السلام عليكم و اسعد الله اوقاتكم،
يقول شريّف الفريدي الحربي:
لو كل غلطة على الصاحب نسجلها
فقدت ثلثين من مجموعة اصحابي
لكن نطوف هذيك وذيك نجلها
ولاقول وش قال زيد اليوم بغيابي
اشيل زلة رفيقي واتحملها
ولا ركض وراء كل فارغة بمشعابي
اشوف وأصد واسمع واتجاهلها
واجحد مدى غيظ قلبي واملك اعصابي
وأرجى عسى صاحب السيئة يبدلها
لا شافني عن طريقة قافل ٍ بابي
والا ترى كل كلمة لو تحللها
تطلع بوجهين من سلبي إلى ايجابي
واللي يبي المشكلة دايم يحصلها
يا صعب درب الوفاء يا هون الأنشابي
وسيرة هل الطيب مهونها ومسهلها
لو انها بالعلوم ومسح الأشنابي
لكن تجي ساعةٍ وتبيّن اعللها
لا صار وقت اللزوم وحزم كلابي
والهرجة أعرف عواقبها وكايلها
قدام تخطي هدفها وأنت بالنابي
والنفس ما يعزها يا كود شايلها
ولا يطيب للناس من لنفس ما طابي
وتلقى من الناس مثل اللي تعاملها
وإليا اختلف شي تلقى منك الأسبابي
وقناعة النفس رأس العز يكملها
اليا حصل قوتها والستر بثيابي
وأرزاق غيرك لغيرك لا تخايلها
لك ما كتب لك ولي ما خط بكتابي
كم واحداً ما يبين لو هو آكلها
بسدود بعض الرجال اضيع الارقابي
واعرف ترى الناس ما تجحد جمايلها
وجحاد فعل الجميل يقال له هابي
واللي مشاعر دروب الحق قاتلها
منين ما كان بيّا موقع ارهابي
وشكواك للي ظروفك ما يعدلها
صيحة خلا ما لها فزاع ومنابي
السلام عليكم و اسعد الله اوقاتكم،
زعل واحدٍ من قبيلة حرب، يقول ليس تبتر القصيدة كملها😳
حاضرين يا حرابة الدول👌👍❤️
*وهذه تكملتها*:-
وقيمتك مع نازل القيمة تنزلها
والحر يثر عليه اللي معه رابي
واختر ثيابك على قدك وفصلها
ترى ابليس اخرجه من طوبا الاعجابي
والكلمة اللي انت منها تستحي قلها
ترى اللي أخطا سنان الرمح ما صابي
آخر هديه لو الواجب معجلها
ولو فايدتها لغيري ولّى أنا ما آبي
معقلاتٍ ركابي في مساهلها
وعندي خبر ما يفك الوسق مطلابي
ترى الاصايل معادن من سلايلها
نصيحةٍ من شريف لكل عزابي
طول القصيدة بلا معنى يمللها
اثبت ما قلت من بعد التجرابي
امشي مع الناس واخذ من دلايلها
وبضاعتي ما تجي مع كل جلابي
والهامله طردها اللي مهملها
وليّه عن اللي بدون عقال مجنابي
ويا رب لطفك بروحي يوم تسألها
عن ما جرى في حياتي وانته أدرابي
ويالله تعدل عن الزلات مايلها
يا واحداً من لجأ بحماك ما خابي
ويا رب سترك ونفسي لا تفشلها
لي جاء النهار الصعيب وقدم احسابي
والنفس في طاعة الرحمن ذللها
يعزها ذلها في يوم الاحزابي
تخف عنها الذنوب ولا تحملها
برحمتك يقرب من أقرب كل الأقرابي
وصلاة ربي عدد ما هل وابلها
على نبي ٍتجنّب كل مرتابي
يقول شريّف الفريدي الحربي:
لو كل غلطة على الصاحب نسجلها
فقدت ثلثين من مجموعة اصحابي
لكن نطوف هذيك وذيك نجلها
ولاقول وش قال زيد اليوم بغيابي
