــــت بـطـرقــة ٍ مـاتـمـلــه |
واقـنـع بمقسـومـي ولا يـزيــد لـومــي=لاشـــك كـــل ٍ رزقـــه مـقــدر ٍ لــــه |
وان مـــت مـانــي مـيــت ٍ قـبــل يـومــي=وان عشت مانـي عايـش العمـر كلـه |
ماخـلـد الـلـي مــن خـطـاه معـصـومـي=وقـدامــنــا دار ٍ نــبـــي نـنـتـقــل لـــــه |
يـربـح بــه الـلـي بـأمـر ربـــه يـقـومـي=الـلــي فـعــول الـخـيـر تــمــلا سـجـلــه |
والا تـــرى الـدنـيـا مــجــرد حـلـومــي=اجـمـع شـريـط العـمـر وارجــع وأفـلــه |
نركض ورى الدنيا ونركض ونومي=والـحـاصـلـه كــــل ٍ يــــراوح مـحــلــه |
يــا الادمــي مهـمـا تـحـوش مـحـرومـي=كـن الزمـان يقـول مـا اخــذت خـلـه |
خيرك لوانك دمـت لـه مـا يدومـي=وان دام خيـرك مانتـه بـدايـم ٍ لــه |
عبدالعزيز بن راشد بن سدحان
خاطرة التوقيع - مجالس الفرده http://www.alfredah.net/forum/threads/alfredah6110/
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..