الناس ما تبتلي من روس عقّالها
دايم بلاويّـها من روس جهّالها
لو كل جاهل ليا جته المواقف سكت
ما كان شفت الجهالة يكبر ظلالها
أقضب عيالك عن العالم بحزم وعزم
على شان كل الخلايق تقضب عيالها
الناس مثلك بعد.. تزعل بوقت الغلط
تهمل مواجيبها .. تذبحك باهمالها
الوقت يكشف لك وجيهٍ مهي تنكشف
مـَعْ كل هبّة هبوب تبيِّن أشكالها
والناس ما تنوزن بالمال يا مسندي
أكبر غلط لا وزنت الناس بأموالها
مجالسٍ خمسة بخمسة ولا لك محل
أربع وعشرين ساعة تطبخ ادلالها
ومجالسٍ ( كبرها كبراه ) ما تندهل
حتى بساس الحواري ما تعنّى لها
معادن الخلق ما تظهر بوقت الرخا
لا صمّلت شف معادنها من أفعالها
واللي ما يقدر ( نفصلِّ له ثياب العذر )
حنا أكثر اللي يعذْر الناس وأحوالها
يا ليت بعض الهقاوي قبل لا تنهقي
ما تنهقي لين .. تدري وين مدهالها
ويا ليت بعض الرسايل قبل لا تنرسل
يكتب عليها ( ترى ما يصلح إرسالها )
دايم بلاويّـها من روس جهّالها
لو كل جاهل ليا جته المواقف سكت
ما كان شفت الجهالة يكبر ظلالها
أقضب عيالك عن العالم بحزم وعزم
على شان كل الخلايق تقضب عيالها
الناس مثلك بعد.. تزعل بوقت الغلط
تهمل مواجيبها .. تذبحك باهمالها
الوقت يكشف لك وجيهٍ مهي تنكشف
مـَعْ كل هبّة هبوب تبيِّن أشكالها
والناس ما تنوزن بالمال يا مسندي
أكبر غلط لا وزنت الناس بأموالها
مجالسٍ خمسة بخمسة ولا لك محل
أربع وعشرين ساعة تطبخ ادلالها
ومجالسٍ ( كبرها كبراه ) ما تندهل
حتى بساس الحواري ما تعنّى لها
معادن الخلق ما تظهر بوقت الرخا
لا صمّلت شف معادنها من أفعالها
واللي ما يقدر ( نفصلِّ له ثياب العذر )
حنا أكثر اللي يعذْر الناس وأحوالها
يا ليت بعض الهقاوي قبل لا تنهقي
ما تنهقي لين .. تدري وين مدهالها
ويا ليت بعض الرسايل قبل لا تنرسل
يكتب عليها ( ترى ما يصلح إرسالها )
ابيات للشاعر : سعد المطرفي
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..