اشيل زلة رفيقي واتحملها
ولا ركض وراء كل فارغة بمشعابي
اشوف وأصد واسمع واتجاهلها
واجحد مدى غيظ قلبي واملك اعصابي
وأرجى عسى صاحب السيئة يبدلها
لا شافني عن طريقة قافل ٍ بابي
والا ترى كل كلمة لو تحللها
تطلع بوجهين من سلبي إلى ايجابي
واللي يبي المشكلة دايم يحصلها
يا صعب درب الوفاء يا هون الأنشابي
وسيرة هل الطيب مهونها ومسهلها
لو انها بالعلوم ومسح الأشنابي
لكن تجي ساعةٍ وتبيّن اعللها
لا صار وقت اللزوم وحزم كلابي
والهرجة أعرف عواقبها وكايلها
قدام تخطي هدفها وأنت بالنابي
والنفس ما يعزها يا كود شايلها
ولا يطيب للناس من لنفس ما طابي
وتلقى من الناس مثل اللي تعاملها
وإليا اختلف شي تلقى منك الأسبابي
وقناعة النفس رأس العز يكملها
اليا حصل قوتها والستر بثيابي
وأرزاق غيرك لغيرك لا تخايلها
لك ما كتب لك ولي ما خط بكتابي
كم واحداً ما يبين لو هو آكلها
بسدود بعض الرجال اضيع الارقابي
واعرف ترى الناس ما تجحد جمايلها
وجحاد فعل الجميل يقال له هابي
واللي مشاعر دروب الحق قاتلها
منين ما كان بيّا موقع ارهابي
وشكواك للي ظروفك ما يعدلها
صيحة خلا ما لها فزاع ومنابي
السلام عليكم و اسعد الله اوقاتكم،
زعل واحدٍ من قبيلة حرب، يقول ليس تبتر القصيدة كملها😳
حاضرين يا حرابة الدول👌👍❤️
*وهذه تكملتها*:-
وقيمتك مع نازل القيمة تنزلها
والحر يثر عليه اللي معه رابي
واختر ثيابك على قدك وفصلها
ترى ابليس اخرجه من طوبا الاعجابي
والكلمة اللي انت منها تستحي قلها
ترى اللي أخطا سنان الرمح ما صابي
آخر هديه لو الواجب معجلها
ولو فايدتها لغيري ولّى أنا ما آبي
معقلاتٍ ركابي في مساهلها
وعندي خبر ما يفك الوسق مطلابي
ترى الاصايل معادن من سلايلها
نصيحةٍ من شريف لكل عزابي
طول القصيدة بلا معنى يمللها
اثبت ما قلت من بعد التجرابي
امشي مع الناس واخذ من دلايلها
وبضاعتي ما تجي مع كل جلابي
والهامله طردها اللي مهملها
وليّه عن اللي بدون عقال مجنابي
ويا رب لطفك بروحي يوم تسألها
عن ما جرى في حياتي وانته أدرابي
ويالله تعدل عن الزلات مايلها
يا واحداً من لجأ بحماك ما خابي
ويا رب سترك ونفسي لا تفشلها
لي جاء النهار الصعيب وقدم احسابي
والنفس في طاعة الرحمن ذللها
يعزها ذلها في يوم الاحزابي
تخف عنها الذنوب ولا تحملها
برحمتك يقرب من أقرب كل الأقرابي
وصلاة ربي عدد ما هل وابلها
على نبي ٍتجنّب كل مرتابي
ليست هناك تعليقات:
إرسال تعليق
أهلا بك ،
أشكر لك إطلاعك على الموضوع و أن رغبت في التعليق ،
فأرجو أن تضع إسمك ولو حتى إسما مستعارا للرد عليه عند تعدد التعليقات
كما أرجو أن نراعي أخلاقيات المسلم;حتى لانضطر لحذف التعليق
تقبل أطيب تحية
ملاحظة: يمنع منعا باتا وضع أية : روابط - إعلانات -أرقام هواتف
وسيتم الحذف فورا ..